Deuteronomy 3:28 - Bible Ni Thothup

²⁸ Mu fonownag Joshua. Ngam pi’ e athamgil nga laniyan’ nge gel e leam rok, ni bochan e ir e bayi pow’iy e pi girdi’ ney ngar th’abed nga ba’ nem ngar tafned fare binaw ni ga be guy.’

Deuteronomy 3:28 Referans Kwoze

Deuteronomy 31:3

SOMOL ni Got romed e bayi m’on romed nge thirif u but’ girdi’en e pi nam ni bay nga m’on romed, ya nge yag ni ngam tafned fapi nam rorad, me Joshua e bayi yog e thin romed ni bod nike yog SOMOL.

Deuteronomy 31:23

Ma aram me ga’ar SOMOL ngak Joshua nib mo’on ni fak Nun, “Mu par ni gab muduwgil ni dabi marwaer lanin’um. Bay mu gafaliy e girdi’ nu Israel ngalan fare nam ni ku gu micheg ngorad, ma bay gu un ngom.”

Deuteronomy 31:7

Me pining Moses Joshua me ga’ar ngak u p’eowchen urngin e girdi’ nu Israel, “Mu par ni ga ba muduwgil ni dabi marweran’um; ya gur e ngam gafaliy e pi girdi’ ney ngam marod ngalan e re nam nem ni SOMOL e micheg ngak pi chitamangirad.

Deuteronomy 1:38

Machane ngam pi’ e athamgil nga laniyan’ e ta’ayuw rom i Joshua ni fare mo’on ni fak Nun, ya ir e ra yan ngalan fare binaw. Ma bayi pow’iy yu Israel ngar tafned fare nam.’

Acts 7:45

Pi chitamangidad ni pi’ pi chitamangirad e re tent nem ngorad, e tomur miyad fek nge un ngorad ko fa ngiyal’nem ni fa’anra uned ngak Joshua ngar feked fa gi nam ni i par girdi’en bo’or e nam u daken me tulufrad Got riy. Me par u rom nge mada’ nga nap’an David.

Hebrews 4:8

Ya fa’an mang e fek Joshua fapi girdi’ ngar uned ngak Got ko toffan, ma dabki weliy Got nga tomuren murung’agen yugu reb e rran.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

1 Kronicles 28:20

Me ga’ar David ni Pilung ngak Solomon ni fak, “Nge pagan’um me muthan’um. Mu tabab ko maruwel ma dab mu pag ban’en nge talegem. I SOMOL ni Got, ni ir e gu ma pigpig ngak e bayi par rom. Dabi pagem, machane ra par rom nge mada’ ko ngiyal’ ni kam mu’ i muruwliy fare Tempel rok.

1 Kronicles 22:6

Ma aram me pining Solomon nib mo’on ni fak, me yog ngak ni nge toy fare tempel rok SOMOL ni Got nu Israel.

Joshua 1:2

“Tapigpig rog i Moses e ke yim’. Ere mfal’eg rogom e chiney, ni gur nge urngin e girdi’ nu Israel, ngam th’abed e lul’ ni Jordan ngam marod ngalan fare nam ni ir e nggu pi’ ngomed.

Deuteronomy 1:37

Ki damumuw SOMOL ngog ni bochmed me ga’ar, ‘Mus ngom i gur Moses, ma kudab mu’un nga langgin fare binaw.