Deuteronomy 3:27 - Bible Ni Thothup

²⁷ Man nga p’ebugul fare Burey ni Pisgah ngam changar ngalan e lel’och nge lan e yimuch, nge lan e ngek nge lan e ngal. Ma ga fal’eg i yaliy e tin ga ra guy, ya ri dab mu th’ab e Jordan nga ba’ nem.

Deuteronomy 3:27 Referans Kwoze

Numbers 27:12

Me ga’ar SOMOL ngak Moses, “Mman nga daken e burey ni Abarim ngam sap nga daken fare nam ni bay gu pi’ ngak yu Israel.

Numbers 20:12

Machane puwan’ SOMOL ngak Moses nge Aron ni ga’ar, “Bochan e de gaman e pagan’ romew ngog ni ngam dagew u p’eowchen yu Israel nib pagan’mew nga gelngig nib thothup, ma aram e dab kum pow’iyew yu Israel ngalan fare nam ni gu micheg ni bay gu pi’ ngorad.”

Numbers 23:14

Me fek ngranow nga daken bangi flang u Zofim ni bay u p’ebgul e Burey ni Pisgah. Miki ubung medlip e altar u rom, mra reb fapi altar miki maligachnag reb e garbaw ni pumo’on nge reb e saf ni pumo’on u daken.

Deuteronomy 1:37

Ki damumuw SOMOL ngog ni bochmed me ga’ar, ‘Mus ngom i gur Moses, ma kudab mu’un nga langgin fare binaw.

Deuteronomy 31:2

ni ga’ar, “Chiney e ke gaman 120 e duw yangreg, ma dabkiyag rog ni nggu par ni gag e gu be yog e thin romed. Ma keyog SOMOL ngog ni dab gu un i th’ab e lul’ ni Jordan nga ba’nem.

Deuteronomy 32:49

“Mman ko fare thal i burey ni Abarim ni bay u lan e nam nu Moab, ni ba’y u puluwon e binaw nu Jeriko; ma ga yan nga daken e burey ni Nebo ngam yaliy e nam nu Kanaan, ni aram e nggu pi’ ngak e girdi’ nu Israel.

Deuteronomy 32:52

Re nam nem ni bay gu pi’ ngak yu Israel e bay mu yaliy u orel, machane dab mu’un ngay.”