Deuteronomy 3:1 - Bible Ni Thothup

¹ “Ma gadad yan u rom ko lel’och ni gadad be sor i yan nga Bashan. Me yib Og ni Pilung nu Bashan ni yad e pi salthaw rok ni cham ngodad u charen fare binaw nu Edrei.

Deuteronomy 3:1 Referans Kwoze

Deuteronomy 29:7

Ma nap’an nda bad ko re gin’ey me yib Sihon ni Pilung nu Heshbon nge Og ni Pilung nu Bashan ni ngar chamgow ngodad. Machane da gelgad ngorow,

Deuteronomy 1:4

Weliy ngorad u tomuren nike mael SOMOL ke gel ngak Sihon ni Pilung ko Amorite. Mi Sihon e ma par u lan e binaw nu Heshbon ngi i gagiyeg. Ma ku er rogon Og ni Pilung nu Bashan, ni i gagiyeg u lan e binaw nu Ashtaroth ngu Edrei.

Psalms 136:20

nge Og ni pilung nu Bashan; t’ufeg rok e ba manemus.

Nehemiah 9:22

“Gur e mu pagrad ngar gelgad ngak e pi nam nge pi pilung, ko yungi nam ni yad bmathil. Ra gelgad ko nam nu Heshbon, ni Sihon e pilung riy, nge nam nu Bashan, ni Og e pilung riy.

1 Kings 4:19

Geber nib mo’on ni fak Uri: nug nu Gilead, niki i gagiyegnag Sihon ni Pilung nu Amor nge Og ni Pilung nu Bashan Ragag nge l’agruw i girdi’ ney, machane kabay reb e governor ni ir e ga’ u ga’ngin e gi but’ ney.

Joshua 13:30

Re gin’em ni taferad e yan nge mada’ nga Mahanaim nib mu’un ga’ngin yang yu Bashan ngay — nge ga’ngin yang e gin ma gagiyegnag Og ni Pilung nu Bashan, ma ku errogon gubin fa nel’ i ragag e pi binaw nu Jair ni bay u lan yu Bashan.

Joshua 12:4

Ku ra gelgad ngak Og ni Pilung nu Bashan, ni ir reb e tin tomur ko pi Refaim ni magach; ni i gagiyegnag yu Ashtaroth nge yu Edrei.

Joshua 9:10

nge n’en nike rin’ ko fa gali Pilung nu Amor ko ngek u Jordan ni Sihon ni Pilung nu Heshbon nge Og ni Pilung nu Bashan, ni yow ma par u Ashtaroth.

Deuteronomy 31:4

I SOMOL e bayi thirif girdi’en e pi nam nem u but’ ni bod rogon ni gel ngak Sihon nge Og ko mael, ni yow e pilung ko pi Amorite, me kirebnag e nam rorad.

Deuteronomy 4:47

Miyad kol e binaw rok ngar pired ngay nge fare binaw rok Og ni Pilung nu Bashan, ni fa binem e pilung ni i par ko ngek u Jordan.

Deuteronomy 3:2

Me ga’ar SOMOL ngog, ‘Dab mu rusgad ngak. Bay gu pi’ ngomed, nge pi salthaw rok, nge ga’ngin fare gi nug ni tafen. Ma n’en ni mu rin’ed ngak Sihon ni Pilung rok e pi Amorite ni i gagiyeg u Heshbon e ku aram e n’en ni ngam rin’ed ngak Og.’

Deuteronomy 2:32

Ma aram me yib Sihon nge urngin e pi salthaw rok ni ngar maelgad ngodad u to’oben fare binaw nu Jahaz.

Joshua 12:1

Girdi’ nu Israel e ka’ ra gelgad kar tafned fare gi binaw ni bay ko ngek u Jordan, ni tabab ko loway nu Arnon me yan nga talang ko loway ni Jordan me yan i mus ko Burey ni Hermon. Ra gelgad ngak l’agruw e pilung.