Deuteronomy 29:6 - Bible Ni Thothup

⁶ Dariy e flowa ni um ked, ara wayin nge biya ni um unumed, machane urngin e tin nib t’uf romed ma i pi’ SOMOL ngomed, ni bochan e ngam filed riy ni ir e Got romed.

Deuteronomy 29:6 Referans Kwoze

Deuteronomy 8:3

Me pagmed ngam pired ndariy ban’en ni gimed ra kay, me pi’ e manna ngomed ni ngam ked, nib ggan ni dawor mu ked bi’id ma ku arogon e pi chitamangimed ni kakrom. I rin’ e ren’ey ngomed ni fan e nge fil ngomed ni gathi go’ flowa e ma tay e girdi’ nib fos, machane gubin bug e thin ni yib u langan SOMOL e ra tay e girdi’ nib fos.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

1 Korinth 9:25

Ra be’ ni be fol gosgos ma be fol ko motochiyel ko fare gosgos ni be rin’; ni be rin’ ni aram rogon ni fan e nge yag nte’eliyawnag nga ba te’eliyaw ni gathi bayi par ni dabi kireb; machane gadad e gadad be rin’ ni fan nga reb e te’eliyaw nra par ni dariy n’umngin nap’an.

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Numbers 20:8

“Mu fek fare ley i sog ni bay u m’on ko fare Kahol ko M’ag, mi gimew kunuy Aron e girdi’ ni gubin. Mu p’eowcherad ni yad gubin e ngam non riy ko re war ni ba’aram me po’ e ran riy. Irera’ rogon me yib e ran nga but’ ko re war nem nge unum e girdi’ nge gamanman rorad.”

Numbers 16:14

Ya gathi kam fekmad i yib ngabang i but’ nib yong’ol ara kam pi’ yuyang e flang ngomad nge woldug ni grape ni nggu fi’iyed. Ere mog, chiney e kag be guy rogon ni ngam ban nagmad? Dab gu bow!”

Exodus 16:35

Piyu Israel e ra ked e manna ni aningeg i ragag e duw nge yan i mada’ ko ngiyal’ nra tawgad ko nam nu Kanaan, ni aram e gin nra pired riy. (

Exodus 16:12

“Kug rung’ag e gun’gun’ ni be tay piyu Israel; nge lungum ngorad, ‘Ra yan ni nge aw e lumor ma bayi yag ngomed e ufin ni ngam ked, ma kadbul e bayi yag ngomed urngin e ggan ni ngam ked. Ma aram e bay mu nanged ni Gag SOMOL e Got romed.’”

Deuteronomy 29:7

Ma nap’an nda bad ko re gin’ey me yib Sihon ni Pilung nu Heshbon nge Og ni Pilung nu Bashan ni ngar chamgow ngodad. Machane da gelgad ngorow,

Deuteronomy 2:33

Machane SOMOL ni Got rodad e pi’ Sihon nga pa’dad, ma gadad thang e fan rok, nge pi pumo’on ni fak, nge urngin e pi salthaw rok.

Deuteronomy 3:3

“Ma aram miki pi’ SOMOL Og ni Pilung nu Bashan nge pi girdi’ rok ngalan pa’dad, magdad thang e pogofan rorad ni yad gubin.

Deuteronomy 3:6

Magdad gathey fa yochi binaw ni urngin, ma gadad thang e fan rok urngin e pumo’on, ppin, nge bitir, ni bod rogon nda rin’ed u lan fapi binaw rok Sihon ni Pilung nu Heshbon.