Biblia Todo Logo
Bib sou entènèt

- Piblisite -




Deuteronomy 29:25 - Bible Ni Thothup

25 Ma ba’aray e fulweg riy, ‘Bochan e ke th’ab e girdi’ rok SOMOL fare m’ag ni ngongliy u thilrad, ni fare Got rok e pi ga’ rorad kakrom, ni ir e fekrad nga wuru’ yu Egypt.

Gade chapit la Kopi




Deuteronomy 29:25
20 Referans Kwoze  

Gathi bayi bod rogon e bin ba’aram e m’ag ni gu ngongliy u thilig nge pi chitamangirad ko fa rofen ni gu kol pa’rad nggu pow’iyrad nga wuru’ e nam nu Egypt. Dar pired ni yad ba yul’yul’ ko fare m’ag ni gu pi’ ngorad, ma aram e da kug tiyan’ug ngorad.


Bay i li’rad gubin e pi’in bay i mada’ nagrad. Pi to’ogor rorad e yad be ga’ar, ‘Kar denengad nib togopluw ngak SOMOL, ere n’en ni kad rin’ed e de kireb. Pi chitamangirad e i pagan’rad ngak SOMOL, yad e dabisiy ni ngar pired ni yad ba yul’yul’ ngak.’


Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.


Ma aram e bay rogned nike yodrom ni bochan e ka mu n’iged fare m’ag u thildad, ni gag e Got romed, ke mang yug boch e got e gimed be meybil ngak ma gimed be pigpig ngak.”


Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.


Kar pigpiggad ngak yug boch e got ni dawor ra tedfan bi’id, ni fapi got ni dabun SOMOL ni ngar meybilgad ngorad.


Ma bayi fulweg boch e girdi’ ni nge lungrad, ‘Bochan e n’ag e girdi’ ko re nam ney SOMOL ni Got rorad, ni ir e fek pi chitamangirad ni kakrom nga wuru’ e nam nu Egypt. Ra chelgad ngak yugu boch e got ngu ur ted farad ma yad be pigpig ngorad. Aram fan nike girengiy SOMOL e re riya’ ney nga dakenrad.’”


Piyu Israel e ra ngongliyed bogi ban’en nde m’agan’ SOMOL ni Got rorad ngay. Ra ubungyed e yungi tagil e meybil rok e pi’in ndar nanged SOMOL u lan urngin e pi yochi binaw rorad, ni mus ko bin th’abi achig e binaw nge mada’ ko bin thabi ga’ e binaw.


Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.


Ya kar pi’ed keru’rad ngog yad be pi’ e maligach ngak yugu boch e got, ere kar k’aringed e damumuw ngog ko urngin e tin yad be rin’ nib kireb. Damumuw nike yib ngog nib togopluw ngak yu Jerusalem e bod ba nifiy ni be daramram nib gel ni dabiyag ni ngan thang.


I Nebukadnezzar ni Pilung nu Babylon e gelfen ngak Zedekiah nge micheg u fithingan Got ni nge par nib yul’yul’. Ma ba gelan’ me siyeg ni nge pi’ keru’ ko denen rok nge sul ngak SOMOL, ni fare Got nu Israel.


“Machane rib thil ngomed e pi’in kam pi’ed keru’med ngog, ni kam feked yathin yu Zion, ni fare burey rog nib thothup, gimed be meybil ngak Gad nge Meni, ni fagal got ko wol nge wa’athey.


Ma aram e ngamog ngorad ni SOMOL e ke ga’ar, ‘Pi chitamangimed e ra pi’ed keru’rad ngog ng’ur ted fan ma yad be pigpig nga yug boch e got. Ra n’iged gag ni da ku ra folgad ko tin gu machib nag.


Ma bayi par e re Tempel ney nib puth, ma urngin e girdi’ ni bay urbad u charen ngranod e yad ra gin ngay me lungurad, ‘Mang nike yodoro’nag SOMOL e re nam ney nge re Tempel ney?’


Girdi’ rok Got e ra uned i tayfan e pi liyos, ni aram tapgin e riya’ ngorad.


“Tomuren e bo’or e milekag ni bay i yan u rom mu ur fithedyad ko mangfan ni Gag SOMOL e ku gu rin’ e biney e n’en ko re binaw ney nib ga’ ma ba gilbugwan.


ni bochan e girdi’ riy e i rin’ e kireb nge k’aring e damumuw ngog. U ra pi’ed e maligach ngak yug boch e got mu’ur pigpig gad ko pi got ni dariy bagyad fa bigmed ara reb e pi chitamangimed ni i meybil ngorad.


Swiv nou:

Piblisite


Piblisite