Deuteronomy 29:24 - Bible Ni Thothup

²⁴ Ma aram e ga’ngin e fayleng ni bay ra fithed ni lungurad, ‘Mangfan nike rin’ SOMOL e ren’ey ko nam rorad? Mang tapgin ni kari damumuw?’

Deuteronomy 29:24 Referans Kwoze

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Ezekiel 14:23

ma aram e bay mu nanged ni bay tapgin ni bfel’ urngin e tin ku gu rin’.” I SOMOL ni Th’abi Tolang e keyog e pi thin ney.

Lamentations 4:12

Dariy be’ u bang, ni mus ngak e pi’in tagagiyeg ko pi nam nu bang, ni tun ngan’ nrayag ni thum’ reb e to’ogor ngalan e garog nu Jerusalem.

Isaiah 65:11

“Machane rib thil ngomed e pi’in kam pi’ed keru’med ngog, ni kam feked yathin yu Zion, ni fare burey rog nib thothup, gimed be meybil ngak Gad nge Meni, ni fagal got ko wol nge wa’athey.

Jeremiah 5:19

Nap’an ni yad ra fith ko mang ni gu rin’ gubin e pin’ey, me gur Jeremiah e ngamog ngorad, ri bod rogon nra chealgad rog nga orel ngu’ur pigpig gad rok yug boch e got nu bang u lan taferad, ere bay ur pigpig gad ko milekag u bang ni gathi taferad.”

Jeremiah 16:10

“Nap’an ni ga ra yog urngin e pin’ey ngorad, ma bay ra fithed gur ko mangfan ni nggu gechig nagrad ni ermirin. Ma kiyad ra fith ko mang e re oloboch nib buch e rorad riy fa mang denen e ka ra rin’ed nib togopluw ngak SOMOL ni Got rorad.

Jeremiah 40:2

Fare tolang ko salthaw e piningeg nga wuru’ e girdi’ nge ga’ar ngog, “Fare SOMOL ni Got rom e keyog ni re but’ ney e nge yib e riya’ ngay,

Levitikus 26:32

Bay gu thirif e binaw romed nge m’ay taliwen u but’, nge gin e pi to’ogor ni karab ra pired ngay nga gelngin e re mogothgoth nem.

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

2 Kings 18:12

Samaria e waer ko mael ni bochan e da i fol e girdi’ nu Israel rok SOMOL ni Got rorad, ya ra th’abed fare m’ag ni ngongliy u thilrad, ma da ku ra folgad u urngin fapi motochiyel ni pi’ Moses ni tapigpig rok SOMOL. Da ur motoyilgad ngay ma da ur folgad riy.

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Ezekiel 16:59

I SOMOL ni Th’abi Tolang e be ga’ar, “Rogon e n’en ni bay gu rin’ ngom e ba m’ag nga rogon ni nge aw ngom, ni bochan e mu furuy e tin gu michmicheg mag th’ab fare m’ag.