Deuteronomy 29:22 - Bible Ni Thothup

²² “Tin bay i yib e mfen ni pi’in owchemed nge pi girdi’ nu boch e nam nib palog e bay ra guyed e pi riya’ nge gafgow ni bayi pag SOMOL nge yib nga daken e nam romed.

Deuteronomy 29:22 Referans Kwoze

Jeremiah 19:8

Bay gu girngiy ba riya’ nib ga’ nga daken e re binaw ney ni urngin e girdi’ ni yad ra yan u to’oben ma yad ra da’da’ miyad gin ko n’en ke rin’.

Hebrews 6:8

Machane fa’anra tugul e rachangal u daken nge pan ma dabi yib fan, ma rayag ni nge kirebnag Got wa’athan, me urfiy ko nifiy.

Jeremiah 49:17

I SOMOL e ke ga’ar, “Riya’ ni nge yib nga daken yu Edom e ba gal e marus riy ni gubin e pi’in yad ra yan u charen e yad ra dada’ ngay miyad rus.

Jeremiah 50:13

Bochan e damumuw rog me par yu Babylon ni dakriy be’ riy; ra par ni dakriy woton u but’, ma gubin e pi’in bay u ranod u rom e bay ra dada’gad ngay nike gin lanin’rad.

Genesis 19:24

me pag SOMOL e sulfur ni be yik’ nge mul u lanelang nga daken yu Sodom nge yu Gomorrah.

Jeremiah 20:16

Mang e yigi par ni bod fapi binaw ni kirebnag SOMOL nde runguy e girdi’ riy. Manga yigi rung’ag laman e gel’gel’ u fithik’ e amith ni kakadbul, nge laman e yabul ni be thow ni be yog e mael nike yib ko misiw’,

Jeremiah 49:18

N’en ni buch rok yu Sodom ngu Gomorrah e aram rogon nra buch rok yu Edom, ni fa’an gubin e yochi binaw u charrow i yan e un ngorow ko mogothgoth. Dakriy be’ ni ku ra par u rom u Edom bayay. I Gag SOMOL e kugog e pi thin ney.

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Zefaniah 2:9

Rogon ni gu be par ni Gag SOMOL ni gub fos ni Got rok yu Israel, e gu be micheg nu Moab ngu Ammon e ngan thirif u but’ ni bod yu Sodom ngu Gomorrah. Bayi par nike sug nag e low ni go’ sol ni dabki fel’ bi’id, nike polo’ i pan. Ma tin ni magay ko girdi’ rog e bay ra giliw nigedrad ngar feked e binaw u pa’rad.”