Deuteronomy 28:65 - Bible Ni Thothup

⁶⁵ Dariy bang ni gimed ra pir’eg e gapas riy, ma dariy bang ni gimed ra yog ntafenmed. Bayi pag SOMOL e magfan’ nge sugnag lanin’med, ma dakuriy ban’en nra l’aggan’med ngay, nike mul lanin’med ko urngin.

Deuteronomy 28:65 Referans Kwoze

Levitikus 26:36

“Bay gu ta’med e pi’in gimed ba kalbus u reb e nam ni gimed mmarus ni mada’ nga lingan bagaf i yuwan e gek’iy nike thoy e nifeng migmed mil. Bay mmilgad ni gowa yibe tulufmed u fithik’ e mael ngu’um awgad nga but’ ndariy ba to’ogor u charmed.

Roma 11:10

Manga yigi man owcherad nge siy ku ra guyed ban’en; ma ga muruwliy ngar bugbuggad u tomalngin e gafgow rorad ni gubin ngiyal’.”

Amos 9:4

Ma fa’anra kolrad e pi to’ogor rorad, ma bay gog ngan thang e pogofan rorad. Kug turguy u wunug ni nggu thang owcharad, ma dab kug ayuwegrad.”

Levitikus 26:16

ma gu ra gechig nagmed. Gu ra pag e buch wa’athan nge yib ngomed, nge m’ar ndab mu golgad riy nge gowel u dakenmed nra malmit nagmed me ngochnag e yafos romed. Bay mu yunged e pi woldug romed, machane dabi yib fal’ngin ngomed, ni bochan e bayi gel e pi to’ogor romed ngomed miyad kay e pin’en ni kam yunged.

Genesis 8:9

machane bochan e kabay e ran nike tharey e binaw, ma de pir’eg fare dove bang ni nge toffan riy. Ma aram me sul me fek Noah nge fulweg ngalan fare barkow.

Luke 21:26

Ma bayi aw e girdi’ nga but’ ko marus ko ngiyal’ ni ba’aram ni yad be sonnag e n’en ni be yib i yib nga daken e fayleng ni polo’; ma gelngin e pin’en ni bay u lanelang e bay ni pingegrad ngranod ko gin ni gathi ir e yad be sor ngay.

Matthew 24:8

Urngin e pin’ey e bod e bin som’on e amith nma yib ngak be’ ni nge gargel.

Habakkuk 3:16

Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

Lamentations 3:65

Mu kirebnag wa’athrad mag suguyrad ko buchbuchan’!

Isaiah 65:14

Bay ur tang niged e felfelan’, machane bay um yorgad ni kari mo’och’och lanin’med.

Isaiah 57:21

SOMOL e be ga’ar, “Dariy e gapas ni fen e pi’in tadenen.”

Isaiah 51:17

Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Deuteronomy 28:66

Yafos romed e gubin ngiyal’ ni bay u thathren e riya’. Rran nge nep’ ni bay um pired nike suguymed e marus, ma bay um pired ni gubin ngiyal’ ma gimed be dugownag e pogofan romed.

BABYOR NI JOB 11:20

Machane pi’in kireb e bay u ra sapsapgad nike math e liyab rorad miyad pir’eg ndariy kanawo’en miyad thay. Ta’a re lagan’ rorad e yam’ ni nge taw ngorad.

Lamentations 1:3

Girdi’ nu Judah e yad bogi sib ni dakriy gelingrad, kan chuwegrad u taferad. Yad be par u lan yug boch e nam, ni dariy bang riy ni yad ra yog ni taferad — Ke longbiyrad e pi to’ogor rorad, ni dariy kanawo’en miyad thay.

Lamentations 5:17

Kug m’ar gad nga lanin’mad nike mom’aw ni ngguyed ban’en u fithik’ i lu’mad,