Deuteronomy 28:64 - Bible Ni Thothup

⁶⁴ “Bayi weregmed SOMOL ko pi nam u baley e fayleng nge mada’ nga baley. Mu rom e bay um pigpiggad riy ngak e pi got nni ngongliy ko gek’iy nge malang, pi got ndawor mu meybilgad ngorad bi’id ma ku eritay e pi chitamangimed kakrom.

Deuteronomy 28:64 Referans Kwoze

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Jeremiah 16:13

Ere aram e bay gon’med nga wuru’ ere binaw ney nga daken reb e but’ ndariy bigmed ara pi chitamangimed ni manang murung’agen. Nu rom e bay um tedfan boch e got riy ni rran nge nnep, me gag dab ku gu dag e runguy rog ngomed.’”

Nehemiah 1:8

Mu leamnag e tin mog ngak Moses ni lungum, ‘Ra um pired yu Israel ndamur yul’yul’gad ngog ma bay gu weregmed ko pi nam i yan.

Deuteronomy 28:36

“Bayi fekmed SOMOL nge pilung romed nga yug reb e nam nib palog, ndariy bi’id ni kam pired riy nge pi ga’ romed; mu rom e bay mu tedfan boch e got riy nni ngongliy ko gek’iy nge malang.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Genesis 4:14

Chiney e ngam chuwegeg ko re gi but’ ney ngu p’eowchem. Bay gu par ni dariy e naun rog mu ug malethay u fayleng i yan, ma demturug be’ nra mada’ nigeg me li’eg nggum’.”

Deuteronomy 4:32

“Mu sulod ngam gayed murung’agen e kakrom, ni tin ba’aram e rran ndawor ni gargelegmed, ni tabab ko fa ngiyal’ ni ba’aram ni sunumeg Got e girdi’ u daken e fayleng; mu gayed u ga’ngin yang e fayleng. Ka’a m’ug ban’en ni yira ngat ngay ni aram rogon? Ka e rung’ag be’ murung’agen ban’en ni ara’ rogon?

Deuteronomy 29:26

Kar pigpiggad ngak yug boch e got ni dawor ra tedfan bi’id, ni fapi got ni dabun SOMOL ni ngar meybilgad ngorad.

Deuteronomy 30:1

“Kug pagfan ngomed ni gimed e ngam duwgiliyed ko fel’wa’athan fa buchwa’athan e nge yib ngomed. Nap’an nra yib e pin’ey ngomed ni gimed be par ko pi nam i yan ni SOMOL ni Got romed e ke weregmed riy, ma nge yib ngan’med e pi thin ney ni kugog.

Deuteronomy 32:17

Ma yad be pi’ e maligach ngak pi got ni go’ bogi ban’en, bogi got nda i meybil yu Israel ngorad, ma da i fol piyu Israel rorad.

Deuteronomy 32:26

Susun e ngar gu thang owcherad nge dabki leam nagrad be’,

2 Kings 17:6

ni aram e duw ni mereb ko gagiyeg rok Hoshea, me kol fare pilung nu Assyria yu Samaria u tan e mael, me fek piyu Israel nga Assyria ni yad bogi kalbus, me tay boch i yad ngar pired u lan fare binaw nu Halah, ma boch e ra pired u to’oben fare Lul’ ni Habor u lan fa re gi nug nu Gozan ma boch e ra pired u lan fapi binaw nu Media.

2 Kings 25:21

Mu rom u Riblah ko nug nu Hammath e yog e pilung riy ni ngan gafgow nagrad nge mu’ min thang e pogofan rorad. Aray rogon nchuweg e girdi’ nu Judah ko nam rorad min fekrad nga Babylonia ngar kalbusgad.

Psalms 44:11

Kam pagmad ni ngan li’mad ni bod e saf; kam weregmad ko pi nam i yan.

Isaiah 6:12

Bay gu pi’ e girdi’ riy ngranod ngabang nrib orel me yan i par e re nam ney ni kann’ag.

Jeremiah 9:16

Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”

Jeremiah 15:14

Bay gu gagiyeg nagrad ngu’ur pired ni yad be pigpig ngak e pi to’ogor rorad u lan reb e nam ndar nanged murung’agen, ya damumuw rog e bod e nifiy, ma bay i daramram ndariy n’umngin nap’an.”

Lamentations 1:3

Girdi’ nu Judah e yad bogi sib ni dakriy gelingrad, kan chuwegrad u taferad. Yad be par u lan yug boch e nam, ni dariy bang riy ni yad ra yog ni taferad — Ke longbiyrad e pi to’ogor rorad, ni dariy kanawo’en miyad thay.

Ezekiel 20:23

Ma aram mu kug micheg reb e ban’en ngorad u daken e ted, ni bay gu werweregrad u daken e fayleng.

Ezekiel 36:19

Kug gechig nagrad ni bochan rogon ni yad be par nge ngongol rorad nib kireb, ma kug werweregrad u daken e pi nam ni gathi nam rorad.

Zekariah 7:14

Bod bang i yiko’ ni aw, gu tharbograd ngranod ra pired nga yug boch e nam. Re but’ ney ni bfel’ e ni pag ni dakuriy ban’en riy, ma dakuriy be’ ni par riy.”

Deuteronomy 13:8

Dab m’inggad ngorad fa motoyilgad ngorad, fa mu rungyed ya’arad, fa mu yororgad rorad.

Amos 9:9

“Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay.

Zekariah 2:10

Ke ga’ar SOMOL, “Mu tang niged e felfelan’ gimed piyu Jerusalem! Arme kugub ni nggu par u fithik’med!”