Deuteronomy 28:50 - Bible Ni Thothup

⁵⁰ Yad ba yargel ma dariy e runguy rorad ngak be’, ndemturug ko bitir fa labthir.

Deuteronomy 28:50 Referans Kwoze

Isaiah 47:6

Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

Luke 19:44

Ma bay ra kireb niged gur nge girdi’ ni bay u lan e yoror rom; ma dariy ta’reb e malang ni yad ra pag u tagil’, ni bochan e de pow rom e ngiyal’ ni yib Got riy ni nge thapegem ngak!”

Hosea 13:16

Samaria e thingar ni gechignag ni be togopluw ngog. Girdi’ rok e bay yim’ u fithik’ e mael; pi bitir ni kab ran e bay ni garpay nga but’, ma ppin nib diyen e bay ni guchthuy yinrad.”

Daniel 8:23

“Nap’an nra chugur nga tungun e gagiyeg ni yad be tay, ma ke yan i par e ngongol rorad ni kari kireb ndabisiy ni ngan gechig nagrad, ma bay yib reb e pilung nga tomurrad nib gelan’, ma rib kireb, ma ba sabanban.

Daniel 7:7

Ma nap’an ni ku gu be changar, mu gguy e bin aningeg e gamanman, nrib tamdag ya’an ni yira rus ngak, ma ba gel. Ma bay nguwelen ni gagang’ ni wasey, me par ni yugu be longuy ma be popof e n’en ke kol ma be yot’yot’ e tin ke magey riy; ma de bod reb fa tinem e gamanman. Ma ragag e gagey rok,

Eklesiastes 8:1

Kemus ni pi’in nib gonop e manang e tin riyul’ i fan ban’en. Gonop e ir e ma siminminnag be’ me chuweg e taganan’ u owchen.

Proverbs 7:13

Me yan i gumuchmuch ngak fare pagel nge farey owchen, me lik’ath ngalan mit me ga’ar ngak,

Deuteronomy 28:51

Bay ra longuyed e gamanman romed nge woldug romed, mi gimed yim’ nriyul’ ko bilig. Dab ra paged romed boch e grain, nge wayin, nge gapgep ni olive, nge garbaw nge saf; ma aram e bay mm’ad.

Isaiah 33:19

Ma dab kum guyed girdi’en yugu boch e nam ni yad ba uf ma ba thil e thin rorad ni yad ra non ma dab mu nanged fan!

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”