Deuteronomy 28:21 - Bible Ni Thothup

²¹ Bayi pi e m’ar nge yib ngomed nra chuw bmit me taw bmit nge taw ko ngiyal’ ndakuriy ta’ab gimed ni ku ra magey u lan fare nam nike chugur ni ngam tafned.

Deuteronomy 28:21 Referans Kwoze

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Jeremiah 24:10

Bay gu fek e mael i yib ngorad, uyngol, nge liliy nge taw ngilan’ ndakriy bagyad u daken fare binaw ni gu pi’ ngorad nge pi chitamangirad ni kakrom.”

Jeremiah 15:2

Nap’an ni yad ra fithem ko gin ngar sorgad ngay, ma ga weliy ngorad nike lungug: Boch i yad e liliy e nge thang owcharad ireram e gin bay ranod ngay! Ma boch i yad e kug duwgiliy ni ngarm’ad u fithik’ e mael ireram e gin bay ranod ngay! Ma boch i yad e kug duwgiliy ni ngarm’ad ko uyongol ireram e gin bay ranod ngay! Ma boch i yad e kug duwgiliy ni ngan kolrad ngan fakrad ni ka ra manged kalbus, ireram e gin bay ranod ngay!

Numbers 14:12

Bay gu pi’ e msilipig nib gel nge yib ngorad ngarm’ad riy, me gur e bay gu gagiyeg nigem nge yib owchem ngar manged girdi’en ba nam ni kab gel ma kab pire’ e girdi’ riy ngorad!”

Jeremiah 16:4

Yad ra yim’ ko m’ar ni ubchiya’, ma dariy be’ nra yor nagrad fa k’eyegrad. Dagur rorad e ra aw u but’ ni bod yu ulung i t’ay e gamanman. Ma yira li’rad u tan e mael fa ram’ad ko bilig, ma downgirad e bayi mang ggan ko arche’ nge gamanman ni malboch.

2 Samuel 24:15

Ma aram me pag SOMOL ba misilpig nga daken yu Israel, ni tabab ko kadbul nge mada’ ko ngiyal’ ni duwgiliy. I mus u baley fare nam nu Israel nge mada’ nga baley ma medlip i ragag e bbiyu’ e girdi’ ni yim’ riy.

Numbers 25:9

machane re misilpig nem e ke li’ 24,000 e girdi’.

Exodus 5:3

Me lungurow, “Fare Got rok e girdi’ ni Hebrew e kug mada’gad. Wenig ngom, mu pagmad nggu milekaggad ngalan e ted ni desert ni dalip e rran nggu pi’ed e maligach ngak SOMOL ni Got romad. Fa’anra danga’, mra pi’ e liliy ara mael nge thang owchemad.”

Matthew 26:7

me yib be’ ni bpin nike fek ba melor nni ngongliy ko malang ni alabaster nib sug ko florida nib tolang puluwon, me pu’og nga daken lolugen Jesus ni ka be abich Jesus.

1 Kings 8:37

“Ma ra yib e uyongol u lan e nam, ara ba misilpig, ara yib e nifeng nib gowel nge kirebnag e woldug, ara misilpig nma yib ko woldug, ara yu ran’ i asmen’ing, ara yib e pi to’ogor ra m’aged e mael ngak e tirom e girdi’, ara yib bmit e liliy ara m’ar ngorad,

Amos 4:10

“Gu pag e msilipig ngomed ni bod fa binem ni gu pag ngak piyu Egypt. Kug thang e fan rok e pi’in pagel romed u fithik’ e mael mu gu fek e pi os romed. Mu gu suguy p’ethungmed nga bon e yam’ u lan gin gimed be par riy. Machane ku da mu sulod ngog.

Zekariah 14:12

I SOMOL e bayi pag e m’ar ni ubchiya’ nge yib ngak urngin e pi nam ni yad ma mael ngak yu Jerusalem. Ufin u dowrad e bayi malad nge chuw u nap’an ni kayad bfos; lan owcharad nge balwothrad e ku ra malad nge chuw.