Deuteronomy 28:18 - Bible Ni Thothup

¹⁸ “Ra bucheg SOMOL wa’athamed nge dabki yo’or pifakmed, me kireb e woldug romed, me lich e garbaw nge saf romed.

Deuteronomy 28:18 Referans Kwoze

Levitikus 26:26

Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

Habakkuk 3:17

Yugra yan i par ndariy wom’ngin e gek’iy ni fig, ma dariy wom’ngin e grape; Yugra de k’uf e gek’iy ni olive, ma de k’uf e grain; mus nra yim’ urngin e saf, ma yugra par tafen e garbaw ndakuriy e garbaw riy;

Lamentations 2:20

SOMOL mu changar! Mangfan ni ga be gechig nagmad ni arayrogon? Pi’in ni ppin e yad be longuy pi fakrad nrib t’uf rorad! Prist nge profet e yi be thang e pogogan rorad u lan e Tempel!

Deuteronomy 28:4

“Ra fal’eg SOMOL wa’athmed nge yo’or pifakmed, me yo’or wom’ngin e woldug romed, miki yo’or e garbaw nge saf romed.

Deuteronomy 5:9

Dab mu siro’gad nga ba liyos ara um tedfan, ya Gag SOMOL ni Got romed e dab gu pag yug reb e kan nge tagenging ngog. Ma pi’in yad be fanenikayeg e gu ra gechig nagrad nge pifakrad nge yan i mada’ ko bin dalip nge aningeg e mfen.

Malaki 2:3

Bay ggechig nag pifakmed mug gichiy owchemed nga fithik’ i t’ay e pi gamanman ni gimed ma maligach ngay, bay gu n’agmed nga fithik’ e tar.

Deuteronomy 28:16

“Ra bucheg SOMOL wa’athan e pi binaw nge yungi falang romed.

Deuteronomy 28:19

“Ra bucheg SOMOL wa’athan urngin e tin gimed ra ngongliy.