Deuteronomy 28:15 - Bible Ni Thothup

¹⁵ “Machane, fa’anra dab um folgad rok SOMOL ni Got romed ma dab um yul’yul’gad i ayuweg urngin e tin ke ta’chiylen ngomed nge pi motochiyel ni kug pi’ ngomed e daba’, ma urngin e pin’en ni ba’aray nib kireb ma yi go’ ra aw ngomed:

Deuteronomy 28:15 Referans Kwoze

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

Deuteronomy 28:2

Mu folgad rok SOMOL ni Got romed mra yag ngomed urngin e pi fel’wa’athan ney:

Lamentations 2:17

I SOMOL e ke rin’ n’en ni yog nra rin’: Ke gechig nagdad ndaki wurngan’, ni bod ni yog ngodad kakrom. Ke pag e pi to’ogor ke gel ngodad, ni kar uf uf gad ko waer ni kadted.

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.

Joshua 23:15

Machane rrogon nike rin’ urngin e tin ni micheg nra rin’ ngomed, e ri ku aram rogon nra pag urngin e riya’ nge yib ngomed.

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

Isaiah 3:11

Machane girdi’ nib kireb e gafgow yad; ya tin ur bucheged rok boch e girdi’ e nge buch rorad e chiney.

Genesis 3:14

Me ga’ar SOMOL ni Got ngak fare porchoyog, “Ngug gechig nigem ni fan e tin kam rin’; go’ gur e nge par u dakenam e re buch wa’athan ni ba’aray: Aram e chiney i yan ngaram e bay um sirgig u but’ i yan ni yinam e ga be yan ngay, ma ab e bayi mang ggan ngom.

Genesis 4:11

Kan tem nib buch wa’atham ni dabkiyag ni ngam wolduguy e but’. Ya ke wanum racha’en walagem nga fithik’ ni gowa i fal l’ugun ni nge unum ko fangiyal’ nim thang e fan rok walagem.

Genesis 4:12

Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”

Deuteronomy 11:28

machane buchwa’athan, ni fa’anra dab mu folgad ko tin keyog SOMOL ni ngam rin’ed, mi gimed cheal ngam tedfan yug boch e got ndawor mu tedfan bi’id.

Judges 2:15

Gubin yay ni yad ra mael, ma ba togopluw SOMOL ngak piyu Israel, ni bod rogon ni yog nra rin’. Miyad par ni kari gel e gafgow rorad.

1 Samuel 4:10

Me cham e pi Filistine ngak piyu Israel nib el mirin; me waer piyu Israel ngranod nga taferad ni yad be mil. Ma ba pire’ e girdi’ ni yim’, ya 30,000 e salthaw nu Israel ni yim’.

2 Kronicles 7:19

Machane fa’anra dab mu fol nge pi girdi’ rom ko pi motochiyel nge tin kugog ngomed mi gimed tayfan yug boch e got,

2 Kronicles 12:5

Shemayah ni profet e yan ngak Rehoboam ni Pilung nge pi’in ma gafaliy yu Judah ni go’ ka ra mu’ulung gad nga Jerusalem ni ngar milgad rok Shishak. Me ga’ar ngorad, “Ba’aray e thin rok SOMOL ngomed: ‘Kam pagedgag, ere chiney e ku gu pi’med nga pa’ Shishak.’”

2 Kronicles 34:24

e re thin ni ba’aray nike yib rok SOMOL: “Bay gugechignag yu Jerusalem nge gubin e girdi’ riy ko pi buch wa’athan ni kan yoloy ngalan fare ke babyor ni kan be’eg ko fare pilung.

Jeremiah 36:7

Ya dabisiy ni yad ra meybil ngak SOMOL miyad pi’ keru’rad ko kireb ni yad be ngongliy, I SOMOL e bay e tin keyog nra buch ko pi girdi’ ney u fithik’ e damumuw rok nib gel.”

Jeremiah 36:31

Ma bay gu gechig nigem nge pi’in owchem, nib mu’un e pi tolang rom ngay ni yad bay u tan pa’am, ni bochan e denen ni kam ngongliyed ni gimed gubin. Ya gur nge girdi’ nu Jerusalem nge girdi’ nu Judah e ug gineangmed ma dariy bigimed ni motoyil, ere bay gu girengiy nga dakenmed ni gimed gubin e riya’ ni fa’an gu weliy.”

Jeremiah 40:2

Fare tolang ko salthaw e piningeg nga wuru’ e girdi’ nge ga’ar ngog, “Fare SOMOL ni Got rom e keyog ni re but’ ney e nge yib e riya’ ngay,

Hosea 7:12

Machane bay gu pithig e nug nggu kolrad ni bod ba ran’ i arche nrabad ni ngaranod. Bay gu gechig nagrad ni fan ko kireb ni karin’ed.

Deuteronomy 5:1

Me pining Moses urngin fapi girdi’ nu Israel nga ta’bang me ga’ar ngorad, “Girdi’ nu Israel, motoyilgad nga urngin e pi motochiyel ni nggu pi’ ngomed e daba’. Mu filed ma nopa’med ni ngu’um folgad riy.

Deuteronomy 28:45

“Urngin e pi gafgow ney ni bayi aw ngomed, ma bay ra gabliyed gimed nge mada’ ko ngiyal’ ni kari math owchemed, ni bochan e da mu folgad rok SOMOL ni Got romed, mda mu ayuweged urngin e pi motochiyel nike pi’ ngomed.

Deuteronomy 29:19

Nopa’med ni dariy be’ u roy e daba’ ni be rung’ag e pin’ey ni kan ta’chiylen ni nge pagan’ ngak ni ir e dariy ban’en nra buch rok, ni yug aram rogon nib gelan’ ma beyan nga fiti laniyan’. Fa’anra aram rogon mra math owchamed ni gimed gubin, ni pi’in ni bf’el nge pi’in kireb ni ta’reb rograd.

Joshua 23:16

Fa’anra dab mu ayuweged fare m’ag nike yog SOMOL ni Got romed ni ngam ayuweged, ma gimed be pigpig ma gimed be tayfan yug boch e got, ma aram e ra gechig nagmed u fithik’ e damumuw rok, ma dabi n’uw nap’an ma dakuriy ta’ab gimed ni kura magey u lan e re nam ney nib manigil nike pi’ ngomed.”

Jeremiah 11:8

Machane dar motoyilgad ma dar folgad. Ya ra be’ ma ka be pi’ nga daken feni gelan’ nga feni kireb. Kugog ngorad ni ngar folgad ko fare m’ag, machane dubrad. Ma aram mu gu fek nga dakenrad urngin e gechig nni weliy u lan fare m’ag.”

Jeremiah 26:4

Me yog SOMOL ngog ni nge lungug ko pi girdi’ nem, “I Gag SOMOL e kugog ni thingar mu folgad rog ngam rin’ed e tin kug machibnag ngomed.

Jeremiah 32:23

Machane fa’an rabad ngalan e re binaw ney nge mil suwon e gubin ban’en ngorad, ma da ur folgad ko pin’en ni u mog ni ngan rin’ ara ur pired ni bod rogon ni um machibnag; ma da rin’ed e tin mog ni ngar rin’ed. Ere ka mu fek urngin e pi gafgow ney nga dakenrad.