Deuteronomy 27:15 - Bible Ni Thothup

¹⁵ “‘Nge bucheg Got wa’athan e en nra ngongliy ya’an ban’en ko malang, ara gek’iy, ara wasey ngi i tayfan nib mith; ba fanenikan SOMOL ni yima tayfan yug boch e got.’ “Me fulweg e girdi’ ni gubin ni lungurad, ‘Amen!’

Deuteronomy 27:15 Referans Kwoze

Exodus 34:17

“Dab mu ngongliy e pi got ni wasey ngu’um tay farad.

Exodus 20:4

“Dab mu ngongliyed ya’an ban’en u tharmiy fa daken e fayleng fa fithik’ e ran u tan e but’.

Deuteronomy 5:8

“‘Dab mu ngongliyed ya’an ban’en u tharmiy ara u daken e fayleng fa fithik’ e ran u tan e but’ ni fan ngomed.

Levitikus 26:1

I SOMOL e ga’ar, “Dab mu ngongliyed e liyos ara mu n’ufed ya’an ban’en ngalang, ara mu n’ufed barba’ i malang ngalang, ara mu kired ya’an ban’en ko malang ngam tedfan. I gag SOMOL ni Got romed.

Levitikus 19:4

“Dab mu pi’ed keru’med ngog ngam tedfan e pi liyos, ma dab mu ngongliyed e pi got ko wasey ngam ted farad. I Gag SOMOL ni Got romed.

1 Korinth 14:16

Fa’anra mpining e magaer ngak Got u ban’en nthin nda nnang fan e ga be yog, mra di’in me yog be’ e “Amen”, ni be’ ni bay ko fare mu’ulung? Ya dabiyag ni nge nang fan e n’en ni ga be yog.

Exodus 20:23

Dab mu ngongliyed boch e got ni silber nge gol ni ngam puthuyed ngog ngu’um ted fan.

2 Kronicles 33:2

Me denen Manasseh nib togopluw ngak SOMOL ya i rin’ e tin sonogor ni i rin’ e pi nam ni tulufrad SOMOL nga wuru’ fare nam nnap’an ni be yib e girdi’ rok i yib.

2 Kings 23:13

Miki kirebnag Josiah fapi altar ni ngongliy Solomon ni Pilung ni bay ko ngek u Jerusalem, ma bay ko yimuch ko Burey nu olives ni fan ko meybil ko liyos, ni aram e yibe tay fan fare got ni Astarte ni got rok yu Sidon, nge Kemosh ni got rok yu Moab, nge Milcom ni got rok yu Ammon.

2 Kings 17:19

Machane ku mus ngak e girdi’ nu Judah ndar folgad ko pi motochiyel rok SOMOL ni Got rorad; ya ra uned ko pi yalen nike un e girdi’ nu Israel ngay.

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.

Deuteronomy 29:17

Kam guyed e pi liyos nrib kireb ni yad ma meybil ngay nni ngongliy ko gek’iy, nge mlang, nge silber, nge gol.

Numbers 5:22

Nge yan ere ran ney ngalan e yal rom ngam simaw me kirebnag tafen e bitir riy.” Me fulweg fare pin ni be ga’ar, “Errogon; errogon ni nge rin’ SOMOL.”

Genesis 31:34

Ma kefek Rachel fapi liyos ni thothupen e tabnaw rok Laban ke tay ngalan e tutuw ko kamel ke par nga daken. Me’ere i gaweg Laban u gubin yang u lan fare tent ma de pir’eg.

Genesis 31:19

U m’on ni chuw Rachel u nap’an ndemo’ Laban u tabnaw rok ya ke yan ni nge thethab buni’en e saf rok, me iring Rachel fapi liyos ni thothupen e tabnaw rok Laban.

Genesis 9:25

me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”

Ezekiel 7:20

Immoy bangiyal’ ni ur ufanthin gad ko churwo’ rorad ni bfel’ ya’an, machane miyad fek ngar ngongliyed e pi liyos ni sonsonogor riy. Aram fan ni SOMOL e ke gagiyegnag e fla’ab rorad ke chuwan’rad riy.

Jeremiah 28:6

“Rib manigil, gu be athpeg ni gomang e rin’ SOMOL ni aray rogon! Ri gu be athpeg ni gomang e yigi riyul’nag e n’en ni kam yi’iynag nge fulweg u Babylon gubin e machaf ko Tempel nge gubin e girdi’ ni ka ni fekrad ngaram ni kalbus.

Jeremiah 23:24

Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

Jeremiah 11:5

Ma aram e gu ra tay u gil e n’en ni gu micheg ko pi chitamangirad ni gu ra pi’ ngorad fare binaw nib yong’ol ma ba madnom ni irera’ ni yad e taferad e chiney.” Mug ga’ar, “SOMOL arrogon.”

Jeremiah 11:3

ni Gag, fare SOMOL ni Got nu Israel e ku gu duwgiliy e buchwa’athan ko pi’in darir folgad u rarogon e re m’ag ney.

Isaiah 44:19

En nma ngongliy e liyos e dariy e leam rok ni nge ga’ar, “Yu yang ko gi ren ney ni kug ngongliy e liyos riy e kug urfiy boch e flowa u daken k’afin, ma kug urfiy e ufin ngay kug longuy. Ma gin ni magey ko fa gi gek’iy e kug ngongliy ba liyos riy. Kug par ni gu be siro’ nga bangi gek’iy!”

Isaiah 44:17

Me fek e gin ke magey ko fa gi ren nge ngongliy ba liyos riy; mi i siro’ ngay ma be tay fan. Me meybil ngay ni be ga’ar, “I gur e got rog, mu ayuwegneg!”

Matthew 24:15

“Bay mu guyed e N’en ni Th’abi Dabuy nike sak’iy u lan fa gin’en nib thothup, ni ir e fa’ani weliy Daniel ni profet murung’agen.” (En nra poy e re bugithin ney e ngari tiyan’ ngay nge nang fan!)

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Daniel 11:31

Boch e salthaw rok e bay ra ta’ay niged fare Tempel. Bay ra taleged e maligach ni yu rran miyad suweg ngalang Fare N’en ni Th’abi Dabuy

Ezekiel 14:4

“Mu non e chiney ngorad ngamog ngorad e n’en ni Gag fare SOMOL ni Th’abi Tolang e gu be yog ngorad: Arorad yu Israel nike m’on e liyos u lanyan’ kemang liyos e be waliy i yan ko denen, ma be yib i fith lanin’ug ngak reb e profet, e fulweg rog ngak — e fare fulweg nib m’ag ni nge aw ngak e pi liyos.

Deuteronomy 27:14

Ma girdi’ ko Levi e yad ra be’eg e pi thin ney nib ga’ lamrad:

1 Kronicles 16:36

Ngu’un pining e sorok ngak SOMOL ni fare Got nu Israel! Ngu’un pining e sorok ngak e chiney i yan ngaram ndariy n’umngin nap’an! Ma aram me ga’ar e girdi’ ni gubin, “Amen,” ke sorok SOMOL.

Daniel 9:11

Urngin piyu Israel ni kar th’abed e pi motochiyel rom ma kar siyegned ni ngar motoyilgad ko tin ni kamog. Kug denen gad nib togopluw ngom ma kam girengiy nga dakenmad fapi buch wa’athan ni bay ni kan yoloy u lan e Motochiyel rok Moses, ni tapigpig rom.

Deuteronomy 4:25

“Yug ra kam pired u lan e re nam nem nike n’uw nap’an nike yib pifakmed nge fak pifakrad, ma dab mu denengad ngam ngongliyed ba liyos ni demturug ko ya’an e mang. Biney e rib kireb u mit SOMOL, mra k’aring e damumuw ngak.

Deuteronomy 7:25

Mu urfiyed e pi liyos ni ya’an fapi kan rorad. Dab mu chogow niged e silber nge gol ni kan tay ko pi liyos nem, ma dab mu feked ni ngam faned, ya fa’an gimed ra rin’, ma ra yib riy’en ngomed. Ya SOMOL e dabun ni nge tay e girdi’ fan e liyos fa ra meybilgad ngay.

Judges 17:3

Me fulweg fapi salpiy ngak e chitiningin. Me ga’ar e chitiningin, “Ngkug pi’ e pi silber ney ngak SOMOL, ya nge dabi aw fare buch wa’athan ngak fakag. Bay ni fanay ngab liyos ni gek’iy ni kan ing ko silber. Ere chiney e bay gu fulweg ngom fa yungi silber.”

Judges 17:4

Ma aram me sulweg fapi salpiy ngak e chitiningin. Me fek e chitiningin 200 ko fa yungi silber nge pi’ ngak be’ nma maruwel ko wasey, me ngongliy ba liyos riy, ni nongliy ko gek’iy me ing ko silber. Min tay ngalan e naun rok Mikah.

Isaiah 44:13

Tadumow naun e ma foleg e ren. Me fek e pinsal nge yoloy ya’an ba girdi’ ngay, me fek talin e maruwel rok nge ker. Me ngongliy nge yib ya’an ba girdi’ riy ni bfel’ ya’an, me tay nga naun rok.