Deuteronomy 26:15 - Bible Ni Thothup

¹⁵ Mu sap nga but’ ko gin ba thothup ni ga be par riy u tharmiy ma ga fal’eg wa’athan piyu Israel, ni girdi’ rom; mu kum fal’eg rogon e re nam ney ni bfel’ rogon ma ba yong’ol e but’ riy ni kam pi’ ngomad, ni bod ni kam micheg ngak pi chitamangimad ni kakrom.’

Deuteronomy 26:15 Referans Kwoze

Isaiah 63:15

SOMOL, mu sap u tharmiy ngomad, ko gin ga be par riy ni gab thothup ma gab fla’ab. Gelngin e magafan’ rom ngomad e ke yan ngan? Ke yan gelngim ngan? Gelngin ni gamad ma par ni gamad ba t’uf rom ma ga be runguymad e ke yan ngan? Dab mu pi’ keru’um ngomad.

Zekariah 2:13

Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.

Acts 7:49

I Somol e be ga’ar, ‘Tharmiy e ir e tagil’ig, ma fayleng e tagil’ e magif ko rifrif u eg. Ere bmit i mang naun e ngam toyed ni nggu tafnay? Bu uw e gin’en ni ngug gif ngay?

Jeremiah 31:23

I SOMOL ni Gubin ma Rayag Rok, ni Got rok piyu Israel e be ga’ar, “Nap’an ni bay gu fulweg piyu Israel ko nam rorad, ma aram e bay rogned bayay u daken e nam nu Judah ngu lan e yochi binaw u rom ni bayi lungurad, ‘I SOMOL e nge fal’eg wa’athan fare burey nu Jerusalem nib thothup, ni fa gin nib thothup nma par riy.’

1 Kings 8:43

ma ga motoyil ko meybil rok. Mu telim ngak u tharmiy ni tafnam, ma ga rin’ e tin ke wenignag ngom ni ngam rin’, ya nge urngin e girdi’ ko pi nam nu fayleng miyad nangem mu ur pired ni bay madgum u wun’rad ni bod rogon e tirom e girdi’. Miyad nang ni re Tempel ney ni kug toy e irera’ e gin ni ngu’un liyor ngom riy.

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

Matthew 6:9

Ba’aray rogon ni ngam meybilgad ni nge lungumed: ‘Chitamangimad ni ga bay u tharmiy: Ngan tay fan fithingam nib thothup,

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Psalms 90:17

SOMOL ni Got romad, mang yigi par fal’egwa’ath rom romad. Ma ga man’og nagmad ko urngin e tin bay u gu rin’ed!

Psalms 51:18

Got, mu runguy yu Zion, ngam ayuweg; mu ubung bayay e yoror nib liyeg e binaw nu Jerusalem.

Psalms 28:9

SOMOL, mu ayuweg girdi’em, ma ga fal’eg wa’athan e pi’in nib mil farad ngom. Mu par ni gur e tagafaliyrad, ma ga ayuwegrad ndariy n’umngin nap’an.

Deuteronomy 26:7

Ma gamad wenig ngak SOMOL ni Got rok epi chitamangimad ni kakrom ni nge ayuwegmad. Me rung’ag lammad, me guy e gafgow ni yibe tay ngomad, nge pin’en nib mo’maw’ ni be yib ngomad, nge maruwel nib gel ni yibe pi’ ngomad gamad be gafgow riy.

Deuteronomy 26:9

Me fekmad i yib ngaray me pi’ e re nam ney ngomad, nib nam ni bfel’ rogon ma ba yong’ol e but’ riy.

Deuteronomy 26:14

Dawor gu fek boch riy gu way ko ngiyal’ ni gu be yornag be’ nike yim’, dawor gu fek boch riy nga wuru’ e naun rog ko ngiyal’ ni gomanga gub taay; ma dawor gu fek boch riy nggu pi’ ni fan ngak be’ nike yim’. Kug fol rom, i gur Got SOMOL rog; kug rin’ urngin e tin kamog u murung’agen ragag e pasent ko ggan nike yib ko woldug rog.

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

Psalms 68:5

I Got, nma par u lane Tempel rok nib thothup, e ma ayweg e pi’in kanim’ rorad mma yoror rok e pi’in ke yim’ figirngirad.

Psalms 80:14

Got ni Gubin ma Rayag Rok, mu sul ngomad! Mu changar u tharmiy ngomad nga but’; moy ngam ayuweg e girdi’ rom!

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”

Deuteronomy 6:3

Gimed e girdi’ nu Israel, mu telmed ngu’um folgad ko pi motochiyel ney, nge yag ni fel’ rogomed me yo’or e girdi’ romed u daken e re nam nem ni bfel’ rogon ma ba yong’ol e but’ riy, ni bod rogon nike micheg SOMOL ni Got rok e pi chitamangidad ngomed.

Psalms 80:15

Moy ngam ayuweg e re pa’ i grape ney ni mu yung, re pa’ i grape ney ni kafin mu yung ma ke ilal ke gel!