Deuteronomy 25:9 - Bible Ni Thothup

⁹ ma fare pin rok walagen nike yim’ e nge yib ngak fare mo’on u p’eowchen e pi’in yad be yog e thin ko fare binaw, nge luf baraba’ e sus u ay fare mo’on me thuw nga owchen fare mo’on me ga’ar ngak, ‘Irera’ e n’en niyima rin’ ngak e re mo’on nra siyeg ni nge munfangich nge sum owchen walagen nike yim’.’

Deuteronomy 25:9 Referans Kwoze

Numbers 12:14

Me fulweg SOMOL ni ga’ar, “Fa’an mang e chitamngin e thuw nga lanmit, mra fek tamara’en ni medlip e rran. Ere nga nin’ Miriam nga wuru’ e gin ni be par yu Israel riy ni reb e wik. Ma fin ra m’ay reb e wik mrayag ni ngan fulweg ngalan e gin ni yibe par riy.”

John 1:27

Ni ir e be yib u tomureg, machane ri gub sobut’ ndab gu bung ni nggu pithig togfan e sus rok.”

Mark 10:34

Ma bay ur moning niged, ma yad be thuw nga daken, ma yad be toy ko dimow, nge mu’ miyad li’ ngem’. Mra pag dalip e rran min faseg ko yam’.”

Mark 1:7

Me yog ko girdi’ ni ga’ar, “En ni bay yib u tomureg e ri ka ba ga’ ngog; ya gag e ri gub sobut’ ndab gu bung ni nggu lumel nga but’ nggu pithig togfan e sus rok.

Matthew 27:30

Miyad thuw nga daken, miyad fek fare ley i rouy ngar toyed nga lolugen.

Matthew 26:67

Ma aram miyad thuw nga owchen miyad toy; ma pi’in nra bat niged

Isaiah 50:6

Kug pi’ keru’ug ni ngan toy, ma da gu taleg e pi’in nra moning nigedgag ko fa ngiyal’nem nra bup’iyed sorbeg miyad thuw nga owcheg.

Isaiah 20:2

Dalip e duw aram nga m’on me yog SOMOL ngak Isaiah nib mo’on ni fak Amoz ni nge luf e sus rok nge mad u daken ni tutuw. Me fol riy ngi i yan u rom i yan ni dariy e mad rok nge sus.

BABYOR NI JOB 30:10

Yad be sonogor ngog; yad be galongeged yad rog, yu gu yad ra guyeg miyad thuw nga but’.

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.

Deuteronomy 25:8

Ma aram e girdi’ ni yad be yog e thin ko fare binaw e ngar pininged fa’anem nge yib ngar welthingad ngak. Ma fa’anra ka be siyeg ndabi le’engiy fare pin,

Deuteronomy 25:10

Ra tabnathin e tabnaw rok fare mo’on u Israel nga unog ni ‘fare tabnaw rok fare mo’on nni luf e sus rok.’

Ruth 4:6

Me fulweg fare mo’on ni ga’ar, “Fa’anra er rogon me ere dab kug maruwel nga mat’awug ni nggu chuw’iy e re gi binaw nam, ya tirog e bitir e davi mang gayog rorad. Gur e ngam chuw’iy; mi gag e kabfel’ ni dab gu chuw’iy.”