Deuteronomy 25:15 - Bible Ni Thothup

¹⁵ Ngam marwelgad ko thabthabel nge fol nib paluw, ya nge yag nim pired nib n’uw napmed u lan fare nam ni bayi pi’ SOMOL ni Got romed ngomed.

Deuteronomy 25:15 Referans Kwoze

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

1 Peter 3:10

Ni bod ni be ga’ar e babyor nib thothup: “En ni ba’adag ni ngi i par nib felfelan’ ma be finey ni nge guy e pi rran nib manigil, e thingari dabki yog e thin nib kireb ma thingari tal ndab ki i lifith l’ugun.

Efesus 6:3

“ni fan e ngu’um par ni bfel’ rogom, me n’uw nap’an ni mu par u daken e binaw.”

Psalms 34:12

Mogned, gimed ba’adag ni ngam felfelan’gad ko biney e tamilang? Gimed ba’adag ni nge n’uw nap’an ni gimed bfelfelan’?

Deuteronomy 17:20

Irera’ rogon ma dabi leamnag nib sorok boch ngak e pi’in yad nu Israel, ma dariy e ngiyal’ ni nge pi’ keru’ ko tin keyog SOMOL ni ngan rin’. Ma aram e ra par ngi i gagiyeg nib yo’or e duw, ma pi’in owchen e bay ur gagiyeg niged piyu Israel nib yo’or e mfen.

Deuteronomy 11:9

Me yag nim pired nib n’uw nap’an u daken fare nam ni bfel’ rogon ma ba yong’ol, ni micheg SOMOL nra pi’ ngak e pi ga’ romed ni kakrom nge pi’in owcherad.

Deuteronomy 6:18

Mu rin’ed e tin keyog SOMOL ni ir e bmat’aw ma bfel’, ma aram e rayag ni um pired ni bfel’ rogomed, me yag ni mmarod ngalan e re nam nem nib yong’ol e but’ riy ngam tafnayed, ni SOMOL e micheg ngak e pi chitamangimed ni kakrom ni bayi pi’ ngorad,

Deuteronomy 5:33

Mu folgad riy ni gubin, ya ngu’um pired ni bfel’ rogomed mu’um pired u lan fare nam ni bay mu tafned nge n’uw nap’an.

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Deuteronomy 25:14

Dab mu sasalapgad i foleg ban’en, ni nge ga’ fa nge achig.

Ezekiel 45:10

“Thingri urngin e girdi’ ma nge maruwel ko pi thabthabel nge pi fol nib yul’yul’:

Levitikus 19:35

“Dab mu ban niged be’ ngam marwelgad ko fol ni kam sasaliyeb niged, ngam ban niged u n’umngin ban’en, ara tomalngin, ara urngin.

Amos 8:5

Ma gimed be ga’ar u wun’med, “Manga yigi papey nge m’ay e pi rran nib thothup ney nge yag nda pi’ed e grain rodad ni chuway’. Mingiyal’ e ra mus e Sabbath nge yag nda tababgad bayay ko market? Ma gadad pi’ nchuway’ nib tolang puluwon, ma gadad maruwel ko thabthabel ni kan dalibnag ngu’ud sasalapgad ko pi’in nge chuway’.