Deuteronomy 24:15 - Bible Ni Thothup

¹⁵ U m’on ni nge aw e yal’ u reb e rran ma ngan pi’ puluwon ko maruwel nike ngongliy e rofen nem; ya dabisiy ni nge yag e re salpiy nem ngak ya be taga’ ngay. Fa’anra dab mu pi’ puluwon mra yognem ngak SOMOL me yan i aw ni gur e ba kireb e rom.

Deuteronomy 24:15 Referans Kwoze

Levitikus 19:13

“Dab mu gafgow niged be’ ara mangita’ ngomed ngu’um feked ban’en rok be’. Dab mu taleg puluwon be’ ko maruwel, ni mus nga ta’reb e nep’.

James 5:4

Ma dawor mpi’ed puluwon e pi’in yad be maruwel u milay’ romed. Ere mu telmed ko tin yad be yog nib togopluw ngomed! Ma laman e mayor ko pi’in yad be kunuy womngin e woldug romed e ke taw nga yil Got, ni ir Somol ni Gubin ma Rayag Rok!

Jeremiah 22:13

Gafgow e en ni toy e naun rok u fithik’ e sasaliyab me ga’nag i yan u fithik’ e sasalap; de pi’ ban’en ko girdi’ ni i maruwel rok ma ku de pi’ pulwonrad.

Deuteronomy 15:9

Dab mu siyeged ni ngam pi’ed ban’en ngak ni malfith, ni bochan e ke chugur ko fare duw nra math e malfith riy. Dab mu paged ba leam ni aray feni kireb nge aw nga laniyan’med. Ya fa’an gimed ra siyeg ni ngam pi’ed’ e malfith ngak, mra yor ngalang ngak SOMOL nib togopluw ngom, mra mang gur e buch e rom.

BABYOR NI JOB 35:9

Nap’an ni yira gafgownag e girdi’, mar gel’gel’gad; ni yad be yor ngak be’ ni nge aywegrad.

BABYOR NI JOB 34:28

Yad ma motogal ngak e gafgow ngar yorgad ngalang ngak Got, me rung’ag lungrad ni yad be man ayuw.

Mark 10:19

Ga manang fapi motochiyel ni ga’ar: ‘Dab mu li’ be’ ngem’; dab mu pirew be’ ni gathi mabgol rom; dab mmoro’ro’; dab mu t’ar e thin nga daken be’; dab mu sabanbannag be’; mu liyor ko chitamam nge chitinam.’ ”

Matthew 20:8

“Ma fa’ani neap’ me yog fa en nsuwon fa gi grape ngak e en ni pilungen girdi’en e maruwel rok ni ga’ar, ‘Mpining fapi girdi’en e maruwel ngam pi’ puluwrad, ni ngam tabab ko pi’in nni pi’ e maruwel ngorad u tomur, ma ga yan mu thang ngak e pi’in yad e som’on nni pi’ e maruwel ngorad.’

Isaiah 5:7

Israel e fa gi woldug ni grape rok SOMOL ni Gubin ma Rayag Rok; girdi’ nu Judah e yad fapi woldug ni grape ni i yung. I leamnag ni ngu’ur rin’ed e n’en ni bfel’, machane dar rin’ed miyad par ngu’ur thanged e pogofan! I leamnag ni ngu’ur rin’ed e n’en nib manigil, machane pi’in ur gafgow niged e ra yor niged e tin bmat’aw!

Psalms 86:4

A Somol, mfal’eg laniyan’ e tapigpig rom, ni bochan e beyib e meybil rog ngom ngalang.

Psalms 25:1

Gu be meybil ngom, i gur SOMOL;

Psalms 24:4

Pi’in machalbog e ngongol rorad nge leam rorad, nda rir tedfan e pi liyos ara rmicheged ban’en miyad thilyeg.

BABYOR NI JOB 31:38

Fa’an gomang a gu iring e binaw ni gu be woldug riy ni gu fek rok e pi’in ntafen,

1 Timothy 5:18

Babyor nib thothup e be ga’ar, “Dab ni m’ag l’ugun ba garbaw ko ngiyal’ ni be yot’yot’ wom’ngin e woldug ni yima ngongliy e flowa riy ni aram e be gunugunuy,” ma ki ga’ar, “En ni be maruwel e bay mat’wun ni ngan pi’ puluwon ngak.”

Levitikus 25:35

Fa’anra be par be’ ni ku reb e girdi’ nu Israel ni ba chugur ngom nike gafgow ndabki yag ni nge ayuweg ir, ma thingar mu pi’ e tin bt’uf rok ni bod ni ga be rin’ ngak be’ ni be maruwel rom, ya nge yag ngki i par ni ba chugur ngom.

BABYOR NI JOB 31:13

Ra weliy reb e tapigpig rog ban’en nib togopluw ngog, mu gu motoyil ngak nggu rin’ ngak e tin nib mat’aw.

BABYOR NI JOB 7:2

bod rogon ba sib ni be yim’ ni bochan e garbeb ko taglul’; fa be’ ni be son ni ngan pi puluwon ko maruwel.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”