Deuteronomy 23:18 - Bible Ni Thothup

¹⁸ Ma ku errogon e salpiy ni yag ko mitney e ngongol ni dab ni fek i yib ngalan e naun rok SOMOL ni Got romed, ni fan e ngam pi’ed ni puluwon ban’en ni kam micheged u fithingan Got. Ya SOMOL e fanenikan e pi’in yad ma pi’rad nchuway’ u tempel.

Deuteronomy 23:18 Referans Kwoze

Filippi 3:2

Mu ayuweged gimed rok e pi’in yad be rin’ e tin nib kireb e ngongol, ni fapi pilis, ni aram fapi girdi’ ni yad be yog ni dabisiy ni ngan maad’ad ko dowef.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Matthew 7:6

“Dab mpi’ed ban’en nib thothup ngak e pilis ya kemus ni yad ra cheal ngar k’aded gimed; dab mon’ed e churuwo’ romed nni fek u lan l’ugun e yar nga p’eowchen e babiy, ya kemus ni yad ra yot’yot’.

2 Peter 2:22

Ya n’en ni kar rin’ed e ke m’ug riy ni fare bugithin ni yima yog e ba riyul’ ni fa’ani ke lunguy, “Pilis e ma sul ko n’en nike sul u l’ugun nga but’,” ma, “Ba babiy ni kan luknag downgin ke be’ech e ma sul nge yan i pig u fithik’ e bar.”

Habakkuk 1:13

Ke di’in ma ke yag ni mu k’adan’um rok e pi girdi’ ney ndabiyag ni nge pagan’uy ngorad ma yad ba kireb? Lan owchem e kaygi thothup ni nge guy e kireb ni yibe rin’, ma dabiyag ni ngam par ngu’um guy e girdi’ ni yad be ngongliy e tin nde yal’uw. Ere mang ni kam th’ab gulungam kar pired ni yad be thang e pogofan rok e girdi’ ni kab gel e mat’aw rorad ngorad?

Ezekiel 16:33

Be’ nma falchuway ngak e ma fek puluwon, machane gur e ga be pi’ e pi tow’ath ngak urngin pi elingem, ni puluwon ni ngarbad u gubin yang ni ngar moleged gur.

Isaiah 61:8

Be ga’ar SOMOL, “Mat’aw e gu ba’adag ma gu ba fananikay e gafgow nge kireb ni yima tay ngak e girdi’. Ri bay gu pi’ e tow’ath ko tirog e girdi’, mu gu ngongliy ba m’ag u thilmad ndabi m’ay.

Proverbs 26:11

Be’ nib balyang niki sul u daken e n’en ni ka’a rin’ e bod ba pilis ni sul ko sul’ugun rok.

Psalms 22:16

Baraba’ i girdi’ ni yad ba kireb e kar longobiyed gag; ni bod ba ran’ i pilis, ni yad be chugur i yib ngog; yad be girengiy pa’ag nge eg.

Deuteronomy 23:21

“Nap’an ni gimed ra mownag ban’en nga fithingan SOMOL ni Got romed, ma dab mmon’ed yaran e tin ka mu micheged ni ngam rin’ed. I SOMOL e bayi tay ngan’ e tin ka mu mow niged, ma ba denen ni fa’anra dab mu ted u gil’.

Levitikus 18:22

Dariy be’ nib pumo’on ni ngar pirew reb e pumo’on; rib fananikay Got e binem.

Malaki 1:14

Nge kireb wa’athan e en nra sasaliyeb nge li’ ba gamanman ni gathi rib fel’ nge pi’ ngog ni maligach, ma bay reb e gamanman ni bfel’ u fithik’ e gamanman rok nike micheg ngog ni nge pi’ ngog. Ya gag e pilung ni ga’, girdi’ nu gubin e nam e bay madgug u wun’rad.”

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

Levitikus 7:16

Fa’anra fek be’ i yib ba maligach ni nge gapas thilin Got nge girdi’ ni micheg nra rin’ fa ba maligach ni ir rok e leam rok ni nge pi’, ma de m’ay ni gubin ko rofen nni pi’ riy, ma tin ke aw riy e ngan kay ko bin migid e rran.

Levitikus 19:29

“Dab mu dariyfan niged pifakmed ni ppin ngam pagedrad ngar manged pi’in yad ma chuway’ ngorad u tempel; fa’an gimed ra rin’ ma gimed ra cheal ngam folgad rok yugu boch e got me sug lan e nam ko kireb.

Levitikus 20:13

Fa’anra par be’ ni pumo’on nge ku reb e pumo’on, ma kar ngongliyew ban’en nib sonogor; yow l’agruw ni yira thang e fan rorow. Yow tapgin e yam’ ni kartew.

Deuteronomy 22:21

ma aram e yira fek fare pin i yan nga langan e mab ko naun rok e chitamngin, nge malangnag e pi pumo’on ko fare binaw nge yim’ u rom. Ni bochan e ke rin’ fare pin ban’en nib tamra’ u fithik’ e girdi’ rog nike par nga gil’ e pumo’on ni dawori mabgol, ko ngiyal’ i n’en ni ku be par u tafen e chitamngin. Irera’ kanawo’en me chuw e mitney e kireb u fithik’med.

Mikah 1:7

Urngin e pi liyos nri ba t’uf rorad e bayi m’ingm’ing nge nochiyang, gubin ban’en nni pi’ ngak e ppin ni yad ma chuway’ ngorad u tempel e bay ni kirebnag ko nifiy. Gubin fapi liyos e bayi par ni bu’lung i dow. Pin’ey e yag ngak piyu Samaria ko meybil ni man yong’ol ni ur ted, ere chiney e pi to’ogor rorad e ngar feked ngar pi’ed ngak yugboch e ppin ni yad ma falchuway’ ngorad ulan reb e tempel u bang.”

1 Kings 14:24

Ma n’en nth’abi kireb riy, e immoy e pumo’on nge ppin ni yad ma pi’rad ni nchuway’ ko yungi n’em ni tagil’ e tayfan ngak yug boch e got. Girdi’ nu Judah e ur rin’ed urngin e pin’en nib tamra’ ni i rin’ e girdi’ nike tulufrad SOMOL nga wuru’ fare nam nnap’an ni be yib yu Israel i yib nga langgin.