Deuteronomy 22:22 - Bible Ni Thothup

²² “Fa’an yira pir’eg be’ nib mo’on ni yow be par le’engin yug reb e pumo’on, ma yow l’agruw ni yira thang e pogofan rorow. Irera’ kanawo’en mi gimed chuweg e mitney e kireb u fithik’med.

Deuteronomy 22:22 Referans Kwoze

Levitikus 20:10

Fa’anra par be’ nib mo’on nge be’ ni bpin ni le’engin be’ nu Israel, ma yow l’agruw ni yira thang e fan rorow.

Hebrews 13:4

Mabgol e urngin e girdi’ ni nge tayfan, ma pumo’on nge ppin ni kar uned ko mabgol e thingari bagayad mi i par nib yul’yul’ ngak bagayad. Ya ra gechignag Got e pi arorad ni be ngongliy e ngongol ko darngal nge pi’in yad be par e girdi’ ni gathi mabgol rorad.

Ezekiel 16:38

Bay gu gechig nigem ni fan e damur yul’yul’ ko mabgol rom ma ga ma thang e pogofan, ma u fithik’ e damumuw rog nib gel e bay gu gechig nagem riy ngamum’.

Matthew 5:27

“Kam rung’aged nike lunguy, Dab mpirew be’ ni gathi mabgol rom.

Matthew 5:28

Machane nggog ngomed e chiney, ni en nra sap ngak be’ ni bpin me finey ni manga yugu ra pirew, e ke kireb e rok, ni fan e kar pirew u fithik’ i laniyan’.

1 Korinth 6:9

Ri gimed manang ni pi’in nib kireb e dabiyag ni ngar manged girdi’en e gin nsuwon Got. Dab mu ban niged gimed: ya girdi’ nma ngongliy e ngongol ko darngal, ara yad ma tayfan ma yad ma meybil ko liyos nma meybil boch e girdi’ ngay, ara yad ma par e pi’in gathi mabgol rorad, ara yad e pumo’on nma darngalnag e pumo’on,

2 Samuel 11:5

Me nang rok nike diyen me pi’ e thin nge yan ngak David ni nge nang.

Deuteronomy 17:7

Fapi girdi’ ni yad e mich ko kireb nike rin’ facha’, e yad e som’on ni ngar malang niged, mfini malangnag gubin e girdi’, aray konawo’en mi gimed thang mit e biney e kireb.