Deuteronomy 21:22 - Bible Ni Thothup

²² “Fa’anra kan li’ be’ nib mo’on ke yim’ ni bochan e ke th’ab e motochiyel, ma kan tining ngalang ngab ley i ren,

Deuteronomy 21:22 Referans Kwoze

Acts 26:31

ma nap’an ni ka ranod miyad yog rorad ni be lungurad, “Re mo’on nem e dawori ngongliy ban’en ni gomanga ke yib tapgin riy ni ngan thang e pogofan rok ara ntay nga kalbus.”

Acts 23:29

Mu gu pir’eg ndawori ngongliy ban’en ni gomanga ke yib tapgin riy ni ngan li’ ngem’ ara ntay nga kalbus; ya n’en nib togopluw ngak e bay murung’agen ko motochiyel rorad.

Luke 23:33

Ma fa’anra tawgad ko fare gin’en nu “Lo’ ” fithingan, miyad richibiy Jesus ko kuruth u rom, nge fa gali cha’nem ni kar th’abew e motochiyel, ni bagayow nga ba’ ni mat’aw rok ma bagayow nga ba’ ni gilay’ rok.

Matthew 26:66

Ere ke uw rogon u wun’med?” Miyad fulweg ni lungurad, “Ba kireb e rok, ere thingar nli’ ngem’.”

Deuteronomy 22:26

Ma fare pin e dariy ban’en ni yira rin’ ngak, ya dawori rin’ ba denen ni labgen e yam’. Ya re pa’ i oloboch ney e ta’reb rogon ngak be’ ni pumo’on ni og ngak be’ nge li’ nge yim’,

Acts 25:11

Fa’anra kug th’ab e motochiyel ni kug rin’ ban’en nike yib tapgin ni ngan thang e fan rog ni bochan, ma dab gu wenignigeg ni nge dab nrin’ ngog. Machane fa’anra de riyul’ e pin’en ni karogned nib togopluw ngog, ma dariy be’ nrayag rok ni nge pi’eg nga pa’rad. Ere gu be wenig ni ngan pi’ e re pa’ i oloboch ney nge yan ngak e cha’ ni ir e Emperor nu Roma.”

Mark 14:64

Kam rung’aged ko thin nike yog nib kireb, ya be n’ag fan Got. Ere uw rogon ni gimed be finey?” Mi yigo’o ra towalgad nib togopluw ngak ni be lungurad, “Ba kireb e rok, ere ngan li’ ngem’.”

2 Samuel 21:9

Me pi’ David e picha’ney ngak e girdi’ nu Gibeon. Mar uchulyedrad u daken fare burey u mit SOMOL ngarm’ad ni yad medlip u ta’bang. Ngiyal’n’em e aram e nge m’ay e spring, ma ke taw nga nap’an ni ngan t’ar wom’ngin e barley.

2 Samuel 21:6

Ere mu pi’ medlip e pumo’on ni owchen Saul ngomad, nggu uchuliyed yad u mit SOMOL u Gibeah, ni fare binaw rok Saul, ni SOMOL e mel’eg ni nge pilung.” Me fulweg fare pilung, ni ga’ar, “Bay gu pi’rad ngomed.”

2 Samuel 4:12

Me yog David e n’en ni ngan rin’, me li’ e salthaw rok i Rechab nge Baanah ngar m’ow mar th’abed rifrifen pa’row nge ayrow ngar tininged ngalang u charen fagi ran nu lan yu Hebron. Mar feked lolugen Ishbosheth ngar k’eyeged nga lane low rok Abner u rom u Hebron.

1 Samuel 26:16

Abner, de yag nim rin’ e maruwel rom! Kar gog u fithingan SOMOL ni be par nib fos ni gimed gubin ma rib fel’ ni ngam m’ad, ni bochan e dam ayuweged e masta romed ni nge dabi buch ban’en rok, ni ir e ke tay SOMOL ni nge mang pilung. Amsapgad! Bu uw e sarey rok e en ni pilung? Bu uw fare tafen e ran ni immoy u charen lolugen?”

Joshua 10:26

Ma aram me li’ Joshua fapi pilung ngarm’ad me tiningrad nga l’ugun lal ke gek’iy, ni aram e gin i par e pi yam’ nem riy nge blayal’.

Joshua 8:29

Me uchiliy Joshua fare pilung nu Ai u ran’ bake gak’iy me pag u rom nge blayal’. Ma nap’an ni aw e yal’ me pi’ Joshua e thin ni ngan chuweg fare yam’ u rom, mi nin’ nga but’ nga langan e garog ko wub nga langgin fare binaw. Miyad tharey nga bo’lung i malang nge burey ngalang, ni kaba’ u rom ke mada’ ko daba’.

Deuteronomy 19:6

Fa’anra kemus ni ta’reb e mit i binaw ney ni bay, ma aram e yug ra palog rok boch e girdi’. Ma en girdi’en fa en ke riya’ ni ir e nge falbiyen, e richey me kol fa’anem nge thang e fan rok u fithik’ e damumuw, ni cha’nem e de kireb e rok. Ya aram rogon ni fare pogofan ni thang, e ban’en ni kal riy, ya da immoy e kireb u thilrow fa’anem nike yim’.

Acts 25:25

Machane dawor gu pir’eg ban’en nike rin’ ni ir e ke yib tapgin riy nrayag ni nganog ni ngan li’ ngem’. Me ere bochan e ir e ke wenignag ir ni ngan pi’ nge yan ngak e en ni Emperor nu Roma ma aram e kug turguy ni nggu pi’ nge yan ngak.

Numbers 25:4

me ga’ar ngak Moses, “Mu fek gubin e pi lolugen epi yuke girdi’ nu Israel, ma ga fol rog, ngam li’rad ngarm’ad ni kab rran; ma aram e bay i m’ay e damumuw rog ngak e girdi’.”

Joshua 10:27

Ma nap’an ni aw e yal’ me yog Joshua ni ngan pilig fapi yam nga but’ nga nin’ nga langgin fare yiy ni ur mithgad u langgin kafram boch. Min tay e malang ni gagang’ nga langan fare yiy, ni kabay e pi malang nem u rom e chiney.

Genesis 40:19

Ka dalip e rran ma aram e bayi chuwegem Farao u roy u kalbus me yog ngan th’ab k’angam. Me tiningem nga ba ley i gek’iy ma aram e bay yib e arche’ i longuy e ufin u dowam.”

2 Samuel 21:10

Me Rizpah ni ku reb e bpin rok Saul, ni fare pin ni fak Aiah e fek e mad ni tutuw nge ngongliy bochi tent riy u daken fare war ni bay fapi ldow riy ngi i par u tanggin, me par u rom u nap’an ni kan tabab i t’ar wom’ngin e woldug nge mada’ nga nap’an e autumn nike yib e n’uw. Ra rran me lang e arche’ ni yad be yib ko fapi ldow, mra nep’ miki ayuweg fapi ldow ndabi yib e gamanman ni malboch ngorad.