Deuteronomy 21:21 - Bible Ni Thothup

²¹ Ma aram e gubin e pumo’on u lan fare binaw e ngar malang niged fare pagel nge yim’, ya nge chuw e mitney e kireb u fithikmed. Ma urngin e girdi’ nu Israel ni yad ra rung’ag e tin ke buch, miyad ra rus.

Deuteronomy 21:21 Referans Kwoze

Deuteronomy 13:5

Mi gimed thang e fan rok e en ni be weliy fan e lik’ay fa ba profet ni be yog ngomed ni ngam togopluwgad ngak SOMOL, ni ir e chuwegmed u Egypt, ni um pired ni gimed e sib riy. Ya mitney e girdi’ e ba kireb e leam rok ma be guy rogon ni nge waliymed nga orel ko bin e par ni yog SOMOL ngomed ni ngam pired riy. Ere thingar ni thang e fan rok, ya nge yag ni chuw e biney e kireb u fithik’med.

Levitikus 24:16

yira thang e fan rok. Demturug be’ nu Israel ara be’ nu bang nma par u fithik’ yu Israel nra dariyfannag fithingan SOMOL, e ra malangnag yu Israel ni yad gubin nge yim’.

Deuteronomy 22:24

Ma ngam feked yow nga wuru’ e binaw ngam malang niged yow ngar m’ow. Fare pin e nge yim’ ni bochan e de tolulnag e ayuw, ni yug aram rogon ni bay u lan binaw, ni yira rung’ag laman. Ma fare mo’on e nge yim’ ni bochan e kar pirew be’ ni bpin ni kan m’ag e mabgol rok. Irera’ kanawo’en mi gimed chuweg e mitney e kireb u fithik’med.

Deuteronomy 22:21

ma aram e yira fek fare pin i yan nga langan e mab ko naun rok e chitamngin, nge malangnag e pi pumo’on ko fare binaw nge yim’ u rom. Ni bochan e ke rin’ fare pin ban’en nib tamra’ u fithik’ e girdi’ rog nike par nga gil’ e pumo’on ni dawori mabgol, ko ngiyal’ i n’en ni ku be par u tafen e chitamngin. Irera’ kanawo’en me chuw e mitney e kireb u fithik’med.

Deuteronomy 17:5

ma aram e ngam feked facha’ nga wuru’ fare binaw ngam malang niged nge yim’.

Levitikus 20:2

ni nge yog ngak e girdi’ nu Israel ni nge ga’ar, “Demturug bigimed ara be’ u reb e nam ni be par u fithik’med nra pi’ reb i pifak ngak fare got ni Molek e thangri malangnag piyu Israel facha’ nge yim’.

Levitikus 20:27

“Demturug e re mo’on ara re bpin nra ning e ayuw ngak e pi thagith ma yira malangnag nge yim’; aromed nra yodroy e ir tapgin e yam’ nra tay.”

Levitikus 24:14

“Mu fek e re mo’on nem nga wuru’ e gin’ey ni be par yu Israel riy. Ma gubin e pi’in rung’aged facha’ ni i yog e thin ni kireb e ngar ted pa’rad nga daken lolgen fare mo’on, me malangnag yu Israel facha’.

Numbers 15:25

Ma fare prist e ra pi’ fapi maligach ni fan ngak piyu Israel ni ngar be’echgad bayay, mra n’ag Got fan e kireb rorad, ya fare oloboch e gathi leam rorad, ma kar feked e maligach ni fan ko denen rorad i yib nib maligach ni ggan ngak SOMOL.

Numbers 15:35

Ma aram me ga’ar SOMOL ngak Moses, “Re mo’on nem e thingar ni thang e pogofan rok; piyu Israel ni gubin e ngar malang niged nge yim’ u wuru’ e gin yad be par riy.”

Numbers 15:36

Ma aram me fek piyu Israel ni yad gubin facha’ nga wuru’ e gin ni yad ma par riy ngar malang niged nge yim’, ni bod nike yog SOMOL.

Deuteronomy 21:20

Nge lungurow ngorad, ‘Re pagel ni fakmow ney e ba gelan’ mab tatogopluw, ma dar ma fol romow; ba ta adbey e salpiy mab tachingaw’.’

2 Samuel 18:17

Miyad fek Absalom nga ron’ed ngalan ba low nib to’ar u fithik’ e gerger, miyad mun malang nga daken nge yan i par nib to’ulung i malang ni ba ga’ nike tharey Absalom. Me mil urngin piyu Israel ngar sulod mra be’ me yan nga tafen.

Exodus 21:17

“En nra yibil ni nge buch ban’en rok e chitamngin ara chitiningin e yira thang e fan rok.

Deuteronomy 13:6

“I mus ngak walagmed ni pumo’on, fa fakmed ni pumo’on fa bpin, fa le’engimed nib t’uf romed, fa fager romed nri gimed ba pach e rayag ni nge liyabnag nge pi’ lanin’med ngam ted fan yugu boch e got, ni bogi kan ni gimed nge pi chitamangimed ni kakrom e dariy bigimed ni ka e tay fan.

Deuteronomy 13:12

“Ngiyal’ ni gimed be par u lan fapi binaw nike pi’ SOMOL ni Got romed ngomed, ma fa’anra mu rung’aged

Deuteronomy 17:7

Fapi girdi’ ni yad e mich ko kireb nike rin’ facha’, e yad e som’on ni ngar malang niged, mfini malangnag gubin e girdi’, aray konawo’en mi gimed thang mit e biney e kireb.

Proverbs 30:17

En nma moningnag e chitmangin ara fanenikay e chitiningin nike pilibthir, e kabfel’ nra luf e arche’ ni raven lanmit me languy e arche’ ni vulture downgin.