Deuteronomy 21:19 - Bible Ni Thothup

¹⁹ Ma aram e fa gal labthir e ngar fekew fare pagel nga mit fa pi’in yad ma yog e thin ko fare binaw nma par riy, ngan pufthinnag.

Deuteronomy 21:19 Referans Kwoze

Zekariah 13:3

Ma fa’anra m’ug be’ ni be ga’ar e ku ir reb e profet, ma chitamngin nge chitinngin e bay rogew ngak ni aram e thingar nli’ ngem’, ni bochan e be yog ni be weliy e thin rok SOMOL, machane go’ ban e be weliy. Ma nap’an nra yi’iynag ban’en ma chitamngin nge chitinngin e yow ra yip’ ko sarey nge yim’.

Deuteronomy 25:7

Ma fa’anra siyeg fare pumo’on ni walagen fa’anem nike yim’ ni nge munfangich, ma nge yan fare pin nga p’eowchen e pi’in yad be yog e thin ko fare binaw nge ga’ar, ‘Fare mo’on ni walagen figirngig nike yim’ e dabun ni nge rin’ e tin yalen ni nge rin’, dabun ni nggu diyen nigew reb e pumo’on nge par ni owchen walagen u fithik’ e girdi’ nu Israel.’

Deuteronomy 21:2

Ma aram e pi tayugang’ nge pi tapuf oloboch romed e nga ranod ra foleged palogen e gin nni pirieg fare yam’ riy ko yochi binaw nib chugur ngay.

Deuteronomy 16:18

“Mmel’eged boch e girdi’ ngar manged pi tapuf oloboch nge boch ni nge mang tolang u gubin e binaw nike pi’ SOMOL ni Got romed ngomed. Pi pumo’on ney e ngu’ur pithiged e yu pa’ i oloboch u puluwon e girdi’ ni rogon nib mat’aw.

Deuteronomy 21:18

“Fa’anra bay be’ ni pumo’on ni bay ba pagel ni fak nib gelan’ ma ba tatogopluw, ma der ma fol ko gal labthir rok, ni dariy fan ni yow ma gechignag.

Deuteronomy 21:20

Nge lungurow ngorad, ‘Re pagel ni fakmow ney e ba gelan’ mab tatogopluw, ma dar ma fol romow; ba ta adbey e salpiy mab tachingaw’.’

Jeremiah 38:7

Machane Ebedmelek, ni be’ nu Ethiopia, nib mo’on nib tolang nma maruwel u tafen e pilung e rung’ag ni kan nguchuruyeg ngalan fare luwed. Ma ngiyal’nem e aram e bay e en ni pilung ko garog ni Benjamin fithingan ni be puf oloboch.