Deuteronomy 21:15 - Bible Ni Thothup

¹⁵ “Fa’anra be’ nib mo’on ni l’agruw e ppin ni le’engin, nra bagyow make fakay e pagel, ma bagyow e ba’adag ma bagyow e danga’. Ma bin nganni’ i fak ni pumo’on e gathi fak fare pin ni ba’adag.

Deuteronomy 21:15 Referans Kwoze

Genesis 29:33

Me diyen nge gargel bayay ni ku reb e pagel. Me ga’ar, “I SOMOL e ku ke pi’ e chi pagel ney ngog, ya ke rung’ag nde adageg e pumo’on rog”; ma aram me tunguy fithingan ni Simeon.

Genesis 29:20

Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.

Genesis 29:18

Ma ba’adag Jakob Rachel, me ga’ar Jakob, “Bay gu maruwel rom ni medlip e duw, ma ga pi’ Rachel ni bin bitir e bpin ni fakam nggu le’engiy.”

Deuteronomy 21:16

Nap’an nra leamnag fare pumo’on rogon ni nge f’oth e binaw rok u pa’ pifak, ma dabi laniyan’ u rogon e f’oth ni nge tay nge pi’ e f’oth rok e bin nganni’ u pifak ni pumo’on ko bin e pagel ni fak fare pin ni ir e ba’adag.

1 Samuel 1:2

I Elkanah e l’agruw e ppin rok, ni aram Hannah nge Peninnah. Mi Peninnah e i diyen, mi Hannah e da i diyen.

2 Kronicles 11:22

me Abijah nib mo’on ni diyennag Maakah e ir e th’abi t’uf rok Rehoboam u fithik’ urngin pifak, me mel’eg ni ir u fak e nge yan nga luwan nge mang pilung.