Deuteronomy 2:37 - Bible Ni Thothup

³⁷ Machane da darod nga charen fare binaw ko pi Ammonite, nge charen e Lul’ ni Jabbok nge fapi binaw ni go’ burey nge ku boch e binaw nike yog SOMOL ni Got rodad ndab darod ngay.

Deuteronomy 2:37 Referans Kwoze

Deuteronomy 3:16

Ma fa gal ganong rok Ruben nge Gad e gu pi’ fare gi binaw ni tabab u Gilead me yan i mus ko lul’ ni Arnon. Mathil rorad ko yimuch e lukngun fare lul’ ni Arnon, ma mathil rorad ko lel’och e fare lul’ ni Jabbok fithingan, ni bang riy e mathil rok e pi Ammonite.

Numbers 21:24

Ma piyu Israel e rli’ed bayo’or e salthaw ko mael ngar koled e binaw rorad ni tabab ko Lul’ nu Arnon nge yan u rom nga Jabbok, nge mus ko Ammon, ni bochan e mathil nu Ammon e bfel’ rogon ni yima matanagiy.

Genesis 32:22

Re nep’ i n’em e od Jakob, me fek fa gali ppin ni le’engin, nge fa gali ppin ni sib, nge fa ragag nge ta’reb i bitir ni fak ngar th’abed fare lul’ ni Jabbok fithingan nga baraba’ ko gin ni yima thum’ riy nga baraba’.

Deuteronomy 2:19

Ma aram e kam chugurgad nga tafen e Ammonite, ni pi’in owchen Lot. Ma dab mu k’aringed lungrad, fa mu tabab niged e mael nib togopluw ngorad. Ya dab gu pi’ bang ni ngam tafned ko fare nam ni kug pi’ ngorad.’” (

Joshua 12:2

Reb fa gal pilung e Sihon, ni ba Amorite ni ir e ma gagiyeg u Heshbon. Gil’ilungun e bmu’un baley yu Gilead ngay: ni tabab u Aroer (ni bay u thathren fare Loway ni Arnon) me yan ko fare binaw ni bay u lukngun fare loway nge mada’ ko lul’ ni Jabbok, ni aram e mathil rok yu Ammon,

Judges 11:15

ni kar feked e thin rok i yan: “De rriyul’ ni fek yu Israel fare nam nu Moab nge fare nam nu Ammon.

Deuteronomy 2:9

Me ga’ar SOMOL ngog, ‘Dab mu magawon niged e girdi’ nu Moab, ni pi’in owchen Lot, ara m’aged e mael ngorad. Kug pi’ fare binaw nu Ar ngorad, ma aram e dakriy bang u taferad ni nggu pi’ ngomed.’” (

Deuteronomy 2:5

machane thangri dab mu tabab niged e mael ngorad, ni bochan e dab gu pi’ ngomed ta’bochyang ko binaw rorad. Ya kug pi’ yu Edom ni nge tafnay e pi’in owchen Esau.

Judges 11:22

Miyad par nga urngin e yungin ntafen piyu Amor ni tabab u Arnon u lan e yimuch nge taw nga Jabbok u lan e lel’och ngu daken e desert u ba’ ni ngek nge mada’ ko ba’ ni ngal e Jordan.