Deuteronomy 2:33 - Bible Ni Thothup

³³ Machane SOMOL ni Got rodad e pi’ Sihon nga pa’dad, ma gadad thang e fan rok, nge pi pumo’on ni fak, nge urngin e pi salthaw rok.

Deuteronomy 2:33 Referans Kwoze

Deuteronomy 7:2

Ma nap’an nra pi’rad SOMOL ni Got romed nga pa’med ngam gelgad ngorad ma thingar mu thanged owcherad ni yad gubin. Dab mu ngongliyed e m’ag u thilmed ara mu runguyed yad.

Joshua 21:44

Me pi’ SOMOL e gapas ngorad u lan fare nam ni ga’ngin, nri bod rogon ni micheg ngak e pi chitamangirad kakrom nra rin’. Dariy ta’reb u gubin fapi to’ogor rorad ni yag rok ni nge tagopluw ngorad, ni bochan e ke gel nagrad SOMOL ngak gubin e pi to’ogor rorad.

Judges 7:2

Me ga’ar SOMOL ngak Gideon. “Kayigi pire’ e pumo’on nike un ngom ndabiyag ni gu pagrad ngar gelgad ngak piyu Midian. Ya richey miyad leamnag ni kar gelgad u gelngirad, ma dab ra leam niged ni gag e kug ayuwegrad.

Judges 1:4

nge Judah ko mael u ta’bang. Me gel nagrad SOMOL ngak e pi Kanaan nge pi Periz, miyad li’ ragag biyu’ e pumo’on u Bezek.

Deuteronomy 20:16

“Machane nap’an ni gimed ra kol fapi binaw nu lan fare nam ni bayi pi’ SOMOL ni Got romed ngomed, mi gimed thang e fan rok gubin e girdi’ riy.

Numbers 21:24

Ma piyu Israel e rli’ed bayo’or e salthaw ko mael ngar koled e binaw rorad ni tabab ko Lul’ nu Arnon nge yan u rom nga Jabbok, nge mus ko Ammon, ni bochan e mathil nu Ammon e bfel’ rogon ni yima matanagiy.

Genesis 14:20

I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.

Exodus 23:31

Ma bay gu tay e mathil ko Red Sea nge mada’ ko day ko pi Filistine, me yan e mathil u daken e ted ni desert nge mada’ ko lul’ nu Eufrates; ma bay gu pi’ girdi’en fare binaw nga pa’med ngam tulufedrad nga wuru’ fare binaw.

Deuteronomy 2:32

Ma aram me yib Sihon nge urngin e pi salthaw rok ni ngar maelgad ngodad u to’oben fare binaw nu Jahaz.

Deuteronomy 29:6

Dariy e flowa ni um ked, ara wayin nge biya ni um unumed, machane urngin e tin nib t’uf romed ma i pi’ SOMOL ngomed, ni bochan e ngam filed riy ni ir e Got romed.

Psalms 136:19

ni Sihon ni pilung ko Amorite; t’ufeg rok e ba manemus;