Deuteronomy 17:20 - Bible Ni Thothup

²⁰ Irera’ rogon ma dabi leamnag nib sorok boch ngak e pi’in yad nu Israel, ma dariy e ngiyal’ ni nge pi’ keru’ ko tin keyog SOMOL ni ngan rin’. Ma aram e ra par ngi i gagiyeg nib yo’or e duw, ma pi’in owchen e bay ur gagiyeg niged piyu Israel nib yo’or e mfen.

Deuteronomy 17:20 Referans Kwoze

1 Kings 15:5

I rin’ SOMOL e ren’ey ni bochan e i rin’ David e tin nib m’agan’ SOMOL ngay ma dariy ban’en ni yog ngak ni pag, kemus ni fare oloboch ni ngongliy ngak Uriah nib Hittite.

Deuteronomy 5:32

“Girdi’ nu Israel, rnopa’med ni ngu’um rin’ed urngin e tin ke tay SOMOL ni Got romed chiylen ngomed. Dab mu paged ta’reb e pi motochiyel rok ndab mu folgad riy.

Isaiah 2:12

Rofen nem e SOMOL ni Gubin ma Rayag Rok e bayi sobut’nag e pi’in ba gel gelngirad, nge gubin e pi’in tolngan’ nge ufanthin.

2 Korinth 12:7

Machane bochan e ngan tiyeg ndab gu ufanthin ni bochan e pin’en ni bfel’ nem ni kug guy, ma aram mi ni pi’ ba liliy ngog nib gel e amith riy, ni yib ni susun e mol’og rok mo’onyan’ ni nge pirdi’iyeg ya nge dab gu uf.

Habakkuk 2:4

Ba’aray e thin rog ngom: ‘Pi’in yad ba kireb e dab ra fosgad; ma pi’in yad bmat’aw e yad ra fos ni bochan e yad ba yul’yul’ ngak Got.’”

Eklesiastes 8:13

machane pi’in kireb e dariy ban’en nra fel’ u puluwrad. Yafos rorad e bod fon ban’en ma yad ra yim’ ni kayad ba pagel, ni bochan e darir folgad rok Got.”

Proverbs 27:24

ni bochan e fla’ab e dabi par ni manemus. Mus ko pi nam ma dabi par ni dariy n’umngin nap’an.

Proverbs 10:27

Ra um liyor ngak SOMOL, ma ra n’uw nap’am. Pi’in kireb e yad ma yim’ ni dawori taw nga naprad.

Psalms 132:12

Fa’anra par pifakam nib yul’yul’ ko m’ag rog nge tin gu pi’ ngorad ni thingar rrin’ed, ma ku er rogon pifakrad ni bay ra boded gur, ni yad e bay u ra manged pilung.”

Psalms 19:11

Ma tamilang nigeg, i gag e tapigpig rom; fol ni gu be tay riy e be yib puluwon ngog.

2 Kronicles 34:27

ma ga pi’ keru’um ko denen rom ma ga sobut’ nigem u p’eowcheg, ni ga be guchthuy e madrom ma ga be yor, nnap’an ni mu rung’ag rogon ni kugog ni nggu gechignag yu Jerusalem nge girdi’ riy. Ku gu rung’ag e meybil rom,

2 Kronicles 33:23

Machane de bod e chitamngin ni sobut’nag laniyan’ nge sul ngak SOMOL; kabgel feni kireb e tin i rin’ rok chitamngin.

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

2 Kronicles 33:12

Mu fithik’ e gafgow rok me sobut’ laniyan’, me cheal nge sap ngak SOMOL ni Got rok, me wenig ngak ni nge ayuweg.

2 Kronicles 26:16

Machane nap’an ni par Uzziah ni Pilung nike gel gelngin me tolngan’, ma aram tapgin me mul pa’ ko pilung. I dariyfannag SOMOL ni Got rok ni bochan e yan ngalan fare Tempel ni nge urfiy e incense u daken fare altar ko incense.

2 Kronicles 25:19

Amaziah chiney e ga be uf ngay ni ka mu gel ngak piyu Edom, machane gu be yog ngom e tin bfel’ ni ngam par u tabnaw rom. Mangfan ni ngam pug e oloboch ngalang ni kemus ni nge fek e riya’ i yib ngom nge tirom e girdi’?”

2 Kings 14:10

Amaziah, chiney e kam gel ngak piyu Edom, ma aram e ka rim taf. Nge fel’ u wun’um e fla’ab rom mag par u tabnaw. Mang ni ngam k’aring e wagey ni kemus ni nge girengiy e riya’ nga dakenam nge girdi’ rom?”

2 Kings 10:30

Me ga’ar SOMOL ngak Jehu, “Ka mu rin’ gubin e tin gub adag ni ngam rin’ ngak e pi’in owchen Ahab. Ere gu be micheg ngom ni pi’in owchem nge mada’ ko bin ni aningeg e mfen e bay ur manged pilung u Israel.”

1 Kings 11:36

Bay gu pag ta’reb e ganong nge par u pa’ fak Solomon, ya gubin ngiyal’ ni ngi i par reb i owchen e tapigpig rog i David ni be gagiyeg u Jerusalem, ni fare binaw ni ku gu turguy ni ir e ngu’un liyor ngog riy.

1 Kings 11:34

Machane dab gu chuweg e re nam ney ni ga’ngin u pa’ Solomon, ya bay gu tay ngi i gagiyeg u n’umngin nap’an e yafos rok ni bochan e tapigpig rog i David ni gag e gu duwgiliy, mi i par ni be fol ko pi motochiyel rog nge thin rog.

1 Samuel 15:23

Togopluw ni ngan tay ngak e ta’reb feni kireb nge pig, ma ufanthin nge tolngan’ e ba denen ni ta’reb rogon ko meybil ni yima tay ko liyos nma meybil boch e girdi’ ngay. Bochan e kam pi’ed keru’med ko tin ni yog SOMOL ngom ni ngam rin’, ma aram e ku er rogon ir nike n’igem ni aram e dab kum pilung.”

Deuteronomy 17:11

Mu faned e tin kar dugliyed mi gimed rin’ e tin karogned ni dab mu paged bochiyang riy.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Deuteronomy 12:28

Ngar mu yul’yul’gad ngu’um folgad u urngin e tin kugog ngomed ni ngam rin’ed, ma aram e gimed nge pi’in owchamed e gubin ban’en ni bayi fel’ u puluwmed ndariy n’umngin nap’an, ni bochan e gimed be rin’ e tin ba mat’aw nge tin bfel’ u wan’ SOMOL ni Got romed.

Deuteronomy 12:25

Fa’an gimed ra fol ko ran’ey nike yog, ma gimed ra fel’ u wan’ SOMOL, ma aram e gimed nge pi’in owchamed e ra fel’ gubin ban’en u puluwmed.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Deuteronomy 4:2

Dab mu puthuyed ban’en ko tin nggu taychilen ngomed ni ngu’um rin’ed, ma dab mu lufed ban’en riy. Ngu’um folgad ko thin rok SOMOL ni Got romed ni fa’an ku gu pi’ ngomed.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Psalms 119:102

Dawor gu pi’ keru’ug ko fonow rom, ya gur e tamchib rog.

1 Samuel 10:25

Me weliy Samuel ngak e girdi’ mat’wun nge maruwel rok e pilung, me yoloy ngalan ba ke babyor, me yan i cha’riy nga bangi n’en nib thothup. Ma aram me yog ngak e girdi’ ni ngar sulod nga taferad.

2 Samuel 22:23

Urngin e pi motochiyel rok ni gu be tay nga tagil’; dariy bingyal’ ni ku gu pag ni dag fol ko tin keyog ni ngan rin’.

1 Kings 2:3

mu um rin’ e tin bayi yog SOMOL ni Got rom ngom ni ngam rin’. Um fol u urngin e pi motochiyel rok nge tin keyog ni ngu’un rin’, ni bod ni ka ni yoloy u lan e Motochiyel rok Moses, ya ngi i mon’og urngin ban’en ni bay um rin’ ko yungi n’en ni ga be yan riy.

1 Kings 15:3

Pi denen ni i rin’ e chitamngin e ki i rin’ ma gathi ri i yul’yul’ ngak SOMOL ni Got rok, ni bod rogon ni rin’ David ni thangtuw rok.