Deuteronomy 15:23 - Bible Ni Thothup

²³ Machane dab mu ked e racha’ riy; ya thingar mu pu’oged nga daken e but’ ni bod e ran.

Deuteronomy 15:23 Referans Kwoze

Deuteronomy 12:16

Machane thingar dab mu ked e racha’ ko fa pi gamanman. Thingar mu pu’oged nga daken e but’ ni bod rogon e ran.

Deuteronomy 12:23

Kemus ndab mu ked e racha’ ko ngiyal’ ni gimed ra kay e ufin ni bochan e yafos e bay u fithik’ e racha’, ma thingar dab mu koyed e yafos ngam chagiyed ko ufin.

Levitikus 7:26

Demturug e gin’en nra yan piyu Israel ra pired ngay, ma thingar dab ra ked e racha’ rok bmit arche’ nge gamanman.

Ezekiel 33:25

“Mu weliy ngorad e tin Gag SOMOL ni Th’abi Tolang gu be yog ni be lungug: Gimed be kay ufin e gamanman nda mpaged e racha’ riy nge lul nge m’ay’. Gimed be meybil ko liyos nma meybil yugu boch e girdi’ ngay. Gimed be thang e pogofan. Uw rogon ni gimed be leamnag ni re nam ney e ke mil suwon ngomed?

1 Samuel 14:32

ma aram miyad mil i yan ko pin’en ni kar feked rok e pi to’ogor; miyad fek e saf, nge garbaw ni pumo’on, nge pifak e garbaw ngar li’ed u luwrad, miyad kay e ufin riy ni kabay e racha’ u fithik’.

Acts 15:20

Machane ngad pi’ed e babyor nge yan ngorad, ni nga dogned ngorad ndab ra ked e ggan nde klin ni fan e kan pi’ ni maligach ko liyos nma meybil boch e girdi’ ngay; ma ngar ayuweged yad nge dab ra pired be’ ni gathi mabgol rorad; ma dab ra longuyed e gamanman nni uchuluy k’angan nge yim’, ara ra ked e racha’.

Genesis 9:4

Ri ta’a ban’en e bay ndab mu koyed: ufin ni ba’ e racha’ u fithik’, ya racha’ e bay e yafos u fithik’.

Levitikus 17:10

Fa’anra kay be’ nu Israel ara be’ u bang nma par u fithik’ yu Israel e ufin ni kabay e racha’ u fithik’, mra togopluw SOMOL ngak ma dabki tay fa’anem ni reb e girdi’ rok.

Levitikus 19:26

“Dab mu koyed e ufin ni bay e racha’ u fithik’. Dariy mmit e pig nge bey ni ngam uned ngay.

1 Samuel 14:33

Minog ngak Saul ni lunguy, “Mu sap, girdi’ rodad e kar denengad nib togopluw ngak SOMOL, ya yad be longuy e ufin ni kabay e racha’ u fithik’.” Me non Saul ni ba ga’ laman, “Gimed bogi ni’ nda mu yul’yul’gad! Mu lulubiyed ba malang ni ba ga’ i yib ngaray.”

Deuteronomy 12:15

“Machane rayag ni ngu’um li’ed e gamanman romed ngam longuyed ko gin’en ni gimed be par riy. Rayag ni ngam longuyed urngin e tin nra pi’ SOMOL ngomed. Gimed gubin ndemturug ko gimed mmachalbog fa dangay nrogon ko motochiyel mrayag ni ngam longuyed, ni bod rogon ni gimed ma longuy e ufin ko gamanman ni deer nge antelope.

Deuteronomy 12:24

Dab mu ked e racha’, ya ngam pu’oged nga daken e but’ ni bod rogon e ran.