Deuteronomy 15:16 - Bible Ni Thothup

¹⁶ “Machane rayag ni fare sib rom e dabun ni nge chuw rom; ni bochan e gab t’uf rok nge chon e tabnaw rom ere ba’adag ni nge par rom.

Deuteronomy 15:16 Referans Kwoze

Psalms 40:8

Got rog, ri gu ba’adag ni nggu rin’ e tin nib m’agan’um ngay! Thin rom e be par u fithik’ i lanin’ug.”

Psalms 40:6

Gathi gamanman ni maligach nge pin’en ni yima pi’ ngom e ir e ga ba’adag; fa gamanman ni ka ni urfiy nib polo u daken e altar, ara pi maligach ni nge chuweg e denen. Ya ka mu pi’ telig ni nggu rung’ag e thin rom ngay,

Deuteronomy 15:15

Thingar mu ted u wun’med ni ummed ni gimed e sib u Egypt me pagmed SOMOL ni Got romed ngam marod nike puf rogomed; aram fan e chiney ni gu be taychilen e re bugithin ney ngomed.

Deuteronomy 15:17

Ma aram e ngam fek i yan nga langan e mab ko naun rom mag kuruf tel u rom; ma aram e ke mang sib rom u n’umngin nap’an e yafos rok. Ma ku aray rogon e n’en ni ga ra rin’ ngak ba sib rom ni bpin.