Deuteronomy 15:10 - Bible Ni Thothup

¹⁰ Mu pithiged pa’med riy ngam pi’ed ngak ni bfel’ u wun’umed, ma aram e ra fal’eg SOMOL wa’athamed ko urngin e tin gimed ra rin’.

Deuteronomy 15:10 Referans Kwoze

Proverbs 22:9

Mu gol ma ga f’oth ganam ko pi’in gafgow. Ma gur e ra fel’ wa’atham riy.

Hebrews 13:16

Dab mpaged talin ni ngam rin’ed e tin ni bfel’ ni nge bigimed mi i ayuweg bigimed, ya ireray e pi maligach nib m’agan’ Got ngay.

Isaiah 58:10

fa’an gimed ra pi’ e ggan ngak e pi’in ndariy ban’en ni ngar ked, mi gimed ayuweg e pi’in ni dabisiy ni ngan ayuwegrad, ma aram e lumor ni kam pired nga fithik’ e ra ngal’ ni tamilang ni bod lukngun e misiw’.

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Deuteronomy 24:19

“Nap’an ni gimed ra kunuy wom’ngin e woldug romed mi gimed pag talin boch u milay’ ni ka mmu’gad i th’ab, ma dab ku mu sulod ngay; ngan pag ni fan ngak e milekag, nge pi’in kanim’ rorad, nge pi’in nike yim’ figirngirad, ma SOMOL ni Got romed e bayi fal’eg wa’athmed u gubin e tin bay mu rin’ed.

Isaiah 32:8

Machane be’ nib yul’yul’ e be ngongol u fithik’ e yul’yul’ ma be tay ir ko tin nib mat’aw.

Acts 20:35

Kug dag ngomed u fithik’ urngin ban’en nra un maruwel nib gel ni aray rogon ma thingar da ayuweged e pi’in yad ba waer, ma ngan tay ngan’uy fapi thin ni Somol Jesus e yog ni ga’ar, ‘Ba gel e felfelan’ nma yib ko ngan pi’ ban’en ngak be’ ko bin ni be’ e nge pi’ ban’en ngom.’ ”

Deuteronomy 15:4

“I SOMOL ni Got romed e bayi fal’eg wa’athmed u lan fare nam ni nge pi’ ngomed. Dariy ta’abe’ u fithik’ e pi girdi’ romed nra gafgow

1 Peter 4:11

Cha’ ni be machib e thingari machibnag e thin rok Got ngak e girdi’; ma cha’ ni be pigpig e thingari pigpig u gelngin nike pi’ Got ngak ni fan e nge urngin ban’en ni be rin’ ma nganog e sorok ngak Got riy u daken Jesus Kristus, ni ir e bayi par ni bay e fla’ab u pa’ ma bay gelngin ndariy n’umngin nap’an! Amen.

Roma 12:8

Ma fa’anra salap ni pi’ Got ngodad e ngad pi’ed e athamgil nga laniyan’ e girdi’, me ere thingar da rin’ed ni aram rogon. En nra pi’ boch e tin bay rok ban’en ngak boch e girdi’ e thangri rin’ u fithik’ e gol; en ni ba ga’ lungun u puluwon e girdi’ e thangri maruwel nib gel; ma en nra gol ngak e girdi’ e thangri rin’ u fithik’ e felfelan’.

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

Deuteronomy 14:19

“Gubin mit e chachangeg ni bay pon ma ba alit e dab mu ked.

Deuteronomy 23:20

Rayag ni nga mun’ed e win romed ko tin gimed be pi’ ngak yug boch e girdi’ nu reb e nam, machane dab mu rin’ed ngak reb e girdi’ ni ku reb e Israel. Umfolgad ko re gafal ney, me fal’eg SOMOL ni Got romed wa’athan urngin e tin gimed ra ngongliy u lan fare nam ni bayi pi’ ngomed ni ngam tafned.

Deuteronomy 28:8

“I SOMOL ni Got romed e bayi fal’eg wa’athan e maruwel romed, me suguy e grain ngalan e naun ko grain romed. Bayi fal’eg wa’athmed u lan fare nam ni bayi pi’ ngomed.

Eklesiastes 11:1

Mu tay e salpiy rom nga reb e bank u reb e nam, me yan i reb e rran me yib e win riy ngom.

Deuteronomy 15:18

Dabi tomal u wun’um ni ngam pag fare sib nge yan nike puf rogon; dab mu pag talin, ni nga n’el e duw nike pigpig ngom ma puluwon ni kam pi’ e kemus ni baley u puluwon be’ nma pigpig ngu’un pi’ puluwon. Um rin’ed ni aray rogon, ma fare SOMOL ni Got romed e ra fal’eg wa’athmed u gubin ban’en ni gimed be rin’.