Deuteronomy 14:29 - Bible Ni Thothup

²⁹ Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Deuteronomy 14:29 Referans Kwoze

Deuteronomy 15:10

Mu pithiged pa’med riy ngam pi’ed ngak ni bfel’ u wun’umed, ma aram e ra fal’eg SOMOL wa’athamed ko urngin e tin gimed ra rin’.

Deuteronomy 14:27

“Ma dab mu feked owchemed rok e pi Levite ni yad be par u lan e pi binaw romed; ya dariy bang ntaferad.

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

Proverbs 11:24

Boch e girdi’ e yad ma wereg e salpiy rorad nib puf pa’rad riy ma ku be fel’ rogonrad i yan. Ma boch e ba ta kol’ayuw ngay, ma ku be gel e gafgow rorad i yan.

Psalms 41:1

Nge falan’ e pi’in ma magfan’rad ko pi’in gafgow; ya SOMOL e ra aywegrad ko ngiyal’ nike yib e oloboch ngorad.

Deuteronomy 16:14

Mi gimed felfelan’ u ta’bang, ni gimed nge pifakmed, nge pi tapigpig romed, nge pi Levi, nge girdi’ nu boch e nam, nge pi’in kanim’ rorad, nge pi’in ke yim’ figirngirad ni yad ma par u lan e yochi binaw romed.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Levitikus 19:34

Ngongol romed ngorad e nge bod rogon e ngongol romed ngak e girdi’ nu Israel, ngar t’ufgad romed ni bod fanmed t’uf romed. Dab mu paged talin ni um pired u Egypt ni gimed girdi’en yugu reb e nam. I Gag fare SOMOL ni Got romed.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

Hebrews 13:2

Dab mpaged talin ni ngam ayuweged e milekag ni karbad nga tabinaw romed. Ya bay boch e girdi’ ni ur rin’ed miyad ayuweg e pi engel ndar nanged.

Luke 11:41

Ere mpi’ed e n’en ni bay u lan e kap nge plet romed ngak e pi’in gafgow, me yan i par ni urngin ban’en ma ke be’ech u puluwmed.

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

Numbers 18:20

Me ga’ar SOMOL ngak Aron, “Dab mu tafnay bang e binaw u lan yu Israel, ma ku dariy bang e binaw rok yu Israel ni yira pi ngom. Ya ngam par ni kemus ni Gag SOMOL, e nge pagan’um ngog.”

Deuteronomy 6:11

Pi naun ni bay riy e ke suguy urngin mit e falel’ ni gathi gimed e mu ted, ma bay bogi luwed riy ni gathi gimed e mu kired, ma bay yungi woldug riy ni grapes, nge gek’iy ni olive nike m’ay i yung. Nap’an nra fekmed SOMOL ngalan e re nam nem, me yag ngomed urngin e tin gimed ba’adag ni ngam koyed,

Deuteronomy 10:9

Aram fan ni girdi’en e ganong rok Levi e dan pi’ e binaw ngorad ni bod e tin ba’aray e ganong ni kan pi’ e binaw ngorad; birorad e f’oth e ren’en ni ba’aram ni yad e ngu’ur manged prist, ni bod rogon ni yog SOMOL ni Got romed.)

Psalms 94:6

Yad be thang e fan rok e pi’in ke yim figirngirad nge pi’in kanim’ rorad, ma yad be thang e pogofan rok e milekag ni yad be par u daken e but’ romad.

Isaiah 1:17

mi gimed fil rogon i rin’ e fel’. Mu guyed ni tin mat’aw e nge lebug, mu ayuweged e pi’in yibe gafgow nagrad, mpi’ed mat’wun e bitir ni kanim’ rorad, mi gimed mang yoror rok e pi’in ke yim’ figirngirad.”

Deuteronomy 23:21

“Nap’an ni gimed ra mownag ban’en nga fithingan SOMOL ni Got romed, ma dab mmon’ed yaran e tin ka mu micheged ni ngam rin’ed. I SOMOL e bayi tay ngan’ e tin ka mu mow niged, ma ba denen ni fa’anra dab mu ted u gil’.

Deuteronomy 28:8

“I SOMOL ni Got romed e bayi fal’eg wa’athan e maruwel romed, me suguy e grain ngalan e naun ko grain romed. Bayi fal’eg wa’athmed u lan fare nam ni bayi pi’ ngomed.

Psalms 41:2

I SOMOL e ra yororiyrad me ayuweg e pogofan rorad; ra tayrad ni yad ba felfelan’ u daken fare but’; ma dabi n’agrad nga pa’ e pi to’ogor rorad.