Deuteronomy 11:4 - Bible Ni Thothup

⁴ Mu guyed rogon SOMOL ni thirif u but’ fa raba’ i salthaw nu Egypt, nib mu’un e pi os nge pi chariot rorad nma girengiy e os ngay, ni fa’ ni lumach nagrad u langgin fa gi day ni Red Sea u nap’an ni yad be tulufmed.

Deuteronomy 11:4 Referans Kwoze

Psalms 106:11

Ma pi to’ogor rorad e ra limachgad; dariy ta’ab bagayad ni magach.

Hebrews 11:29

Ma michan’ rok piyu Israel ngak Got e ir e ayuweg piyu Israel ngar th’abed fa gi day ni kanog e Red Sea ngay ni gowa yad be yan u daken e binaw; ma fa’an ni lekrad yu Egypt, me yib e day nga dakenrad.

Exodus 15:19

Yu Israel e ranod ngar th’abed e day nga barba’ u daken e but’ nib mlik. Machane nap’an ni yib e pi chariot rok yu Egypt nge pi os rorad nge pi’in yad be yannag nga maday, me fulweg SOMOL e day nge thareyrad.

Exodus 15:4

“Ke yin’ e pi chariot nge salthaw rok Farao nga maday; pi tolang ko salthaw rok ni yad ba falu’ e kar limochgad u lan fa gi day ni Red Sea fithingan.

Deuteronomy 1:40

Ma gimed e pi girdi’ nir e ngam chealgad u luwmed ngam sulod bayay nga daken fare gi ted ni desert, ngam sulod ko fare kanawo’ ni yan ko fare gi day ni Red Sea.’

Deuteronomy 2:1

ma yuguda pigichelgad ngad sulod nga daken fa gi desert, ni aram e wo’ ni yan ko Red Sea, ni bod ni yog SOMOL ni ngad rin’ed. Ma ba n’uw nap’an ni ud derawgad u daken e nam nu Edom ni go’ burey.

Deuteronomy 11:5

Gimed manang e tin ni rin’ SOMOL ni fan ngomed u daken e ted faram ni dawor mu tawgad ngaray.