Deuteronomy 11:13 - Bible Ni Thothup

¹³ “Ma aram e ngam folgad ko pi motochiyel rok; ni nge t’uf SOMOL ni Got romed mi gimed pigpig ngak u polo’ i gum’iracha’med, ngu polo’ i gimed.

Deuteronomy 11:13 Referans Kwoze

Deuteronomy 10:12

“Gimed e girdi’ nu Israel, mang e ba’adag SOMOL ni Got romed? I SOMOL e ba’adag ni ngam liyorgad ngak mi gimed falwok rok, me t’uf romed mi gimed pigpig ngak u polo’ i gumircha’med ngu lanin’med,

Deuteronomy 4:29

U rom e bay um changar niged SOMOL ni Got romed riy; fa’an gimed ra gaweg u polo’ i gum’ircha’med ngu polo’ i lanin’med ma gimed ra pir’eg.

Deuteronomy 11:8

“Mu folgad u urngin e tin kug taychilen ngomed e daba’. Ma aram e rayag ni ngam th’abed e lul’ nga barba’ ngam tafned fare nam nike chugur ni ngam thum’gad nga langgin.

Deuteronomy 6:17

Ngar mu guyed rogon ngu’um folgad u urngin fapi motochiyel nike pi’ ngomed.

Psalms 119:4

SOMOL, gur e kam pi’ ngomad e pi motochiyel rom ma kamog ngomad ni nggu yul’yul’gad ngay.

Deuteronomy 11:22

“Ngu’um folgad ma gimed be yul’yul’ ko urngin e tin kug ta’chiylen ngomed: Nge t’uf romed SOMOL ni Got romed, mi gimed rin’ urngin e tin keyog ni ngan rin’, mi gimed yul’yul’ ngak.

Levitikus 26:3

“Fa’anra um pired nrogon ko motochiyel rog mi gimed tay u gil’ e tin kugog,

Deuteronomy 7:12

“Fa’anra um motoyilgad ko pi motochiyel ney ngu’um yul’yul’gad ngay, me SOMOL ni Got romed e bayi tay u gil’ fare m’ag nike ngongliy u thilmed nge ir, mi i dag ngomed ni yig gimed be par ni gimed ba t’uf rok ni bod rogon nike micheg ngak pi chitamangimed ni kakrom.

Deuteronomy 11:1

“Thangri t’uf romed SOMOL ni Got romed, mi gimed fol ko urngin e motochiyel rok ni gubin ngiyal’.

Deuteronomy 28:1

“Fa’an gimed ra fol rok SOMOL ni Got romed mi gimed yul’yul’ i ayuweg urngin e tin keyog ni ngam rin’ed ni kug weliy ngomed e daba’, mra taymed ni gimed e re nam nth’abi sorok u daken e fayleng.

1 Kings 3:3

Solomon e ba t’uf SOMOL rok, ma i fol ko thin rok David ni chitamngin, machane ki i pi’ e gamanman ni maligach miki i urfiy e incense ko yungi n’en nib tolang.

Psalms 119:2

Nge falan’ e pi’in yad ma folwok ko tin keyog, ni pi’in yad ma fol rok u polo’ i lanin’rad.

Jeremiah 17:24

“Mog ko pi girdi’ ney ni thingar ra ted gubin e tin ku gu ta’chiylen u gil’. Thangri dabra feked ban’en nib tomal ngalan e garog ko re binaw ney e rofen ni Sabbath. Thingar ted fan fare Sabbath ni bod reb e rran nib thothup ma thangri dab rin’ed ba maruwel.

Ezekiel 34:26

“Bay gu tow’ath nagrad mu gu tayrad ngu’ur pired ni kar liyeged fare burey rog nib thothup. Nu rom e bay gu tow’ath nagrad riy ko n’uw u nap’an nike t’uf rorad.

Levitikus 26:4

ma bay u gu pag e n’uw nge yib ngomed ko ngiyal’ nib t’uf, ya ngi i tugul e woldug ko but’ mi i yib e mak’uf ko gek’iy.