Deuteronomy 10:17 - Bible Ni Thothup

¹⁷ I SOMOL ni Got romed e ir e pilung ko pi got nge Somol ko pi somol. Ir e ba ga’ ma ba th’abi gel gelngin, ma ir e ngu’un fol rok. Der ma laniyan’ ma der ma fek puluwon e sasaliyab.

Deuteronomy 10:17 Referans Kwoze

Acts 10:34

Me tabab Peter ko welthin ni ga’ar, “Ka fin gu nang e chiney nriyul’ ni gubin e girdi’ ma ta’reb rogorad u wan’ Got.

Roma 2:11

Yi Got e ta’reb rogon e ngongol nma tay ngak urngin e girdi’.

Galatia 2:6

Machane pi’in gu be finey ni yad e yad be gagiyegnag girdi’en e galesiya — kugog e re bugithin ney ni bochan e dariyfan u wun’ug rogon tolngin bagayad nge bagayad; ya urngin e girdi’ ma ta’reb rogorad u wan’ Got — pi cha’ney ni yad ma gagiyegnag girdi’en e galesiya e da rogned boch ban’en ngog nib be’ech ni gomanga ir e nggu rin’.

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

BABYOR NI JOB 34:19

Der ma mang ko pi’in tagagiyeg ma der ma fol ko pi’in fel’ rogon me pag e gafgow, ya ir e sunmiy gubin e girdi’.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Deuteronomy 7:21

Dab mu rusgad ngorad, ya SOMOL ni Got romed e bay romed; ya ir ba Got nib sorok me ir e ngan rus ngak.

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”

Efesus 6:9

Ma gimed e pi masta e ku ireray e ngongol ni ngam ted ngak e pi’in yad e sib romed; ma ngam talgad ndab ku um k’aringed e marus ngorad. Dab mpaged talin ni gimed nge sib romed e mmil famed ngak ta’ab Masta u tharmiy nta’reb rogon e girdi’ u wan’.

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!

Revelation 17:14

Bay ra chamgad ngak fare Fak e Saf; machane fare Fak e Saf nge pi’in ke piningrad nike mel’egrad, ni pi’in yad ba yul’yul’ ma yad be un ngak e bay ra gelgad ngorad, ya ir e Somol ko pi somol nge Pilung ko pi pilung.”

Daniel 11:36

“Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Psalms 99:3

Gubin e girdi’ ni bayi pining e sorok nga fithingan nib rir ma ba gilbugwan. Ir e ba thothup!

Nehemiah 1:5

Ni lungug, “SOMOL ni Got nu tharmiy, gur Got e th’abi ga’ gelngim ma gab Got ni yima rus ngom, me gur e ga ma tay e m’ag u gil’ ni mu ngongliy u thilmed e pi’in yad ba t’uf rom, ni pi’in ni ga bt’uf rorad ma yad ma fol ko tin kamu tay chiylen.

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Nehemiah 4:14

Mu gguy ni kerus e girdi’, me lungug ngorad nge ngak e pi’in ni yad be yog e thin rorad nge pi tolang, “Dab mu rusgad ngak e pi to’ogor rodad. Mu leam niged feni gel gelngin SOMOL nge rogon ni yima rus ngak, ngam chamgad ni fan ngak e girdi’ romed, nge pifakmed, nge pi leengimed, nge tabnaw romed.”

2 Kronicles 19:7

Ere ngi i par madgun SOMOL u lanin’med mi gimed tiyan’med ko tin gimed be rin’, ya SOMOL ni Got rodad e dar ma kadan’ ko n’en nib sasaliyab ma darma lanyan’ ara fanay pulwon e kireb.”

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.

Kolose 3:25

Ma en nib tagan e ngongol rok e demturug ko ir mini’, ma yira pi’ puluwon ko kireb nma ngongliy; ya Got e urngin e girdi’ nta’reb rogon u wan’.

Mark 12:14

Marbad ngak me lungurad, “Tamchib, gamad manang ni gur reb e girdi’ nib riyul’ e tin ni ga ma yog nge tin ni ga ma rin’, ya der magafan’um ko pin’en ni be finey e girdi’ ngom, ya ta’reb rogon e girdi’ ni gubin u wun’um, ma ga be fil ngak e girdi’ e tin nib riyul’ ni murung’agen e tin nib m’agan’ Got ngay ni ir e nge rin’ e girdi’. Ere mog ngomad, gur ba togopluw ko Motochiyel rodad ni ngan pi’ e tax ni yibe pi’ ngak e Emperor nu Roma? Ere ngad pi’ed e tax fa danga’?”

1 Timothy 6:15

Bay yib i m’ug ko ngiyal’ ni bay duwgiliy Got ni nge m’ug riy, ni ir e ba fla’ab, ma kemus ni ir e be gagiyegnag urngin ban’en, me ir e Pilung ko pi pilung nge Somol ko pi somol,

Exodus 23:8

Dab mu faned puluwon e sasalap, ya puluwon e sasalap ni yima fek e ma ning lan owchey ko tin nib yal’uw, mma kirebnag e tin be nameg e pi’in ni bfel’ e rorad.

Deuteronomy 1:17

Dab um laniyan’gad ngak boch e girdi’ ko tin gimed be turguy; mu turguyed e kireb rok e girdi’ ni ta’reb rogon, ni demturug ko ir mini’. Dab mu rusgad ngak be’, ya rogon ni gimed ra turguy ban’en e ke yib rok Got. Ma fa’anra bay reb e yu pa’ i oloboch ney ni kay gi momaw’ ngomed mi gimed fek i yib ngog, mug turguy e n’en ni ngan rin’ ngay.’

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

Deuteronomy 24:17

“Mat’awun girdi’en yug boch e nam nge bitir ni kanim’ rorad e dab ni chuweg rorad; ra ning be’ ni bpin nike yim’ e pumo’on rok ban’en ni nge maruwel ngay me fulweg, ma dab mu fek e mad rok ni talpen fare n’en, ni ngan fulweg ngom mfini mpi’ fare mad ngak.

Deuteronomy 27:25

“‘Nge bucheg Got wa’athan e en nra fek e salpiy ni fan e nge thang e pogofan rok be’ ndawori bucheg ban’en.’ “Me fulweg e girdi’ ni gubin ni lungurad, ‘Amen!’

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 37:16

“SOMOL, ni Gubin ma Rayag Rok, ni Got nu Israel, ni ga be par ngalang ko fare kerubim, kemus ni go’ gur Got, ni ga be gagiyegnag urngin e lung nu fayleng. I gur e mu sunmiy e fayleng nge lanelang.

Daniel 2:45

Mu guy faram ba malang ni mul u taban bangi war nib tolang ndariy be’ ni math ngay, nge rogon ni yib i aw ko fare liyos nni ngongliy ko wasey, nge wasey ni bronze, nge but’, nge silber, nge gol. Pilung, i Got ni ir e ba th’abi ga’ e be yog ngom e n’en ni bay nga m’on ni bay yib i m’ug. Kug weliy ngom e lik’ay rom, ma fan ni kug weliy ngom e rib riyul’.”

Jeremiah 32:18

Kam dag gelngin e t’ufeg rom ngak bokum biyu’ e girdi’, machane kag ma gechignag e girdi’ ni bochan e denen rok e gallabthir rorad. I gur e gab Got nib gab ga’ ma ba gel gelngim; I gur e SOMOL ni Gubin ma Rayag Rok.