Deuteronomy 1:35 - Bible Ni Thothup

³⁵ ‘Dariy ta’ab gimed ko re mfen ni kireb ney nra thap nga langgin fare nam nib yong’ol ni kug micheg ni nggu pi’ ngak e pi ga’ romed ni kakrom.

Deuteronomy 1:35 Referans Kwoze

Psalms 95:11

Gu damumuw ngar gu micheg ngorad ni lungug, “Ri dab mmarod ngalan fare nam ni ir e gu ra pi’ e toffan ngomed riy.”

1 Korinth 10:5

Machane yugu aram rogon ma oren i yad e dar fel’gad u wan’ Got, ma aram fan ni ur m’ad nge wear dowrad u daken e ted i yan.

Hebrews 3:14

Ya gadad gubin ni gadad Jesus ngabang ni fa’anra da pired nike pagan’dad ngak Got nge yan i mada’ ko tomur ni bod rogon ni ud pired ko som’on.

Hebrews 3:16

Mini’ e rung’ag laman Got me togopluw ngak? Fapi girdi’ ni fekrad Moses nga wuru’ yu Egypt.

Deuteronomy 2:14

Ngiyal’ i n’ey e ke yan guyey nge meruk e duw ni kad chuwgad u Kadesh Barnea. Ma aram e urngin e pumo’on ni ur uned ko mael ko re mfen nem e go’ karm’ad, ni bod ni yog SOMOL.

Psalms 106:26

Ma aram mri ginangrad nib almarin ni ra thang e pogofan rorad u lan e ted

Ezekiel 20:15

Ere gu micheg ngorad u lan e ted ni desert ni dab gu fekrad ko fare nam ni gu pi’ ngorad, nib but’ nib madnom mab yung’ol ma bfel’ u fithik’ e pi nam.

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”