Deuteronomy 1:19 - Bible Ni Thothup

¹⁹ “U da rin’ed e tin ni yog SOMOL ni Got rodad ngodad. Da chuwgad u daken fare Burey ni Sinai ngdarod u daken fare gi ted ni desert nib ga’ yang mab kandugwen i yan nga Amor ni go’ burey. Ma nap’an nda tawgad nga Kadesh Barnea,

Deuteronomy 1:19 Referans Kwoze

Deuteronomy 1:2

Ra ngan milekag ko Burey ni Sinai nga Kadesh Barnea ni nga ni yan u Edom ni go’ burey, ma ragag nge ta’reb e rran.

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Deuteronomy 8:15

I pow’iymed i yan u lan e ted ni desert ma ba kan dugwen ya bay e porchoyog riy ni bay e yub u l’ugun, ma ku bay e scorpion riy. U rom u daken e ted nib mlik’ e but’ riy ma dariy e ran riy e gagiyegnag SOMOL e ran nge yib i po’ nga but’ u fithik’ ba war nib el ni fan ngomed;

Deuteronomy 32:10

“I piri’egrad ni yad be yanyan u daken e ted ni desert, ni bangi ted nder par be’ riy ma ba gel e nifeng riy. Me par ni ir e ke mang yoror ngorad ma be ayuwegrad, ni bod feni t’uf lan mit rok.

Numbers 13:26

ngak Moses nge Aron nge urngin e girdi’ nu Israel ni yad bay u Kadesh u daken e ted u Paran. Miyad weliy ngorad e pin’en ni kar guyed, miyad dag ngorad wom’ngin e woldug ni kar feked ko re nam nem.

Numbers 10:12

me tabab piyu Israel ko milekag ni ngar chuwgad u lan fare gi ted u Sinai. Me yan fare gi manileng i gif nga daken e ted nu Paran.

Numbers 32:8

Er rogon e n’en ni rin’ pi chitmangimed u nap’an ni gu l’oegrad u Kadesh Barnea ni ngar lekagged e binaw.

Deuteronomy 1:7

mu puged e pi tent romed ngam marod. Marod ko binaw ko pi Amorite ni go’ burey, nge yungi nug nib chugur ngaram, ni aram e loway nu Jordan, nge binaw ni go’ burey nge binaw nib sobut’ nga but’, nge gi nug ni bay ko yimuch, nge yan i mada’ nga dep’eday ko Mediterranean. Marod ko nam nu Kanaan mi gimed yan nga ba’nem e burey ni Lebanon ngam mada’gad ko fare lul’ ni ba ga’ ni Eufrates fithingan.

Deuteronomy 1:20

mug ga’ar ngomed, ‘Chiney e kam tawgad nga Amor ni go’ burey ni tafen e pi Amorites, I SOMOL ni Got rodad, gad ma dab mu rusgad.’

Deuteronomy 2:7

“Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Numbers 14:14

ma yad ra weliy ngak e girdi’ ni be par ko re nam ney. Ya girdi’ ko re nam ney e kar rung’aged ni gur SOMOL e ga bay romad, ni ga ma m’ug ngomad ko ngiyal’ nra yib i tal fa gi manileng rom u puluwmad ngalang, ma ga m’on romad ni ga bay u fithik’ bang i manileng nib k’iy ngalang ni rran, ma nep’ e ba nifiy nib k’iy ngalang.

Joshua 10:41

Joshua nge pi salthaw rok e ra maelgad u Kadesh Barnea ni bay ko yimuch u Gaza u to’oben e day, nib mu’un gubin yang u Goshen ngay, ranod ko lel’och ngar mada’gad nga Gibeon.