Daniel 9:7 - Bible Ni Thothup

⁷ I gur SOMOL, e gubin ngiyal’ ni ga be par ni gab mat’aw, ma gamad gubin ni kafaram i yib ni ug ngongliyed e ngongol ni ngan tamra’ ngay, ni girdi’ ni i par u lan yu Judea ngu Jerusalem, nge urngin piyu Israel ni kam weregrad u lan e pi nam nib chugur nge tin nib mal’af ni bochan e da ur yul’yul’gad ngom.

Daniel 9:7 Referans Kwoze

Daniel 9:14

Gur SOMOL ni Got romad e mpar ni kam fal’eg rogom ni ngam gechig nagmad, ma ga rin’, ya gubin ban’en ni ga ma rin’ e bmat’aw, ya gamad e da gu folgad ko tin mog.

Daniel 9:8

Pi pilung romad, nge pi’in ni ur gagiyeg niged gamad, nge pi chitamangimad kakrom e ur ngongliyed e ngongol ni ngan tamra’ ngay mu ur denengad nib togopluw ngom i gur Somol.

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Psalms 44:15

Gubin ngiyal’ nib m’ayfag; ku gum’ ko tamra’

Deuteronomy 4:27

I SOMOL e ra weregmed ko pi nam i yan, ri’in i gimed e ra magach nib fos.

Roma 6:21

Ere be mang e ren’en ni bfel’ ni yib ngomed ko pin’en ni um ngongliyed ni gimed be tamra’ ngay e chiney? Wenegan e pin’em nma yib e yam’!

Amos 9:9

“Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay.

Ezekiel 36:31

Bay yib ngan’med pangimed nib kireb nge tin tagan ni um ngongliyed, mi gimed dabuymed ni bochan e denen romed nge kireb ni um rin’ed.

Ezekiel 16:63

Mu gu n’ag fan u wun’ug e kireb ni kam rin’, machane bay i yib ngan’um nge gelnag e tamra’ rom ni mus nga langam ma dakiyag nim pithig.” I SOMOL ni Th’abi Tolang e keyog e pi thin ney.

Jeremiah 24:9

Bay gu girengiy ba riya’ nga dakenrad ni urngin e nam nu fayleng e bay rrusgad ngay. Girdi’ e bay i gosgos ngorad, ma yibe moning nagrad, ma fithinganrad e bayi mang ba yaba’ u gubin yang ni ku gu weregrad riy.

Jeremiah 12:1

“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?

Isaiah 45:16

Pi’in yad ma ngongliy e liyos e yad gubin ni bay ra tamra’gad; yad gubin ni bay ni darifan nagrad.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Psalms 119:137

SOMOL, gur e ga ba mat’aw, ma pi motochiyel rom e ba mat’aw.

Psalms 51:14

Got, ni gur e ta’ayuw rog, mu ayuweg e pogofan rog, mu gu weliy ngak e girdi’ fanam mat’aw.

Psalms 51:4

Kug denen nib togopluw ngom, ni kemus ni gur e ba togopluw ngom, ma kug rin’ e tin nib kireb u wun’um. Ere mmat’aw ni ngam pufthin nigeg, bay mat’awum ni ngam turguy e gechig rog.

Nehemiah 9:33

Mmat’aw e tin mu rin’ ko gechig ni mpi’ ngomad; um par ni gab yul’yul’ ngomad, ni yug aram rogon ni gamad be denen.

Ezra 9:13

Machane nga tomuren urngin e n’en ke buch romad ni gechig ko denen nge kireb romad, ma gamad manang ni gur, ni Got romad, e ka mu gechig nagmad nib waer mirin nga rogon ni susuna nge aw ngomad, ma ka mu taymad ni kagmad bfos.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Ezra 9:15

SOMOL ni Got nu Israel, ri gab mat’aw, machane ka mu pag bochi gamad ke par nib fos. Gamad be weliy e kireb romad ngom; dariy mat’awmad ni nggu bad nga p’eowchem.”

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Jeremiah 33:16

Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’

Ezekiel 6:12

Pi’in yad bay u orel e bay ra m’argad ngarm’ad; ma pi’in yad ba chuchugur e bay ram’ad u fithik’ e mael; ma pi’in nra fosgad e bayi math e pogofan rorad ni bilig. Ma bay ra thamiyed ga’ngin gelngin e damumuw rog.

Daniel 9:18

Got, mu telim ngomad; mu sap ngomad ngam guy e gafgow ni kug pired nga fithik’ nge gafgow nike tay fare binaw ni kan tunguy fithingam ngay. Gamad be meybil ngom ya ga ma runguy e girdi’, ma gathi bochan e kug rin’ed e tin nib mat’aw.

Jeremiah 4:17

ma bay rabad ra longbiyed yu Jerusalem ni bod e pi pumo’on ni yad ma matanagiy bang i flang, ni bochan e girdi’ riy e kar togopluwgad ngak SOMOL. I SOMOL e be non.

Jeremiah 7:19

Gur, ri gag e yad be gafgow nigeg? Danga’; yad e yad be gafgow nagrad, ma yad be fek e tamra’ nga dakenrad.

Jeremiah 32:32

ni bochan urngin e kireb nike ngongliy e girdi’ nu Judah nge yu Jerusalem, nib mu’un e pilung nge pi’in yad ma gafaliyrad, nge prist nge profet ngay.

Ezekiel 5:10

Ma wenegan nra yib riy e pi galibthir nu Jerusalem e bay ur longyed pifakrad, ma bitir e bay ur longyed e galibthir rorad. Bay gu werwereg u gubin yang e pi’in ni magach ni kub fos.