Daniel 9:17 - Bible Ni Thothup

¹⁷ Got, mu rung’ag e meybil rog nge wenig ni gu be tay ngom. Mu fulweg nga rogon e Tempel rom ni kan gothgothay; mu fulweg nga rogon ya nge nang urngin e girdi’ ni gur e Got.

Daniel 9:17 Referans Kwoze

Psalms 80:19

SOMOL ni Got ni Gubin ma Rayag Rok, mu fulwegmad. Mu dag e runguy rom ngomad, ya nge dabi buch ban’en romad.

Lamentations 5:18

ni bochan e burey ni Zion e kann’ag ke par ni go’ ir, pilis ni malboch e be gurul u fithik’ e tin ke mogothgoth.

2 Korinth 1:20

ya ir e aram e “Kefel’ ” rok Got ngak urngin ban’en ni yog Got ni bay rin’ ngak e girdi’. Ireray fan nu daken Jesus Kristus e ka dogned e “Amen” rodad riy, ni aram e gadad be tayfan Got.

Psalms 80:7

Got ni Gubin ma Rayag Rok, mu fulwegmad! Mu dag e runguy rom ngomad, ya nge dabi buch ban’en romad!

Psalms 80:3

A Got, mu fulwegmad! Mu dag e runguy rom ngomad, ya nge dabi buch ban’en romad!

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.

John 16:24

Ka faram i yib ke mada’ ko chiney ma dawor mu ninged ban’en u fithingag; ere mu ninged me yag ngomed nge yan i aw ngarogon e felfelan’ romed.”

Daniel 9:19

Somol, mu rung’ag e meybil romad. Somol, mu n’ag fan u wun’um e kireb romad. Somol, mu telim ngomad ma ga ngongol nge nang urngin e girdi’ ni gur e Got, dab mu sowath. Re binaw ney nge girdi’ riy e mmil suwon ngom.”

Psalms 119:135

Moy, mu par ngog ni ka mu fal’eg wa’athag ma ga fil ngog e pi motochiyel rom.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

Psalms 67:1

Got, nge wurngan’um ngomad, ma ga fal’eg wa’athmad; mu changar ngomad u fanam gol,

Psalms 4:6

Me yo’or e girdi’ ni nge meybil ni be lungurad: “SOMOL, kum fal’eg’ boch wa’athmad. Mu changar ngomad u fithik’ e runguy!”

Nehemiah 1:6

SOMOL, mu changar ngog ngam telim ko meybil rog ni gu be tay ni rran nge nep’ ni fan ngak e tapigpig rom ni er yu Israel. Nggog ngom ni gamad piyu Israel e gamad be denen. Pi chitamngig ni kakrom e ur denengad ma ku er rogog.

Isaiah 48:11

N’en ni gu be rin’ e ku gu rin’ ni fan ngog — dab gu pag fithingag ngan m’aynag fan ara gu pag be’ nge fanay boch bugwag nib milfan ngog ni go’ gag ngay.”

1 Kings 8:28

SOMOL ni Got rog, mu telim ko meybil rog nge n’en ni gu be wenignag ngom; mu rung’ag lamag nge thin ni gu be wenignag ngom e daba’.

Psalms 67:2

ya nge nang e fayleng ni polo’ e tin nib magan’um ngay, me nang urngin e pi nam e ayuw ni ga ma pi’!

Psalms 74:3

Man u daken gubin e tin ke mogothgoth’; pi to’ogor romad e kar gathayed gubin ban’en u Tempel.

Psalms 80:4

SOMOL ni Got ni Gubin ma Rayag Rom, bu uw n’umngin nap’an, ni ngam par ni gab damumuw ko pi meybil rok e girdi’ rom?

Lamentations 3:56

Ma nap’an e gu wenig nag ngom ni ngam rung’ag e meyor rog, ma ga rung’ag.