Daniel 8:8 - Bible Ni Thothup

⁸ Ma re kaming nem e be munmun ma be gel e tolngan’ rok nge ufanthin, machane nap’an ni yan i taw nga gelngin fare kaming me m’ing fare gagey rok. Me yib i for aningeg e gagey ni ba ga’ u luwan, nra reb ma gin ba sor ngay.

Daniel 8:8 Referans Kwoze

Daniel 7:2

ni tin ni gguy u malik’ay e re nep’ i n’em. I thow e nifeng nge yib u gubin yang nge pug e day,

Revelation 7:1

Ma fa’ani mu’ e biney mu gguy aningeg i engel ni yad ba sak’iy ko fa aningeg i tabthung nu fayleng, ni kar taleged fa aningeg i nifeng nu fayleng, ni bochan e nge dabki thow e nifeng u daken e fayleng, ara u daken e day, ara nga daken ba ke gek’iy.

Daniel 8:22

Fa aningeg i gagey ni fa’ani yib i bogor ko fa ngiyal’ ni ba’aram ni m’ing e bin som’on e gagey e re nam nem nni guruynag nge par ni aningeg guruy nra reb e pilung ma be gagiyegnag bang, machane dabiyag ni nge ta’reb gelngirad ko fa bin som’on e pilung ni i gagiyegnag fare nam ni polo’ ko som’on.

Daniel 8:5

Nap’an ni ku gu be leamnag ko mangfan e ren’em, me yib ba kaming ni pumo’on u lan e ngal ni be mil, ni be yan nrib machreg ndakir math ay nga but’. Ma bay ta’ab gagey nib ga’ u thilin owchen.

Daniel 5:20

Ma bochan e tolngan’ me ufanthin me gelan’, me gafgownag e girdi’, min chuweg ko pilung nge dakun tay fan.

2 Kronicles 26:16

Machane nap’an ni par Uzziah ni Pilung nike gel gelngin me tolngan’, ma aram tapgin me mul pa’ ko pilung. I dariyfannag SOMOL ni Got rok ni bochan e yan ngalan fare Tempel ni nge urfiy e incense u daken fare altar ko incense.

Mark 13:27

Ma bayi l’oeg e pi engel rok ngar kunuyed girdi’en Got nike mel’eg Got u lan e aningeg yangi n’en u fayleng ni ir e ma thow e nifeng riy u baraba’ e fayleng nge yan i mada’ nga baraba’.”

Matthew 24:31

Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Daniel 11:4

Ma nap’an nra yan i tun gelngin, me wear e gin be gagiyegnag nge par ni aningeg guruy. Ma pi’in owchen e gathi yad e bay ur gagiyeg niged. Ya yugu boch e girdi’ e bay rabad nga luwan ngu’ur gagiyeggad, machane dabiyag ni nge yan i par gelngirad ni bod ir.

Daniel 7:6

Ku gu be changar mu gguy yugu reb e gamanman ni bod ya’an ba leopard, ni aningeg pon ni bay u daken keru’, ni bod pon e arche’, ma aningeg lolugen. Ma ka ni pi’ gelngin ni nge gagiyeg.

Daniel 4:31

Nap’an ni ka be welthin, me non ba lam u lanelang ngak ni be ga’ar, “Nebukadnezzar ni Pilung, mu telim ko tin ni nggog. Gagiyeg ni ga be tay e ka ni fek u pa’am e chiney.

Ezekiel 28:9

Nap’an ni yad ra yib ni ngar li’ed gur, ma kag ra yog ni gur reb e got? Nap’an ni ga ra sabliy e pi’in ngar thanged e pogofan rom, ma gab girdi’ gathi gur reb e got.

Ezekiel 16:7

Mu gu chothowliyem ngam ilal ni bod bake gek’iy nib dammal. Mu ilal ngam n’uw ngam rugod. Me yib thuthum ni rib fel’ i chamey, ma ke n’un’uw piyan lolugem, machane dariy e upong u dakenam.

Jeremiah 5:27

Nri bod be’ nib tamun arche’ nike suguy tafen e arche’ rok ko arche’, naun rorad e ka ra sugyed ko chugom ni ur laegged. Aram fan nike gel gelingrad ma kefel’ rograd,

Ester 9:4

Go’ nnang u lan gil’ilngun fare pilung ni ngiyal’nem e ke ga’ lungun Mordekai u lan tafen e pilung ma ka be ga’ lungun i yan.

Deuteronomy 31:20

Bay gu fekrad ngalan e re nam nem nib madnom ma ba yong’ol e but’ riy, ni bod ni gu micheg ngak pi chitamangirad kakrom. U rom e rayag ngorad riy urngin e ggan ni yad ba’adag, ma bay ur pired ni bfel’ rogorad. Machane bay ra pi’ed keru’rad ngog ngu’ur tedfan yugu boch e got. Bay ra dabuyedgag miyad th’ab fare m’ag ni kug ngongliy u thilmad,

Jeremiah 49:36

Bay gu gagiyegnag e nifeng nib gel u gubin yang nge gad nga Elam, ma bay gu wereg e girdi’ riy u gubin yang, nge yan i par ni dakriy reb e nam ni dawri mil e girdi’ riy ngay.

Daniel 8:7

Mu gguy nike cham ngak fare saf ni pumo’on. Me aw ngak ni kari damumuw me t’ar fa gali gagey rok. Ma fare saf ni pumo’on e par nike m’ay gelngin, me thig nga but’ me par fare kaming ngak ngi i yot’yot’ nga but’. Ma dariy be’ nrayag rok ni nge ayuweg.