Daniel 8:27 - Bible Ni Thothup

²⁷ I gag Daniel e gu par ni gowa nchuchuyeg nga but’ mu gu par ni in e rran ni gub m’ar. Ma aram mu gu sak’iy nggu sul ko maruwel nike pi’ e en ni pilung ngog, machane gu par nike balyangan’ug ko tin ni kug guy ya de yag ni gu nang fan.

Daniel 8:27 Referans Kwoze

Daniel 7:28

Kemus murung’agen e tin ni gu guy. I gag Daniel e ri gu rus nge m’ay racha’en owcheg, machane mu gu tay rog ni gubin nda gu weliy.

Habakkuk 3:16

Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

Daniel 10:16

Ma aram e fare engel ni bod ya’an ba girdi’, e k’iyag pa’ nge math nga dap’il’ugunag. Mug ga’ar ngak, “Siro’, ran’ey nike pig e changar rog kug guy e ke me’waer nigeg ndabkiyag ni gu par ndab kug t’on.

Daniel 10:8

Mi ni pageg u rom ni go’ gag ngu’ug guy e pin’em, ni bogi n’en ni yira ngat ngay. Mu gu par ndakuriy gelngig ma ke pig owcheg ngabang ni dabki poyeg be’.

Daniel 8:7

Mu gguy nike cham ngak fare saf ni pumo’on. Me aw ngak ni kari damumuw me t’ar fa gali gagey rok. Ma fare saf ni pumo’on e par nike m’ay gelngin, me thig nga but’ me par fare kaming ngak ngi i yot’yot’ nga but’. Ma dariy be’ nrayag rok ni nge ayuweg.

Daniel 8:2

Yiggu dada’ ma gu bay u lan fare binaw nu Susa ni kan yororiy u lan e nug nu Elam. Ni ku gu sak’iy u charen e lul’ ni Ulai,

Daniel 5:14

Kug rung’ag ni kan nthothup ko pi got nib thothup e bay rom ma gab salap, ma gab llowan’, ma gab gonop.

1 Samuel 3:15

Me par Samuel u chob rok nge yan i mada’ ko kadbul; me suwon nge bing fapi mab ko fare naun rok SOMOL. Ma be rus ni nge weliy ngak Eli e tin ke weliy SOMOL ngak.

Daniel 4:19

Ma aram e Daniel (ni ku yima pining Belteshazzar ngak) e par nike magafan’ ndakiyag ni nge yog ban’en. Me ga’ar e en ni pilung ngak, “Belteshazzar, re lik’ay ney nge fan e dabi magafan’um ngay.” Me ga’ar Belteshazzar, “Pilung rog, re lik’ay nir nge fan e manga yigi par ni pi to’ogor rom e fan ngorad.

Daniel 8:17

Me yib Gabriel i sak’iy nga chereg, me yib e marus ngog nib gel nggu thig nga but’. Me ga’ar ngog, “Fak e girdi’, ngam nang fan e tin kam guy, ya be yip’ fan e pin’en bay yib ko tomuren e fayleng.”