Daniel 7:14 - Bible Ni Thothup

¹⁴ Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Daniel 7:14 Referans Kwoze

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Daniel 7:27

Gelngin nge buguwan nge gagiyeg rok e pi pilung nu fayleng e bay ni pi’ ngak e girdi’ rok fare Got ni Ir e Th’abi Tolang. Gelngirad ni kar manged pilung e dabimus, ma urngin e pi pilung nu fayleng e bay ur pigpiggad ngorad ma yad be fol ko thin rorad.”

John 3:35

En ni Chitamangiy e ba t’uf Fak rok ma ke pag fan urngin ban’en ngak.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Hebrews 12:28

Ere ngad pininged e magaer ngak Got u lanin’dad ni fan e ke yag ngodad e gagiyeg rok Got ndabiyag ni nge rur. Ere ngad pininged e magaer ngak Got ma gadad liyor nge meybil ngak u fithik’ e tayfan nge mudugdag nrogon kanawo’en nra m’agan’ ngay;

Revelation 17:14

Bay ra chamgad ngak fare Fak e Saf; machane fare Fak e Saf nge pi’in ke piningrad nike mel’egrad, ni pi’in yad ba yul’yul’ ma yad be un ngak e bay ra gelgad ngorad, ya ir e Somol ko pi somol nge Pilung ko pi pilung.”

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Luke 1:33

ma bayi mang pilung rok e pi’in owchen Jakob ndariy n’umngin nap’an; ma gagiyeg ni nge tay e dariy n’umngin nap’an ma dabi math bi’id!”

Mikah 4:7

Kar pired ni kar marwoth gad ma yad ba orel ko nam rorad, machane bay gu tabab i gagiyeg nagrad bayay, ngar manged reb e nam nib gel. Bay gu par u daken e Burey ni Zion ngu’ug gagiyeg nagrad e ngiyal’nem i yan nga m’on ndariy n’umngin nap’an.”

Obadiah 1:21

Pumo’on ni falu’ nu Jerusalem e bay ra cham gad nga Edom ngar gagiyeg niged. Ma SOMOL e ir e bayi pilung.”

Daniel 3:4

Me welthin be’ ni ba ga’ lungun ni ga’ar, “Gimed e girdi’ u urngin e pi nam, nge pi racha’, nge pi thin!

Daniel 2:35

Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Isaiah 60:12

Ma pi nam ndab ur pigpiggad ngom E bay ni thirifrad u but’.

Psalms 146:10

I SOMOL e pilung ndariy n’umngin nap’an. Zion, Got rom e bay i gagiyeg ni gubin ngiyal’. Ngan pining e sorok ngak SOMOL!

Psalms 145:13

Gagiyeg rom e bayi par ndariy n’umngin nap’an, ma bay um par ni gur e pilung ndariy n’umngin nap’an. I SOMOL e ba yul’yul’ ko tin keyog nra rin’, ma bfel’ urngin e tin ma rin’.

Psalms 45:6

Fare lung nike pi’ Got ngom e ra par ni manechibog ko pichibog. Bmat’aw rogon ni ga ma gagiyegnag e girdi’ rom;

Psalms 8:6

Kam tayrad ni ngar gagiyeg niged urngin ban’en ni kam sunumeg, kam tayrad ni yad ba tolang ngak urngin ban’en:

John 12:34

Me fulweg fapi girdi’ ni aram urngirad ni lungurad, “Motochiyel rodad e be yog ngodad ni fare Messiah e ra par nib fos ndariy n’umngin nap’an. Ere mang ni kamog ni en ni Fak e Girdi’ e thingar ni tining ngalang? I mini’ e cha’nir ni Fak e Girdi’?”

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Daniel 7:18

Ma girdi’ ko fare Got ni Ir e Th’abi Tolang e bay yib gelngin ngorad nge par rorad ni dariy n’umngin nap’an.”

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Daniel 4:3

“Kad ngatgad ko pin’en ke dag Got ngodad! Pi maang’ang nma ngongliy e ri ba ga’! Bay i par Got ni ir e pilung ndariy n’umngin nap’an; ir e bay i gagiyeg ndariy n’umngin nap’an.

Psalms 102:22

ko ngiyal’ ni nge yib e pi nam nge pi lung nga ta’bang ni ngar liyorgad ngak SOMOL.

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

Revelation 1:6

ke ngongliydad kad manged ba nam i prist ni ngad pigpiggad ngak e Got rok ni Chitamngin. Ngan tayfan minog e sorok ngak Jesus Kristus, me ir e bay rogon ni nge mil suwon urngin ban’en ngak ndariy n’umngin nap’an! Amen.

Isaiah 16:5

Ma aram e reb e pi’in owchen David, e bayi mang pilung, ni bayi gagiyegnag e girdi’ ko yul’yul’ nge t’ufeg. Bayi gur ni nge rin’ e tin nib yal’uw’, me guy ni ngu’un rin’ e tin nib mat’aw.)

Daniel 2:37

I gur Pilung e th’abi ga’ u fithik’ gubin e pilung. I Got nu tharmiy e pilung nigem, me pi’ gelngim me tem ni ngu’um par nib sorom ma yibe ta’fam.

Psalms 103:19

I SOMOL e ke fal’eg tagil’ nga tharmiy; i ir e pilung ko gubin.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”