Daniel 4:9 - Bible Ni Thothup

⁹ I lungug ngak: Belteshazzar, ni gur e th’abi ga’ u fithik’ e pi’in yad ma weliy e yi’iy, gu manang ni leam ko pi got nib thothup e bay rom, ma urngin e tin nib mith nda nnang e go’ gamanang. Ba’aray e lik’ay rog. Mu weliy fan ngog.

Daniel 4:9 Referans Kwoze

Daniel 5:11

Ya bay ba mo’on u lan e gagiyeg rom ni bay e kan nthothup ko pi got nib thothup rok. Nap’an ni chitamam e ir e pilung, me m’ug ni re mo’on nem e be’ nib tamilangan’, ma ba llowan’, ma ba gonop ni bod feni gonop e pi got. Ma chitamam i Nebukadnezzar ni Pilung e tay ni ir e pilung rok e pi tamanbey, nge pi tamerong, nge pi llowan’, nge pi’in yad ma bon ko t’uf.

Daniel 2:48

Ma aram me tay Daniel nga reb e liw nib tolang, me pi’ e tow’ath ngak ni pire’ ma rib fel’ me tay ni nge mil fan e nug nu Babylon ngak, me tay ni ir lolugen urngin e pi tafnow rok e en pilung.

Daniel 4:8

Ma aram me yib Daniel (ni ku bay reb i fithingan ni Belteshazzar, ni aram fithingan e birog e got), ma leam ko pi got nib thothup e bay rok, ma aram mu gu weliy ngak e lik’ay rog.

Daniel 4:5

Machane mu gu tay ba lik’ay ni gu rus ngay, ya gguy bogi ban’en nrib tamdag ya’an ko ngiyal’ ni gu be mol.

Daniel 1:20

Demturug e tin nra fith e en ni pilung, fa ban’en nib mo’maw’ ni nga ni gonopiy rogon, me pir’eg ni aningeg i pagel nem e gonap’an e ragag yay ni kab tamilangan’rad ko pi tamanbey nge pi tamerong ko nam rok ni ga’ngin.

Ezekiel 28:3

Leam rom e gab llowan’ ngak Danel, ndariy ban’en nrayag i mithag rom.

Genesis 41:38

me ga’ar Farao ngorad, “U uw e gomanga gadad ra pir’eg reb e mo’on riy ni bod e cha’ney, ni bay gelngin Got rok?”

Daniel 4:18

Me ga’ar Nebukadnezzar ni Pilung, “Irera’ fare lik’ay ni gu tay. Ere gur Belteshazzar, e ngam weliy fan ngog e chiney. Pi tafnow ni gamad ma puruy’ e dariy bagayad nrayag rok ni nge weliy ngog, machane gur e rayag rom, ya gonop ko pi got nib thothup e bay rom.”

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Isaiah 33:18

Marus ni um ted ni bochan girdi’en yugu boch e nam ni ur feked e tax u pa’med nge pi damit e bayi par ni kemus ni ban’en ni kabay u wun’med.

1 Samuel 4:8

Mini’ e ku rayag rok ni nge ayuwegdad u pa’ e pi got nem nrib gel? Ya yad fapi got nra li’ed piyu Egypt u daken e ted ni desert!

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

Ezekiel 17:23

u daken e re burey nth’abi tolang nu Israel. Ra sum papa’ngin me k’uf ngeb wom’ngin me par nib ke gek’iy ni cedar ni bfel’ ya’an. Gubin mit e arche’ nra toy tafen nga ran’ miyad pir’eg e taglul’ u fithik’ i pa’ngin.