Daniel 3:8 - Bible Ni Thothup

⁸ Me yib tapgin me fel’ rogon boch e girdi’ nu Babylon ni ngar adaw niged fapi Jew.

Daniel 3:8 Referans Kwoze

Acts 28:22

Machane gamad ba’adag ni nggu rung’aged rom e tin ni ir e ga be leamnag, ya gamad manang ni urngin yang ma be non e girdi’ riy nib togopluw ko re raba’ i girdi’ nem ni gab mu’un ngay.”

Daniel 2:10

Me ga’ar fapi tafnow ngak, “Pilung, dariy be’ u fayleng nrayag rok ni nge weliy ngom e tin ni ga ba’adag ni ngam nang. Dariy reb e pilung, ni mus ngak e en nth’abi tolang nge th’abi gel ni ka’ yog ngak e pi tamanbey, nge pi tamerong, nge pi llowan’ rok ni ngar rin’ed ban’en ni er rogon.

Ester 3:6

ma nap’an niki nang ni Mordekai e ba Jew me duwgiliy ni gathi go’ Mordekai e nge gechignag. Me leamnag ni nge thang mit gubin e Jew ni bay u tan e gagiyeg rok yu Persia.

Daniel 1:4

Ni dabisiy ni bogi pagel nib picho’ay ndariy bang u dowrad nib tagan, ma ba tamilangan’rad, ma bfel’ e sukul ni kan tay ngorad, ma yad ba lichow, nrayag rorad ni ngu’ur pigpiggad u tafen e en ni pilung. Mi Ashpenaz e nge fil ngorad rogon i be’eg e babyor nge rogon ni yima yoloy e thin nu Babylon.

Daniel 2:2

Me pi’ e thin nge yan ngak e pi tamanbey rok, nge pi tamerong, nge pi’in nma pig, nge pi llowan’ ni ngarbad ngar weliyed fan e re lik’ay rok nem. Fa’an rabad ra sak’iygad nga p’eowchen e en ni pilung,

Daniel 3:7

Ma aram e nap’an ni yu guyad ra rung’ag lingan e musik, ma urngin e girdi’ ko pi nam, nge pi racha’, nge pi thin nra siro’gad ngar ted fan fare liyos ni gol ni yog Nebukadnezzar ni Pilung ni ngan suweg ngalang.

Daniel 4:7

Me yib urngin e pi tamanbey ngog, nge pi tamerong, nge pi llowan’, nge pi’in yad ma bon ko t’uf, mu gu weliy e lik’ay rog ngorad, machane de yag rorad ni ngar weliyed fan ngog.

Daniel 6:4

Ma fa galicha’ ni yow ma guy e maruwel ko fapi tafanow nge pi governor ra guyed rogon ni ngar pir’eged ban’en ni thibngin Daniel u rogon ni be tay murung’agen ga’ngin e gin ma gagiyegnag fare pilung. Machane dar pir’eged thibngin ara ban’en nike kirebnag, ya ma par Daniel nib yul’yul’ ma der ngongliy ban’en nib oloboch ara ba kireb.