Daniel 3:19 - Bible Ni Thothup

¹⁹ Mri damumuw Nebukadnezzar me row owchen nike damumuw ngak Shadrak nge Meshak nge Abednego. Me yog ngak e salthaw rok ni ngar gel niged e nifiy u lan fare tafen e nifiy ni medlip yay gelngin e gowel ni nge mun ngay.

Daniel 3:19 Referans Kwoze

Daniel 3:13

Mri damumuw fare pilung me yog ni nga ni fek fa dalip i pumo’on i yib nga p’eowchen.

Levitikus 26:24

me Gag e gu ra cheal nggu togopluw ngomed ma gu ra gechig nagmed ni medlip yay nib gel ko kafram.

Proverbs 21:24

Mu dag be’ ngog nib ufanthin ma bay gu dag be’ ngom nib tolngan’, ma ba yowlop, ma ba fel’ngak.

Levitikus 26:28

ma aram e bay gu sap ngomed u fithik’ e damumuw rog, mu kug gelnag e gechig ngomed ni medlip yay nib gel boch ko kafram.

Acts 5:33

Ma fa’ani rung’ag girdi’en fare ulung e re bugithin ney me ri gel e damumuw ngorad, miyad duwgiliy ni ngan thang e pogofan rok fapi apostel.

Daniel 5:6

Me pig owchen ngabang nike yib e marus ngak nib gel ngi i chachafin bugun.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Levitikus 26:21

“Ma fa’anra kigmed be gelan’ i yan ni dab mu folgad rog, ma aram bayay ni ku bay gu yo’ornag e gechig romed ni ku medlip yay.

Levitikus 26:18

“Ma fa’anra nga tomuren nike buch e pin’ey ma ku damur folgad rog, ma bay gu yo’ornag e gechig romed ni medlip yay.

Acts 7:54

Nap’an ni be motoyil girdi’en fare ulung ngak Stefen me ri gel e damumuw rorad ngak ngu’ur wochariyed nguwelrad ngak u fithik’ e damumuw.

Daniel 6:24

Me yog fare pilung ni urngin fapi girdi’ nrabad ra adaw niged Daniel ngak e ngan uneg e ppin rorad ngorad nge pifakrad nga nin’rad ngalan fare low ni tafen e layon. Dawor ra awgad nga t’ay e low me og e layon ngorad nge tet’ar urngin e yil u dowrad.

Isaiah 51:23

Bay gu pi’ ngak e pi’in ku ur gafgow niged gimed, ni fapicha’ ni yad e ur gagiyeg niged gimed ngu’um thiggad nga but’ u lan yupa’ i kanawo’ mu’un yot’yot’med nga but’ ni gowa gimed e rungdu’.”

Proverbs 16:14

Be’ nib gonop e ma guy rogon ngi i par fare pilung nib felfelan’; ya fa’anra damumuw fare pilung ma rayag ni nge yim’ be’.

Ester 7:7

Me sak’iy fare pilung ni kari damumuw ngalang, nge chuw u lan fare senggil, nge yan nga wean ngalan e milay’. Ma kenang Haman nike t’ar fare pilung u wan’ ni nge gechignag ni fan e ren’ey, ma aram me par nde yan nga wean ni nge wenig ngak Queen Ester ni nge ayuweg e pogofan rok.

Genesis 31:2

Ma ke guy ni cha’anem i Laban e gathi rikabgol ngak ni bod ko som’on.

Daniel 2:12

Me ri damumuw e en ni pilung ngorad ko ren’em me yog ni ngan thang e pogofan rok urngin e pi tafnow rok e en pilung.

Daniel 3:20

Me yog ngak e pi’in nth’abi gel ko salthaw rok ni ngar m’aged fa dalip i pumo’on ngron’edyad ngalan fare tafen e nifiy ni be daramram.

Ester 3:5

Nap’an ni nang Haman ni der ragbug Mordekai nga but’ nge siro’ ngak mri damumuw,