Daniel 2:11 - Bible Ni Thothup

¹¹ Pilung, tin ni ga be yog ni nggu rin’ed e rib mo’maw’ ndariy be’ nrayag rok ya kemus ni pi got e rayag rorad, machane darir pired u fithik’ e girdi’.”

Daniel 2:11 Referans Kwoze

Daniel 5:11

Ya bay ba mo’on u lan e gagiyeg rom ni bay e kan nthothup ko pi got nib thothup rok. Nap’an ni chitamam e ir e pilung, me m’ug ni re mo’on nem e be’ nib tamilangan’, ma ba llowan’, ma ba gonop ni bod feni gonop e pi got. Ma chitamam i Nebukadnezzar ni Pilung e tay ni ir e pilung rok e pi tamanbey, nge pi tamerong, nge pi llowan’, nge pi’in yad ma bon ko t’uf.

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

John 14:23

Me fulweg Jesus ngak ni ga’ar, “En ni gub t’uf rok e ra fol ko thin rog. Ra t’uf rok e Chitamag, ma Chitamag nge gag e gamow ra yib ngak nggu pirew rok.

John 14:17

Ir fare Kan ni Thothup, ni ir e bayi tamilangnag e tin rriyul’ u murung’agen Got. Ma girdi’ nu fayleng e dabiyag ni nge yag ngorad, ya dabiyag ni ngar guyed ara ra nanged ir. Machane gimed e gimed manang ir, ni bochan e bayi par romed ngi i par u fithik’med.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

Matthew 19:26

Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e urngin ban’en mrayag rok.”

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Exodus 29:45

Bay gu par u fithik’ e girdi’ nu Israel, ma bay gu mang Got rorad.

Genesis 41:39

Ma aram me ga’ar Farao ngak Josef, “Bochan e ke dag Got ngom urngin e pin’ir, me ere dakuriy be’ ni kab llowan’ fa kab gonop ngom.

Revelation 21:3

Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Psalms 132:14

“Irera’ e gin bay gu par riy ndariy n’umngin nap’an; irera’ e gin gu ba’adag ni ngu’ug gagiyegnag.

Psalms 68:18

Me yan ngalang ko gin nth’abi tolang, nike fek e pi’in ni kolrad me pi’ e pi tatogopluw e tow’ath ngak, I SOMOL ni Got e ra par u rom.

2 Kronicles 6:18

“Machane, Got, mog rayag rom ni ngarim par u roy u fayleng u fithik’ e pumo’on nge ppin? Mus ngalan e tharmiy ni ga’ngin ma dab mu taw nga langgin, ere bu uw rogon ma ga taw ngalan e re Tempel ney ni kug toy?

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

Numbers 35:34

Dab mu ta’ay niged e binaw ni gimed be par riy, ni ku aram e gin ni gu ma par riy; ya Gag SOMOL e gu ma par u fithik’ piyu Israel.”

Exodus 8:19

Me ga’ar fapi tapig ngak fare pilung, “Pi lal ney e ngongol rok Got.” Machane me gelnag fare pilung laniyan’, nde fol ko thin rok Moses nge Aron, ni bod rogon ni yog SOMOL.

Genesis 41:8

Ma fa’ani kadbul me par nike magafan’, me l’oeg e thin nge yan ngak urngin e pi tamerong nge pi’in ni gonop u Egypt ni ngarbad ngak. Me weliy ngorad e lik’ay rok, machane dariy bagayad ni yag rok ni nge weliy fan ngak.

Isaiah 47:12

Mu cha’riy urngin e pig rom nge bey; ni um muruwliy nnap’an ni ka gab bitir. Sana ra yib boch angin ngom; dabisiy nrayag ni nge tamdag e pi to’ogor rom ngay.

Daniel 4:4

“I gag Nebukadnezzar e ug par u tafnag u fithik’ e gapas nrib fel’ rogog.