Amos 9:14 - Bible Ni Thothup

¹⁴ Bay gu fulweg e girdi’ rog ko nam rorad. Ma bay ra ngongliyed rogon lan e pi binaw rorad ni kan kirebnag miyad par riy; bay ra yunged yungi milay’ ni grape ngu’ur unumed e wayin riy; bay ra yunged yung i woldug ngu’ur ked wom’ngin e tin yad be yung.

Amos 9:14 Referans Kwoze

Isaiah 61:4

Bay ra ubungyed bayay fapi binaw nike n’uw nap’an nike mogoth.

Jeremiah 30:3

ya bay ba ngiyal’ ni bayi taw ngay ni nggu fulweg e girdi’ rog ni piyu Israel ngu Judah. Bay gu fulwegrad ko fare but’ ni gu pi’ ngak e pi chitamangirad kakrom, ma bay i milfan ngorad bayay. I Gag SOMOL e gu be non.”

Jeremiah 30:18

Be ga’ar SOMOL, “Bay gu fulweg e girdi’ rog ko fare but’ rorad me yib e marnguy rog nga daken gubin e tabnaw; Jerusalem e bay ku ni ubung bayay, ma naun ko pilung riy e bay ku ni toy.

Ezekiel 28:26

Bay ra pired u rom ndabi buch ban’en rorad. Ma bay ur toyed e naun ma yad be ngongliy yung i milay’ ni grape. Bay ggechignag urngin e pi’in yad bbuguliyoror ni ur togopluwgad ngorad, me par yu Israel ni yad ba muduwgil. Ma aram e bay ra nanged ni Gag SOMOL ni Got rorad.”

Jeremiah 31:28

Ma rogon ni gu tayan’ug i pug ngalang, mu gu buthug, mu gu thirifrad u but’, mu gu kirebnag, mu ggiliwnag, e aram rogon ni bay gu yung mu gu sul nggu fal’eg rogon.

Isaiah 65:21

Girdi’ e bay ra toyed e naun miyad par u lan, ma gathi yugu be’ e bay yib i par ngay. Bay ra yunged e woldug ni grapes me fel’ rogorad u logowen, ma gathi yugu boch e girdi’ e bay ur unumed. Girdi’ rog e bayi n’uw nap’rad ni bod e gek’iy. Pin’en ni kar muruwliyed e ri bayi fel’ rogorad riy.

Psalms 53:6

Ri gu be meybil ni nge yib e ayuw u Zion nga Israel. Rra felfelan’ e girdi’ nu Israel ko ngiyal’ nra fal’eg Got rograd bayay!

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Ezekiel 16:53

Me ga’ar SOMOL ngak Jerusalem, “Bay gu gagiyegnag nge fel’ rogrow bayay — Sodom nge yochi binaw rok nge Samaria nge yochi binaw rok. Arrogon, kug ra fal’eg rogom boch.

Jeremiah 31:23

I SOMOL ni Gubin ma Rayag Rok, ni Got rok piyu Israel e be ga’ar, “Nap’an ni bay gu fulweg piyu Israel ko nam rorad, ma aram e bay rogned bayay u daken e nam nu Judah ngu lan e yochi binaw u rom ni bayi lungurad, ‘I SOMOL e nge fal’eg wa’athan fare burey nu Jerusalem nib thothup, ni fa gin nib thothup nma par riy.’

Zefaniah 1:13

Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Psalms 107:37

Ra woldug niged e yungi flang miyad yung e grape, ngar t’ared wom’ngin nrib yo’or.

Isaiah 60:4

Mu sap u to’obem i yan ngam guy e pin’en ni yibe rin’: Be mu’ulung e girdi’ rom ni ngar sulod nga taferad! Pifakam ni pumo’on e bay rabad u mal’af, Pifakam ni ppin e bay ni fekrad i yib nrogon e bitir ni yima fek.

Jeremiah 12:15

Machane tomuren ni ku gu chuwegrad, mra yib e runguy rog nga dakenrad; mug fulwegrad ni reb e nam nge reb ko but’ rok nge binaw rok.

Jeremiah 23:8

Machane bay ra mow niged ban’en nga fithingag ni gag fare Got ni gu be par ni gub fos ni gag e gu fek e girdi’ nu Israel nga wuru’ e nam ni bay ko lel’och, nge nga wuru’ e pi nam ni gu weregrad riy i yan. Ma aram e bay ra pired ko nam rorad.”

Jeremiah 24:6

Bay ug guyrad ma bay gu fulwegrad ko re but’ ney. Bay gu ubungirad ngalang ma dab gu buthugrad nga but’; gu ra yungrad ma dab gu pugrad.

Jeremiah 31:5

Ma aram e bay ku mu yunged yungi milay’ ni grapes u daken e flang nu Samaria, ma pi’in bay ra yunged e bay ra ked wom’ngin.

Jeremiah 32:15

I SOMOL ni Gubin ma Rayag Rok, ni fare Got rok yu Israel, e keyog ni naun, nge flang, nge milay’ ni grape e bay kun chuw’iy bayay u lan e re binaw ney.”

Jeremiah 32:37

I gag e nggu kunuy e girdi’ u gubin e nam ni gu weregrad riy u fithik’ e damumuw rog nib almarin, ni aram e nggu fulwegrad ngaray ngar pired ndariy ban’en nra buch rorad.

Jeremiah 33:7

Bay gu gagiyegnag yu Judah nge yu Israel nge fel’ rograd, ma bay gu fal’eg taferad nge bod ko som’on.

Ezekiel 37:21

Ma ga weliy ngorad ni Gag SOMOL ni Th’abi Tolang e bay gu chuweg e girdi’ nu Israel u lan e pi nam ni kranod ngay, bay gu kunuyrad mu gu fulwegrad ko nam rorad.

Jeremiah 16:15

N’en ni bay rin’ed, e bay ur mow gad nga fithingag ni fare Got nib fos ni fek e girdi nu Israel nga wuru’ ba nam ko lel’och nge nga wuru’ gubin e nam ni gu werweregrad riy. Bay gu fulwegrad ko nam rorad, ni fare binaw ni gu pi’ ko pi chitamangirad. I gag SOMOL e gu be non.”

Jeremiah 29:14

Aram rogon ni kugog, gimed ra pir’egeg ma gu ra fulwegmed ko nam romed. Bay gu kunkunuymed u urngin e nam nge urngin yang ni ug weregmed riy, ma bay gu fulwegmed ko fare but’ ni ba’aram ni gu fekmed riy nggu pi’med nga Babylon. I Gag SOMOL e gu be non.’

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Zefaniah 2:7

Girdi’ nra magey u Judah nib fos e bay ra pired ko binaw romed. Bay ra chugliyed e saf rorad u rom ma yad be mol u lan e naun rok yu Ashkelon. Fare SOMOL ni Got rorad e bayi par rorad nge ayuwegrad nge fel’ rogorad bayay.