Amos 9:11 - Bible Ni Thothup

¹¹ Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Amos 9:11 Referans Kwoze

Isaiah 16:5

Ma aram e reb e pi’in owchen David, e bayi mang pilung, ni bayi gagiyegnag e girdi’ ko yul’yul’ nge t’ufeg. Bayi gur ni nge rin’ e tin nib yal’uw’, me guy ni ngu’un rin’ e tin nib mat’aw.)

Psalms 80:12

Mangfan ni kam buthug e yoror riy? Chiney e gubin e girdi’ ni be yan u charen e rayag ni nge iring wom’ngin;

Isaiah 63:11

Machane me yib ngan’rad e kakrom, ni nap’an Moses ni tapigpig rok SOMOL, me lungurad, “Bu uw e chiney fare SOMOL ni ayweg fapi tagagiyeg rok e girdi’ rok nge chuwegrad u fithik’ fare day? Bu uw fare SOMOL ni pi’ e kan nthothup rok ngak Moses?

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Ezekiel 36:11

Bay gu yo’ornag e girdi’ nge garbaw. Bay mu yo’orgad nga rogon ni umed nsom’on, ma bay i yo’or pifakmed. Ma bay gu pagmed ngam pired u rom ni bod ni um pired ko som’on, ma bay ggelnag e fla’ab romed. Ma aram e bay mu nanged ni Gag fare SOMOL.

Ezekiel 17:24

Gubin kaen e gek’iy u lan fare nam nra nang ni Gag fare SOMOL. E kug th’ab nga but’ e yuke gek’iy nib n’uw kaen nge yag ni n’uw e tin nib achig e gek’iy. Bay gu mroraynag e gek’iy nib galunglung mug galunglungnag e gek’iy nike mroray. I Gag SOMOL e kugog e pi thin ney. Gu ra rin’ e n’en ni kugog ni bay gu rin’.”

Lamentations 5:21

SOMOL! Mu fulwegmad ngom, mfulwegmad! Mu sulweg nga gil’ e fla’ab romad ni kakrom.

Jeremiah 46:26

nggu pi’rad nga pa’ e pi’in yad ba’adag ni ngar thanged e pogofan rorad, ni aram i Nebukadnezzar ni Pilung nu Babylon nge fa raba’ i salthaw rok. Machane ra munmun ma ku ra yan i par e girdi’ nga Egypt bayay, ni bod kafram. I Gag SOMOL e kugog e pi thin ney.

Isaiah 5:5

“Ba’aray e n’en ni nggu rin’ ko re gi woldug rog ney ni grape. N’en ni ku gu yung nike mang yoror riy nib liyeg e bay gu chuweg, mu gu bilig nga but’ e yoror riy ni be rungrunguy, nge yib e gamanman ni malboch ngay ngi i kay ma be yot’yot’ nga but’.

BABYOR NI JOB 1:10

Kam par ni ga be yoror rok nge girdi’ nu tabinaw rok nge urngin ban’en ni bay rok. Ga be fal’eg wa’athan u urngin e tin be ngongliy, ma urngin e garbaw ni ka mu pi’ ngak e ke yo’or u daken e ted i yan.

Mikah 7:14

SOMOL, mu par ni ga bod ba tagafaliy e saf u puluwon e tirom e girdi’, ni fapi girdi’ ni gur e kam mel’egrad. Yug aram rogon ni yad be par u ted, ma bay e but’ nib yong’ol ni ba liyegrad. Mu pagrad ngranod ra abich gad nga Bashan nggu Gilead nib yong’ol, ni bod ni ur rin’ed kakrom.

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Jeremiah 30:9

Ma bayi mang gag SOMOL, ni Got rorad e bay ur pigpig gad ngog, nge be’ ni owchen David ni ir e bay gu pilungnag.

Psalms 143:5

Be yib ngan’ug fapi rran nike thumur; Gu be leamnag murung’agen gubin e tin kam rin’, gu be pugoran ngan’ug gubin e ngongol rom.

Psalms 89:40

Kam buthug e yoror nib liyeg e binaw rok, pi yoror rok ni fan ko mael e kam digey nib puth.

Numbers 24:18

Bayi gel ngak e pi to’ogor rok u Edom me tafnay e nam rorad, me par yu Israel ni be gel i yan.

Isaiah 58:12

Girdi’ ko tabinaw romed e bay ra toyed e pi naun nike puth kakrom, bay ra dimowgad bayay nga daken e pi def nike kakrom. Bay nnangmed ni gimed e girdi’ ni ka mu fulweged e yoror nga rogon, ma kam toyed bayay e pi naun ni puth.”

Isaiah 65:9

Bay gu tow’athnag puyu Israel, ni pi’in nib mu’un ko ganong rok Judah, ma pi’in owchrad e bayi milfan e pi burey rog ngorad. Girdi’ rog ni gu mel’eg, ni yad ma pigpig ngog e bay ra pired u rom.

Jeremiah 18:9

Ma reb e fa’anra gog ni nggu sunmiy ara gu ubung reb e nam ara reb e gagiyeg ko pilung,

Obadiah 1:17

“Machane daken e Burey nu Zion e ra mil bochiyad riy, ni aram e gin’en nra par nib thothup. Fapi girdi’ rok Jakob e bay ra tafnayed fare gi but’ nriyad e matawrad ni ngar tafnayed.

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.

Mikah 7:11

Gimed e girdi’ nu Jerusalem, ngiyal’ ni ngan ubung fare chabog ni yoror ko binaw bayay e be yib. Ra yan i taw ko ngiyal’nem ma bay ni ga’ nag e binaw romed.

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Zekariah 12:7

“I Gag SOMOL e bay gu pi’ gelngin e pi salthaw nu Judah ngar gelgad nsom’on, ya nge dab ni leamnag ni pi’in owchen David nge girdi’ nu Jerusalem e yad ba sorok boch ngak piyu Judah.

Zekariah 14:10

Fagi binaw ni ga’ngin ni mus u Geba ko lel’och, nge mada’ nga Rimmon ko yimuch e bay ni pacheg nge ta’reb foyen. Yu Jerusalem e bayi tolang ngak urngin e pi binaw nib liyeg. Fare binaw nu Jerusalem e tabab ko fare Garog ni Benjamin nge mada’ ko fare Garog ni Tabthung, ko fa gin ni immoy ba garog riy kakrom, miki yan ko fare Wulyang rok Hananel, nge mada’ ko fare n’en ni yima udiy e wayin rok e en pilung riy.