Amos 8:14 - Bible Ni Thothup

¹⁴ Ma pi’in nra mow gad nga fithingan fapi liyos nu Samaria, nma lungurad, ‘U fithingan fare got nu Dan’ ara ‘Fithingan fare got nu Beersheba’ — e pi girdi’ nem e yad ra aw nga but’ ma dab kur suwongad bayay.”

Amos 8:14 Referans Kwoze

Amos 5:5

Dab ku’um marod mu meybilgad nga Beersheba. Dab mu guyed rogon ngam pir’eged gag u Bethel, ya bayi m’ay yu Bethel nga bang. Dab kum marod nga Gilgal, ya girdi’ riy e kan turguy ni ngranod nga reb e nam ni kalbus.”

Deuteronomy 9:21

Mu gu fek e ren’em ni kam ngongliyed ni ban’en nrib gel e denen riy ni aram fare liyos ni wasey ni ya’an ba garbaw ni ka mu ngongliyed, mu gon’ nga fithik’ e nifiy. Mu gu t’et’ar ni nochiyang mu gu pirdi’iy nge par ni bod e fiyath, mu gon’ ngalan e lul’ ni yan ko burey nga p’ening.

Acts 9:2

me wenig ngak ni nge pi’ e babyor ngak ni nge weliy e re gi babyor nem murung’agen Saul ngak e girdi’ u lan e pi tafen e mu’ulung rok piyu Israel ni bay u lan yu Damaskus, ni fan e nge pir’eg u rom e pi’in yad be fol ko fare Kanawo’ rok Somol, ma nge yib mat’wun ni nge kolrad nge fekrad, ni pumo’on nge ppin, nge fulwegrad nga Jerusalem.

Acts 24:14

Ba’aray e tin ni ir: Gu ma meybil ngak fare Got rok e chitamangimad ni kakrom ni gu be fol ko fare Kanawo’ ni be lungurad e de riyul’. Machane ku errogon gag nib mich u wun’ug urngin ban’en ni kan yoloy ngalan e pi Motochiyel rok Moses nge pi babyor rok e pi profet.

Acts 19:23

Ireram e re ngiyal’ i n’en nib gel e wagey ntay u lan yu Efesus ni bochan e birok’ Somol e Kanawo’.

Acts 19:9

Machane boch i yad e ba gelan’, ma aram e de mich u wun’rad, miyad yog e thin nib kireb ni murung’agen rogon e Kanawo’ rok Somol nrogned u p’eowchen fare ulung ni polo’. Ma aram me pagrad Paul me fek fa pi’in gachalpen Jesus ngar uned ngak; ma gubin e rran ni ur weliyed e girdi’ murung’agen e pin’ey u lan tafen e mu’ulung rok Tyrannus.

Acts 18:25

Ka ni sukulnag ko birok’ Somol e Kanawo’, me weliy u fithik’ e pasigan’ e tin riyul’ ni murung’agen Jesus. Machane kemus ni manang nge mada’ ko tawfe ni i tay John.

Zefaniah 1:5

Bay gu thang mit e en ma yan ngalang nga daken e chigiy ko naun ngi i tayfan e y’al, pul, nge pi t’uf. Ma ku bay gu thang mit e pi’in yad ma meybil ngog miyad ma micheg ni yad ba yul’yul’ ngog, machane miyad cheal ngar pagedyad ngan yiblayrad u fithingan fare got ni Molek.

Amos 5:2

Israel nib fal e ke me’waer ke thig, Ma dabkiyag ni nge sak’iy bayay! Ke thig kan n’ag u daken e but, Dariy be ni ayweg nge suwonnag.

Hosea 13:16

Samaria e thingar ni gechignag ni be togopluw ngog. Girdi’ rok e bay yim’ u fithik’ e mael; pi bitir ni kab ran e bay ni garpay nga but’, ma ppin nib diyen e bay ni guchthuy yinrad.”

Hosea 13:2

Dartalgad ko denen ra ngongliyed ya’an boch e ban’en ko wasay ngu’ur tedfan — bogi liyos ko silber, ni girdi’ e leamnag rogon, ni pa’ e girdi’ e ni ngongliy ngay. Ma aram miyad ga’ar, “Ngan pi’ e maligach ngorad!” Mi i yan e girdi’ ngi i faray fapi liyos — ni bogi liyos ni bod ya’an e garbaw!

Hosea 10:5

Girdi’ ni yad ma par u lan e binaw nu Samaria e bay rrusgad ma bay ur yor niged fare garbaw nike thay u pa’rad nni ngongliy ko gol u Bethel. Yad nge fapi prist ni ur pigpiggad ko fare liyos e bay ra yor niged, bay ra dololoy’ niged ko ngiyal’ ni bay ni fathiy e gol ni aram fel’ngin u daken.

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Jeremiah 51:64

ma gog ni ngam ga’ar, ‘Irera’ e n’en ni bayi buch rok yu Babylon — bayi ligil ni dakriy e ngiyal’ nra for ngalang ni bochan fare riya’ ni nge pag SOMOL nga daken.’” Aray e gin ni mus e thin rok Jeremiah riy.

Jeremiah 25:27

Aram me ga’ar SOMOL ngog, “Mmog ko girdi’, ni Gag SOMOL ni Gubin ma Rayag Rok, ni Got nu Israel, e gu be yog ni ngar unumed nge taw ko ngiyal’ ni ka ra chinggad yad be sul’ugun, miyad aw nga but’ ndabkiyag nra suwongad, ni bochan e mael ni nggu pag nge yib nib togopluw ngorad.

Isaiah 43:17

I waliy baraba’ i salthaw ni pire’ ngarm’ad, ni baraba’ i salthaw ni pire’ ni yad ma yan u chariot nge os. Miyad thig nga but’ ma dakiyag rsuwongad, ni bod ba daramram u ba kindel ni math!

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Psalms 140:10

Mang e yigi mul e kol nga dakenrad; mang e yi gu nin’rad ngalan ba low ni dabkiyag ni ngar sulod ngalang.

Psalms 36:12

Mu guy e gin ke aw e girdi’ ni kireb ngay. Ni kar thiggad riy ni dakiyag e suwon rorad.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

2 Kings 10:29

Machane miki rin’ e denen ni bod Jeroboam ni Pilung, i waliy yu Israel nga fithik’ e denen ko tayfan ni un tay ngak fapi ya’an pifak e garbaw ni pumo’on ni ngongliy ko gol ni suweg u lan yu Bethel ngu Dan.

1 Kings 16:24

ma aram me chuw’iy fachi burey nu Samaria nga 6,000 yang e silber rok fare mo’on ni fithingan e Shemer. Me yororiy Omri fachi burey, me ubung bochi binaw u rom, me tunguy fithingan ni Samaria, ni aram e bod fithingan Shemer, ni facha’ ni immoy ni tafen e chi burey nem.

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

1 Kings 12:32

Miki duwgiliy Jeroboam ni rofen ni ragag nge lal ko pul ni meruk e ngu’un madnomnag ba madnom ni bod ni yima rin’ u Judah. Me pi’ e gamanman ni maligach u daken e altar u Bethel ngak fa gal liyos ni gol ni ir e ngongliy ni ya’an e garbaw. Me tay e pi prist ngaram nga Bethel ni ngu’ur pigpiggad ko fa yungi n’en nike ngongliy e altar riy.

Deuteronomy 33:11

SOMOL, mu ayuweg e ganong rorad ngu’ur pired ni yad ba gel; wenig ngom, nge fel’ u wun’um e pin’en ni yad be rin’. Mu thirif e pi to’ogor rorad u but’ ni urngin, nge dabkiyog nra sak’iygad bayay.”

Isaiah 24:20

Fayleng e ra thigthig ni bod be’ nib ching, ni be un ko nifeng ni bod bochi ta’ang u tan e yoko’. Fayleng e ke tomalnag e pi denen; bayi aw nga but’ ni dakriy e ngiyal’ nra suwon.

Mikah 1:5

Urngin e pin’ey ni bay yib ya girdi’ nu Israel e kar denen gad ma kar togopluwgad ngak Got. I mini’ e ba kireb e rok ko togopluw ni be tay piyu Israel? Yu Samaria, ni aram e tochuch ko fare gi nam. I mini’ e kireb rok ni yibe tayfan e liyos u Judah? Yu Jerusalem!

Proverbs 24:16

Demturug urngin yay nra paraw e girdi’ nib yul’yul’, ma gubin yay ma kuyad ra sak’iy; machane riya’ e ma thang mit e pi’in kireb.

Amos 5:1

Mu telmed, piyu Israel, ko re tangin e gum’eyag ni ba’aray ni gu be yin’ ni fan ngomed: