Amos 7:13 - Bible Ni Thothup

¹³ Ngam tal ndab ku um yi’iy u roy u Bethel. Ya irera’ e gin ma meybil e en ni pilung riy, ni tempel ko nam.”

Amos 7:13 Referans Kwoze

Amos 2:12

Machane gimed e mu suryed e pi nazirite ngar unumed e wayin, mi gimed gelnag e thin ngak e pi profet ni nge dab kur weliyed e thin rog.

1 Kings 12:32

Miki duwgiliy Jeroboam ni rofen ni ragag nge lal ko pul ni meruk e ngu’un madnomnag ba madnom ni bod ni yima rin’ u Judah. Me pi’ e gamanman ni maligach u daken e altar u Bethel ngak fa gal liyos ni gol ni ir e ngongliy ni ya’an e garbaw. Me tay e pi prist ngaram nga Bethel ni ngu’ur pigpiggad ko fa yungi n’en nike ngongliy e altar riy.

1 Kings 12:29

Me tay reb fa gal liyos ni gol nga Bethel me tay reb ngalan yu Dan.

1 Kings 13:1

Me yog SOMOL ngak ba profet nu Judah ni nge yan nga Bethel, me yan ma nap’an ni taw e ngaram mab sak’iy Jeroboam ko fare altar ni nge pi’ e maligach.

Acts 5:40

Miyad pining fapi apostel ngarbad ngalan fare senggil, min toyrad nge mu’ mi ni motochiyel ngorad ndab ku ra weliyed murung’agen nge fithingan Jesus bayay; ma aram miyad pagrad ngranod.

Acts 5:28

“Kug ted chiylen ngomed ndab kum machib niged fithingan nge murung’agen e re mo’on nem; machane amuguyed aray e n’en ni kam rin’ed! Kam wereged e tin ni gimed be machibnag u gubin yang u Jerusalem, ma gimed ba’adag ni ngan leamnag ni gamad e gu warod u murung’agen ngan li’ ngem’!”

Isaiah 30:10

Krogned ngak e pi profet ni ngar th’abed gulungrad. Ke lungurad ngorad, “Dab ku mu weliyed ngomad murung’agen e tin nib mat’aw. Mu weliyed ngomad e n’en ni gamad ba’adag ni ngug rung’aged. Dab mu weliyed ngomad e tin riyul’.

Amos 3:14

Chirofen ni gu ra gechignag e pi girdi’ nem nu Israel ni bochan e denen rorad, e bay gu kirebnag fapi altar rok Bethel. Fapi gagey ko tabthung ko pi altar nem e bay nt’ar nge puth nga but’.

Amos 5:5

Dab ku’um marod mu meybilgad nga Beersheba. Dab mu guyed rogon ngam pir’eged gag u Bethel, ya bayi m’ay yu Bethel nga bang. Dab kum marod nga Gilgal, ya girdi’ riy e kan turguy ni ngranod nga reb e nam ni kalbus.”

Amos 7:9

Yungi n’en ni be meybil e pi’in ni owchen Isak riy e bay ni kirebnag. Ma yungi n’en nib thothup ni bay u Israel e bay ni kirebnag. Bay gu museg e tabnaw rok Jeroboam ni Pilung ko gagiyeg.”

Amos 7:16

Ere mu telim ko tin keyog SOMOL. Kam weliy ngog ni nggu tal ndab kug yi’iy, ma dab kug machib nib togopluw ngak e girdi’ nu Israel.

2 Kings 14:24

Me denen nib togopluw ngak SOMOL, ni i falwok ko kireb ni i rin’ e pilung nib m’on rok ni aram Jeroboam nib mo’on ni fak Nebat, ni waliy yu Israel nga fithik’ e denen.

Jeremiah 26:9

Mangfan ni kamog u fithingan SOMOL ni re Tempel ney e bayi bod yu Shiloh, ma bay ni kirebnag e re binaw ney, ma dakuriy be’ nra par u langgin?” Ma aram me liyegneg e girdi’.