Amos 6:10 - Bible Ni Thothup

¹⁰ Be’ rok fare yam’ ni ireram e cha’ ni ga’ ko fare magawon e ir e nge fek downgin fare pumo’on nga wean. Ma ir e ra pining e en kabay u naun ni nge ga’ar, “Kabay be’ ni gimew u wur?” Ma ra fulweg facha’ ni ga’ar, “Dariy!” Ma aram e facha’ ni girdi’en fare yam’ e nge ga’ar, “Mu th’ab gulngam! Thingar da kol ayuw gad ni dab doged fithingan SOMOL.”

Amos 6:10 Referans Kwoze

Amos 8:3

Chirofen nem e pi tang ni yima yin’ u tafen e pi pilung e bayi piliyeg nge ngal’ ni dololoy’. Bayi sug e girdi’ nike yim’ u gubin yang. Bay u ni garpayrad nga wean ni dariy e numon.”

1 Samuel 31:12

me yan e tin th’abi falu’ e pumo’on nib polo’ e nep’ nga Beth Shan. Ngarbad ra lufed downgin Saul nge fapi pumo’on ni fak ko rungrung, ngar fulweged nga Jabesh ngar urfiyed u rom.

Amos 5:13

Ere, bin ni bfel’ ni ngan rin’ e ngan th’ab gulngay ko ngiyal’ney nike gel e kireb.

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Ezekiel 20:39

I SOMOL ni Th’abi Tolang e ga’ar, “Ma chiney, e gimed gubin piyu Israel, mu guyed e n’en ni ngam rin’ed! Mpired riy ngu’um tedfan e pi liyos romed.” Machane gu be yog ngomed ni tomuren e bine’ e bay mu folgad rog migmed tal i m’aynag fan fithingag nib thothup ko pi tow’ath ni gimed be pi’ ko pi liyos romed.

Jeremiah 44:26

Machane chiney e ngam motoyilgad ko n’en ni Gag SOMOL e kug mownag u fithingag nib gel gelngin ngak gubin piyu Israel u lan yu Egypt: Dakriy e ngiyal’ ni bay gu pag bigmed nge mow nga fithingag ni be micheg ban’en me ga’ar, ‘Gu be micheg u fithingan SOMOL ni Th’abi Tolang nma par nib fos!’

Jeremiah 16:6

Pi’in yo’or ban’en rorad nge pi’in dariy ban’en rorad e yad ra yim’ u daken e re but’ ney, machane dariy be’ nra k’eyagrad fa yor nagrad. Ma dariy be’ nra th’ab downgin fa puy piyan lolgen ni nge dag nike kirban’.

Numbers 17:12

Me ga’ar fapi girdi’ nu Israel ngak Moses, “Ere kug musgad u roy!

2 Kings 23:16

Me chachangar Josiah me guy boch e malangen e yam’ u rom u daken fare burey; me yog ni ngan yan ni fek e yil riy ngan urfiy u daken fare altar, ni aram e kem’ay fan e re altar nem, me yib i m’ug nib riyul’ e thin ni yog fare profet ni kakrom ko fa ngiyal’nem nib sak’iy Jeroboam ni Pilung u to’oben e re altar nem ko fare madnom ntay. Me chachangar Josiah ni Pilung me guy e malang rok fare profet ni ir e yi’iynag e re bugithin ney.

2 Kings 6:33

Ka fini mu’ ko welthin me taw fare pilung me ga’ar, “Re gafgow ney nike yib ngodad e SOMOL e ke pi’. Ere mang ni ngku’ug sonnag SOMOL?”

Jeremiah 9:21

Yam’ e ke yib u langan e pi winda rodad nga naun, ke yib nga naun ko pi pilung rodad; ke thang owchen e bitir ni be fafel u kanawo’ nge pi’in ni pagel ni yad bay ko yungi tagil’ e market.